MISE 7:6 - Bible en langue guiziga

⁶ Asi mangal a za cine, mibirngaŋ, zuŋ mongoso a mbiɗi hirnga avu mumuŋ, ngwasa, dideˀ naŋ mongoso a mbiɗi hirnga ava. Mbur gar na, mesene naŋ i mbur ngi hay naŋ tehhe a muŋ.

MISE 7:6 ပူးပေါင်းရင်းမြစ်များ

Ɓimezle ngi Yesu Kristu LUK mitil di mi 12:53

Cine ngi mangal a sa wunkamˀay ati mangal naŋ, mangala kwana, a sa wunkam ˀay ati cine naŋ. Mumuŋ ngi zuŋ a sa wunkamˀay ati zuŋ naŋ, zuŋ kwana, a sa wunkamˀay ati mumuŋ. Mumuŋ ngi mangal a sa wunkam ˀay ati ngwas ngi mangal naŋ, ngwasa kwana, a sa wunkam ˀay ati mumuŋ ngi zil naŋ.»

Matiye 10:21

«Mbur a sa vula sukum naŋ a haŋ mizli ɓa a kiɗaka vagay, yo cine a sa vula zuŋ naŋ aya. Ziri a sa mbiɗam hirnga avu miyi taŋhaya, a vulaka taŋ ɓa a kiɗaka taŋ vagay vagay.

DIMISEY 41:9

A ɓam: «Gwat mukuy ta a lumaŋ le, naŋ mihinuw le a ruwuyo na, k'anta slikiɗ di mata!»

EZEKIYEL 22:7

Asi hirwuy ɗike, mbur a hirsa cine ati mumuŋ, a guzuvuraka mbur moholoyo, a zumaka gwat ngi mutuhuhoy ati ngi wudigahaya.

Ɓimezle ngi Yesu Kristu ZAŊ mitil di mi 13:18

Ya maɓi na, vur kum gar ta ɓula, yi si na mizli ya muwuna taŋ na le. Amma anja gwat Ɓimutoho miɓa na, a gi muduba: ‹Mbur ndra mazumam ɗaf cuwa na, a mbiɗi hirnga le avu ya.›

MIKUCUWULOY 30:11

Mizli ada manisaka cine taŋhaya, yo t'anta ɗuwulaka mi da mumuŋ taŋhaya ta ma!

Ɓimezle ngi Yesu Kristu LUK mitil di mi 21:16

Ko miyi kumoy ati sukum kumoy, muy kumoy ati ngama kumoy kwana, a sa vulukum ɓa a jukum, a sa gam kiita ngi muc da mizli mekelemey haɗi a wuzla kumo.

Matiye 26:23

Yesu a mbiɗa taŋ di: «Masa vuliy ɓa a jikiy na, i mbur mica haŋ ng'ar sikiɗ ati ya na.

ABDIYAS 1:7

Mizli mujuwam ɓi ati ka, ara ɓulukuw tisi ruwuy ɗik avra, ara tukunukuw. Ngama ɗikey ara jukuw, mizli, kum mazumam ar sikiɗ purla, a ɗuɗukuw le ng'ar kwar taŋ. A ɓam ar ka na: «Ko lesl anta avu ka mata.»

ZEREMI 20:10

I ra cine mizli haɗi maɓam ɓi malambaˀ ar ya na, a cikiy slimiɗe: ‹Zluwun ɓaˀ li›. Mekelemey a ɓam: ‹Njikakaŋ!› ‹Haˀaw, njukukum di!› Ko yeme ɗuwoy gar kwana, ara jiɗikiy, da i sluw mi kwana, a ɓam: «Naŋ mbur miteˀteˀ na, asinta, a sa gi gilaw kwana, naɓa i lumam bugawla le, yo i pulaka bol ndra le muduba.»

ZEREMI 12:6

Ko sukum ɗikey, mizli ngi hay kumoy kwana, taŋ vuna, a vulukuw ngi ji, maziloko mizli haɗa ti yaŋ yaŋ ng'ar ka, i taŋ vuna. Ko da ara ɓukuw ti ˀay mezle kwana, ki pula taŋ vu ta.

MIKUCUWULOY 30:17

Mbur masingir ar cine, yo mangum cine mi da mumuŋ ta na, magagak ngir zlazlaray a sa nduzokoŋ hiri, joˀ kromoy a sa zumakaŋ.

SAMUYEL MUCUW NAŊ 16:11

Davit a ɓa Abisay ati gawla naŋhaya gar: «Mangal ɗu mubo tivi ya, da ara wuɗ ziza hutuŋ ɗu na, sokkota mbur Benjameŋ hana jak kwa? Da i Bumbulvuŋ miɓaŋ na, pulakaŋ, anja a nisiy.

ZLI VIRZI 49:4

Ka kaɓa yam maɓul ar gidaŋ. Amma ki modogom mata. Asi ki hirya kitihin ɗu le, ti ka mihin ti ngwas pal a wuzla ngwas ɗuwoy na.

EZAYI 9:19

A mbuɗam tir vay hazum, a zumam, amma may a ja taŋ na si, a mbiɗam tir vay gula, a zumam, amma anta mbam ta mbur gar a jigin mi avu cala.

ZEREMI 9:4

Mbur gar ara tikina cala, mingiɓi mikaslsla anta mata! A ra sirkaka irne ngi balam ngi ɓi ɓi ngi slir. Taŋ maɓam ɓi cir cir ta tuwa na, a moko ng'avi ya gu mata.

EZAYI 3:5

Mizli a sa guzuvuram vu ar wala taŋ, mbur gar a guzuvur cala. Zuŋ, a guzuvur midigila, mbur kesefe, a guzuvur buyɓi.