MISE 5:3 - Bible en langue guiziga

³ Naŋ buy tuwa, a sa cici zlak, a jigina mizli naŋhaya, ti gidaŋ ngi Bumbulvuŋ, ti dudok ngi slimiɗ ngi Bumbulvuŋ, Buymisemuŋ naŋ. Mizli naŋhay a sa cifam setette, yo mizli a sa sinaka madiɗa naŋ na, hã a si diˀisi.

MISE 5:3 ပူးပေါင်းရင်းမြစ်များ

BUYOY MUDUMBUŊ NAŊ 14:16

Bumbulvuŋ masa pula Israyeley mbak na, asi Zeroboˀam migi mungra, yo asi naŋ miga ɓa Israyeley a gam mungra.»

ƁI NGI HINEY MUCUW NAŊ 30:7

Ki gam kaɓa cine kumoy ati sukum kumoy na ta, Bumbulvuŋ Buymisemuŋ ngi dideˀ taŋhaya, taŋ a gam teŋteŋ ava ta, mbak hã a vula taŋ, ɓa mizli a ngizlaka taŋ, kaɓa kum mapuraka ani na.

DIMISEY 67:3

Ɓa mizli a sinaka jiviɗ ɗik a ruwuyo, yo ɓa mizli duniyahay a sinaka, ki Milaha vu.

EZAYI 11:11

Ti hin nah na, is ngi mizli ngi Buymisemuŋhoy mindiram a Asiri, a Ezipte vay ruwuy, a Ezipte vay muŋ, a Sudaŋ, a Elam, a Babiloŋ, a Hamat-ngi-Siri waɗ ar matura ngir mubuliyey na, Bumbulvuŋ a sa ska haŋ ng'ar taŋ ngi mbiɗo hirnga taŋ ava ma,.

EZAYI 49:6

A ɓiy: «Ɓa ki tiri gawla ɗu, ki mo ti Israyeley mindiram ti siifa, yo ɓa sukwi ngi Zakopo, ki slikiɗaŋ deŋ a muŋ na, i hana tewle ta. Amma yi cufuw le hĩˀĩ, ɓa ki tiri li minjaha ngi sukwi ngi mizli gar, yo ɓa ɓi ɗu ngi lahavu na, a ndil hã ar hirwuy mikiɗ mi.»

ZEREMI 23:5

Hin ara ndilawa, tapasa, i sa bo ti mikwanay ngi Davite: i buy mindila zuma buyo le, a sa cik vu a hirnga ɓimujuwa mitaˀ gar waɗ a hirnga ɓi mijeŋŋe asi ruwuyo. I ya Bumbulvuŋ maɓi.

ZEREMI 31:1

Hin ada, naŋ misa ndilawa le na, yi sa tiri Bumbulvuŋ ngi muy ngi Israyeley gar, taŋ kwana, a sa tiram mizli ɗuwoy. I ya Bumbulvuŋ maɓi.

EZEKIYEL 34:16

I sa ra supo tumuŋ miziza le, maru ti liˀi kiŋkiŋ lamabaˀa, i sa mo di, mingila sara le, i sa mbizaŋ di, misi jiji, i sa vulaŋ gwat ngi zum, ɓa a slikiɗi. Amma ginew muzlumburahay ati migidaŋ gidaŋhaya, i sa ngizla taŋ. Joˀ i sa jigina tumuŋ ɗuwoyo jeŋŋe ti jiviɗ naŋ.»

Ɗerewol OZE 11:8

Efrayim, i sa guw mbrike? I sa pula Israyel a si haŋ ɗik kwa? Ɓa i sa gi ti kakaɓa walahay Atma na, mbri mbrike? yo i sa tiri ti kakaɓa walahay Seboyim na, mbri mbrike? A giy le welele a mevel ɗu, waɗ mana, ircece anta avu ya mata.

Ɗerewol OZE 2:14

Guva ngi gudubun ati ngi uruf naŋhay, naŋ maɓi: «Puraka migir ɗu, mangasl ɗuwoy mivilikiy di tuwa.» Na yi sa tiri di kalaf tikiɗif, joˀ gwat misãmi ngi ɓuhoy a sa tiram di gwat ngi zum taŋ.

Ɗerewol OZE 2:9

A sa kil asi mangasl naŋhaya, amma ko naŋ anta sa ndila taŋ ta. A sa sipa taŋ bal bal, ko a luuma taŋ ta. Joˀ a sa ɓi: «I sa mi ngi hay zil ɗu mudumbuŋ a muŋ, asi i ra mumul zleˀe fineˀ misi wurenna.»

AMOS 5:15

Puraka ɓi malambaˀa hiris le, wuɗam gi mezle. Ar kiita na, cicaka ɓi kaslsla, asinta, Bumbulvuŋ Buymisemuŋ misi gidaŋ wãˀa, a sa pura ircece da dideˀ ngi Zozefey mindirama.

MISE 4:4

Mbur gar a sa cifi asi gudubun naŋ waɗ asi uruf naŋ zuy zuy, ko mbur masa gaŋ ngaˀa anta.» Asi i ya Bumbulvuŋ misi gidaŋ wãˀ maɓa ti mi ɗu.

MISE 4:7

Mizli maram kiciɗek kiciɗek vuna, i sa ga ɓa mandiram i taŋ, muroko kileŋ kileŋ na, i sa ga ɓa a tiram sukwi migidaŋ. Ya Bumbulvuŋ i sa cifi i buy taŋ a muwã Siyoŋ, zle wurenna hã ngi sete.

MISE 5:7

Akẽh na, Israyeley mindirama, a sa tiram a wuzla sukwi mihaɗa, kaɓa mobor a wuzla gwat misahmi ngi ɓuhoy, kaɓa zinga ngi mobor a wuzla tumuŋ gezleŋ taˀ. Da naŋ mira cuh gar na, a ja gwata, a ngira, amma ko mbur malaha ginewe gu ti vaˀa anta.

MISE 5:8

Anja ki zuɓa haŋ ɗik ng'ar mizli mazliram ti ka ta na so, yo anja ki ngizla mesene ɗikeye!

MISE 6:14

Ani kisa zumam gwata so, amma kum anta sa mbam ta. May a sa gi asi ruwuy kumo. Ki sa pam gwata sek ngi wi vu, amma kum anta sa wam di vu gu ta. Gwat kum masa wam di vu vuna, i sa vula ɓa vurum a zuma.

MISE 7:13

Hirwuy a sa tiri kirɗak kirɗak, asi moˀore ngi mizli ngi raˀahaya. Nah na i migir ngi gwat ngi gi taŋ.

ZAKARI 10:6

I sa juko didak da Zudahaya, i sa laha mizli ngi Zozefeye. I sa mo ti taŋ ng'ar li taŋ a muŋ, mbur a ɓi kaɓa i zliɗa taŋ avra zleˀe ɗaˀ ta, asi yi Bumbulvuŋ, Buymisemuŋ taŋ, i sa cine diradibiɗ taŋ.

Matiye 1:21

A sa yi mangal mizile, kisa zila Yesu, asi i naŋ masa laha mizli naŋhay avu mungra taŋhaya.»

Matiye 12:50

Asi ko wa gar magi gwat Baha misi a muŋ mawuɗ na, naŋ i sukum ɗu mizile ati mongoso, yo i maha ma gar.»

Matiye 25:40

Joˀ Buy a sa mbiɗa taŋ di: «Gisiŋ, yi ɓukum na: gwat kum migaka le, ko ngi vunaka gar da mbur pal a wuzla sukum ɗu mizlew muwãˀ tayna na, kite ki gikiy di da ya vuna si.›

ROMAHAY 8:29

Asi mike na, mizli Buymisemuŋ misina taŋ le daf dumbuŋ zleˀe si na, a wuna taŋ le dumbuŋ zleˀe ya, ɓa a bam vu heˀ ati Mangal naŋ, ɓa Mangal naŋ a tiri modogom a wuzla sukum naŋhay mihaɗi na.