MISE 7:3 - Bible en langue guiziga

³ Haŋ taŋ i ngi gi malambaˀa. Buyo ɓa a ga mezle da mburo na, a cufuɗ ɓa a vulakaŋ gwat naŋ mawuɗo ɗagay. Migi kiita a cufuɗ, sey a vulakaŋ gwat taˀ le, mizli madiɗahaya, gwat ngi kiɗa taŋ maya, a ɓaka ɓi nah ˀay paɗ a muŋ.

MISE 7:3 ပူးပေါင်းရင်းမြစ်များ

MIKUCUWULOY 16:30

Mbur mawuluk gi malambaˀa, a tiɗa hiri, a humbuɗ mi na, kite a gi malambaˀ le si.

MIKUCUWULOY 17:23

Mbur misi moˀore, a tiɓa gwat ngi vul muɗum ti ɗumo, ɓa a mbiɗa ɓi mikaslsla misi a mevele na.

EZAYI 1:23

Buy ɗikey i mislikiɗa ɓihey, yo i muɗumo muhuloy. Taŋ cek a wuɗam gwat ngatara, ar gwat gar na, a wuɗam sey haŋ sik le. Anta gam gwat mijeŋŋe da mutuhu ta, yo anta cinam widi ngi ngwas widiga ta.

EZAYI 26:21

Ani Bumbulvuŋ ara bo tir hay naŋ, ɓa a cufuɗa ɓi ngi mungra taŋ madiɗahay na, avu mizli ngisi ruwuyoy, ɓa a slufakaŋ di. Joˀ ruwuy a sa ngulo pumbusu, a sa pula sumbuto mizli mikiɗahaya.

EZAYI 3:5

Mizli a sa guzuvuram vu ar wala taŋ, mbur gar a guzuvur cala. Zuŋ, a guzuvur midigila, mbur kesefe, a guzuvur buyɓi.

EZAYI 32:7

Mbur magi gilaw da mizli, gwat ngi gi naŋ i mungra madiɗaŋ. Hirak ti misi murgahay mira slufaka ɓi taŋ na, a ɗiyi ɓi ɗiyeˀ ɗiyeˀ, a ja taŋ ɓi gbiŋ gbiŋ lambaˀ ngi ziza mizli migeˀ ircece tayna.

EZAYI 5:23

Mbur muzluɓa ɓi, a vul gwat, a susuyumo ɓi naŋ, mbur muzluɓ ɓi ta, anta cinaka mingiɓi naŋ ta.

ZEREMI 3:5

Ki ɓi a kwacay ɗike: Ɓi naŋ ada ti ya aruŋ makwa? A jiy le a kwacay ngi set kwa?» Ko ti ka mira ɓi kahana na kwana, ki pula gi malambaˀa ta na si, yo ki ra ga kuy kuy wãˀ le jaka!

ZEREMI 4:22

Haˀaw, mizli ɗuwoy i gilaway, a sinikiy ta. I ziri manja lesley, anta slaka wala ngi ɓi ko neˀ le ta. A sinaka wala ngi gi malambaˀa le wãˀ ɓula, amma a sinaka gi mezle ta.

ZEREMI 8:10

Na mbak ɗagay so, yi vula ngwas taŋhaya da mizli mekelemey, guva taŋhaya, da mizli masa tiɓaka taŋ avu taŋ. Asi taŋ gar taŋ, ziri ati mizli micawwahaya, may gwat avu taŋ haɗa. Taŋ gar, mijiviɗey ati masayaya, gwat ngi gi taŋ naŋ kaslsla ta.

EZEKIYEL 22:12

Asi hirwuy ɗike, a wurkaka mburo, ɓa ara kiɗ hirnga. Mbur a didiɗ gwat ɓa a sa mo di ti yam anga haɗa. Ki zuma gwat ngi cil ɗike ti gidaŋ, amma ya, ki puyuk hirnga le ti ya. I ya Bumbulvuŋ, Buymisemuŋ maɓi.

EZEKIYEL 22:27

Buy ngi raˀahaya, taŋ kaɓa kiriɓuhoy manguwam gwat ngi zum taŋ, taŋ weˀ weˀ vu ngi kiɗa hirnga, ngi ziza mizli ɓa a ciram tisi taŋ ngi luuma gwata.

EZEKIYEL 22:6

Buy Israyel ngisi hirwuy ɗikeye, mbur gar na, ara biga gidaŋ naŋ, a kiɗ di hirnga.

EZEKIYEL 34:21

Ginew muvusohoyo, ki mbizlaka taŋ ti sar waɗ ki dumbuslaka ti didak, yo ki kiɗaka taŋ ti durum tuwa, hã ki zliɗaka hirnga taŋ mber mber.

EZEKIYEL 9:9

A ɓiy na: «Mungra ngi Israyel ati Zudahaya, a gi le haɗa, naŋ fineˀ gidaŋ. Pumbus a pi asi ruwuyo haɗa teˀe, yo gi moˀore a fini gidaŋ le ar walahaya, asi a ɓam na: ‹Bumbulvuŋ, a muɗ haŋ le avu hirwuyo, Bumbulvuŋ anta pura ndra gu ta›.

Ɗerewol OZE 4:18

Taŋ misam a kiɗ mi le na, mbak gi madama so, Buy taŋhay a wuɗam zli ɓi ngi gi gwat ngi mesem haɗa.

Ɗerewol OZE 7:3

A ra gam jalaɓi ti buy madiɗa, ti ɓi ngi moˀore taŋ na, yo ara gam jalaɓi ti buyoyo ti ɓi ngi gi gilaw taŋ na.

AMOS 5:12

Asi yi si na le, ki slikiɗam ɓi le haɗa, yo ki gam mungra le haɗa fineˀ gidaŋ, ki guzuvuraka mbur mijeŋŋe, ki wuɗam sey goro taˀ le ngi gi gwata, ar li gi kiita na, ki dikaka ɓi mijeŋŋe ngi mbur misi murga dak le.

MISE 2:8

Buymisemuŋ a ɓi vur kumo: Ti zleˀe na, ki tiram mesene ngi mizli ɗuwoy le. Mizli macohom manja zluwun avu kumo, ti taŋ mumoko le tir vurum na, godo ngi hirnga zana taŋhaya, ki cukoko taŋ di avra.

MISE 3:11

Buy taŋhaya, ɓa a gaka kiita na, sey gwat ngatara taˀ le, masay taŋhaya, ɓa a dubunaka gwat da mizli na, sey a wurkaka taŋ wuruk le, mijiviɗ taŋhaya, ɓa a ɓaka ɓi ngi gwat masa gi na, sey dala taˀ le. A jaham jah ti Bumbulvuŋ, a ɓam: «Bumbulvuŋ naŋ anta wuzla ndra ta kwa? Kay, mendere anta so ng'ar ndra ta.»

MISE 3:2

Amma kumo, gi gwat mezle na, ki puraka hiris le, dar ki wuɗam gi malambaˀ jaka, kum kaɓa migi useˀhey, ki turoko kuturkuy ngi dumvu ngi mizli, waɗ useˀ ngi vu taŋ misirit a hirnga tesl taŋhaya.

Matiye 26:15

A ɓa taŋ: «Da yi vulukum Yesu vuna le na, kisa vulikiy mike?» Joˀ a slufakaŋ suloy kukur makir

KORENTIHEY MUDUMBUŊ 4:5

Vurˀe, anja ki gam kiita da mbur daf dumbuŋ ta, sey da Bumbulvuŋ muso le. Gwat muɗum ar luvuŋ gar na, i naŋ masa bo taŋ ngbah ar li babara, yo i naŋ masa njika wuluk miyaŋ ngir mevel ngi mizli gar. Dar Buymisemuŋ a sa hunuma mbur gar weˀe avu gwat naŋ migaŋ.