MISE 7:9 - Bible en langue guiziga

⁹ Bumbulvuŋ miji mevel na, sey i ɓusaka ɓi nah, asi i gam mungra le ava. Naŋ masa cik vu asi ndra, yo naŋ masa ɗiya ndrakaslsla na, hin naŋ a sa ndilawa. A sa bo ti ndra ng'ar li minjahha, dar i sa singilaka slra mijeŋŋe naŋ na.

MISE 7:9 ပူးပေါင်းရင်းမြစ်များ

SAMUYEL MUCUW NAŊ 24:17

Davit mupura modro mangizla mizli na, a ɓa Bumbulvuŋ: «Migi mungra i ya, yo migi malambaˀa i ya. Amma mizli migeˀ ircece hanayna, taŋ a gam gwat mike? Zuwen kiɗ di i ya ati mizli ngi hay ɗuwoy si.»

Ɗerewol JOP 23:10

Naŋ, a si na jiviɗ ya maru ti raˀa le ngbaŋ, da a ci le a kwacay ɗu kwana, i sa bo cakar kaɓa ɓiri tapasl tapasl mipal naŋ kine micaka le ngi pur ar vu.

Ɗerewol JOP 35:14

Jop, Buymisemuŋ naŋ anta cinuw di kuy kuyta wãˀ le jak, asi ki ɓi na: k'anta pura Buymisemuŋ ta, ki slufaŋ ɓi ɗike le ngbaŋ kwana, ki ra kutuk na si.

DIMISEY 119:154

Ɓi ar ya, yo cik vu a hirnga ɗu, vuliy siifakaɓa ka miɓiy di ɗaˀ le tuwa.

DIMISEY 37:6

A sa bugo gi jeŋŋe ɗike dizze kaɓa pas mabawa, yo gi kaslsla ɗike kwana, kaɗaŋ kaɗaŋ kaɓa pas deŋ.

DIMISEY 43:1

Aw Bumbulvuŋ ɗu, giy kiita ɗu, yo jiniˀis asi ya, avu mizli manja pura irceceheye. Lihiy avu mizli migi slirey waɗ avu migimungra madiɗahaya.

DIMISEY 7:6

anja mesene ɗu a ɓuliy, a jiy, a kurpiy titiri ɓaˀ a ruwuy, yo a putukuliy ar mereɓ jom ti vu ɗu ya mahuhum di vu na!

DIMISEY 94:15

A sa gaka kiita jeŋ jeŋ muduba, yo mizli misi mevel mileɗeɗeheye, a sa sipaka kanah.

EZAYI 42:16

I sa ga ɓa dangaray a ram tir jiviɗ taŋ misinaka ta, ɓa a cohom tir jiviɗ misler sler taŋ misina ka ta Li luvuŋ ngi mbuŋ taŋ, i sa tiri di li minjahha, jiviɗ muguduɗoŋ guduɗoŋhoyo, i sa cica taŋ cir cir. Gwat ngi gi hanayna, i sa ga taŋ cummo, ko y'anta sa pula taŋ manja gi ta.

EZAYI 42:7

Ki sa wuna hiri ngi dangaray, kisa bo ti dangayay avra, mizli migicahay ar luvuŋ, kisa bo taŋ avra.»

EZAYI 46:13

Gi jeŋŋe ɗu, naŋ gweˀe, naŋ anta kileŋ ta, ɓi ngi ya malih vu na, naŋ anta mur mata. I sa vulo ɓi ngi laha vu da mizli Siyoŋhoyo, i sa ga ɓa Israyeley a lumam dudok ɗu.

EZAYI 51:22

Buy ɗik Bumbulvuŋ, Buymisemuŋ ɗik, matiɓa hirnga ngi mizli naŋhay na, a ɓuw na: «Sikiɗ ngi himaˀ maguw hirnga viwwe, sikiɗ ngi ji mevel ɗu na, ani yi tiɓa le tisi haŋ ɗike. Zle dana na, k'anta sa sa mata wãˀ.

EZAYI 56:1

Bumbulvuŋ a ɓi na: «Gwat ngi gi zuy na, jaka kaw kuy kuy, yo gi jeŋŋe kwana, gam di slra, asi laha vu ya maso di na, a wuɗ a ndilo gweˀ, yo gi jeŋŋe ɗu, a wuɗ a njik gweˀ.

ZEREMI 10:19

Zeruzaleme, ara tuwuy: «Kay, bonoy mike gawlay! Waˀa ɗu anta kuf ta! Yi ɓi le: i malambaˀ ɗu ya miga na kini takwa! Sey i ɓusa.

ZEREMI 14:7

Aw Bumbulvuŋ ɗu, da mungra ndrahay ara mbiɗam ndra hirnga tehhe a muŋ na, gi gwat neˀ ɓa ngi ɗuva hirnga da slimiɗ ɗike! Naŋ kanah ɓula, i ra jam mi ndrehhe: i sinukuw ta, i sinukuw ta, i zluɓam ɓi le avu ka.

ZEREMI 51:10

Bumbulvuŋ a biga naŋ milaha ndra na le, gwat Bumbulvuŋ Buymisemuŋ ndra miga na, soko, slufukum ɓi nah a Siyoŋ.

TUWUY 1:18

«Bumbulvuŋ naŋ jeŋŋe, a ga kanah, asi naŋ miɓi ɗaˀ na, yi cinaŋ mi ta. Kum mizli gar, cinam so, puraka bonoy ya masa na. Ziri diili ati ziri gawla ɗuwoyo, a jaka taŋ le nga hirwuy mulak.

LEVIHEY 26:41

Ya kwana, yi slikiɗ himaˀ le ar taŋ, yo yi ru ti taŋ le ng'ar hirwuy ngi mesene taŋhay na, taŋ vuna a sa slaka wala nah. Yo ma na, pas purla na, taŋ misi hirnga gidaŋ haɗa na, a sa hinam hirnga, yo ya makuta taŋ ti bonoy na, a sa tiɓaka naŋ kaslsla gisiŋ.

MALASI 3:18

Akẽh na, kisa puraka wal wal misi ar wala ngi mbur mijeŋŋe ati mbur misi moˀore, yo ar wala ngi mbur magi slra ngi Buymisemuŋ ati magi ta.

KORENTIHEY MUDUMBUŊ 4:5

Vurˀe, anja ki gam kiita da mbur daf dumbuŋ ta, sey da Bumbulvuŋ muso le. Gwat muɗum ar luvuŋ gar na, i naŋ masa bo taŋ ngbah ar li babara, yo i naŋ masa njika wuluk miyaŋ ngir mevel ngi mizli gar. Dar Buymisemuŋ a sa hunuma mbur gar weˀe avu gwat naŋ migaŋ.

TIMOTE MUCUW NAŊ 4:8

Wurenna, migir ɗu asi ya mulum bugawla na, ara kutukuy, i loppol mijeŋŋe, Bumbulvuŋ migi kiita mijeŋŋe masa vuliy di tapasa. A sa vula da ya pal ta ɓula, amma da mizli gar mawuɗam kutuk naŋ ɓa a bugo vu.

ƁIMUNJUYO 18:20

Haya muŋ, ka mumul, asi naŋ mitiri diŋ na! Kumo kwana, mizli ngi Buymisemuŋhoy, kum mislin ngi Kristuhoy, kum mijiviɗey, kum mumulom! Buymisemuŋ miga kiita da walahay hana, asi malambaˀ naŋ mugukum di na.

SAMUYEL MUDUMBUŊ NAŊ 24:15

Buy ngi Israyel a bi nga gi vurum ati waka? Ati ya takwa! Buy a sipi nder nder i waka? I ya kiri mumuca le. Yo ya busukum ngatara na takwa?

SAMUYEL MUDUMBUŊ NAŊ 25:39

Davit a cine na, Nabal a muc le, a ɓi: «Yi ra ga sise da Buymisemuŋ mijiniˀis asi ya, asi zi ɗu Nabal miziy na! Sise asi naŋ mitikiy ya gawla naŋ, ɓa yi gi malambaˀ ta, yo moˀore ngi Nabal na kwana, Buymisemuŋ a maŋ di le nga hirnga naŋ a muŋ.» Akẽh na, Davit a slin, ara cufuɗaka Abigayele, ɓa a zuɓaŋ ngi ngwasa.

SAMUYEL MUDUMBUŊ NAŊ 26:10

Joˀ Davit a ɓi: Kaɓa Buymisemuŋ misi ti siifa na, masa zizaŋ hutuŋ i naŋ ti haŋ naŋ. Malla a sa muc ti muc si, malla, a sa kiɗakaŋ ar vurum.

SAMUYEL MUDUMBUŊ NAŊ 3:18

Dar Samuyel a ɓaŋ ɓi Buymisemuŋ miɓaŋ taŋ tuwa gar, ko a ɗumoŋ pal ta. Eli a ɓaŋ: «I Buymisemuŋ. Gwat naŋ mapura kuy gar na, anja a gaŋ.»