MISE 5:2 - Bible en langue guiziga

² Vurˀe, Buymisemuŋ a sa pula Israyeleye mbak asi haŋ ngi mesene taŋhaya, hã ngwas misi zuŋ a kwacay na, a yi ɗagay. Akẽh na, sukum naŋhay mindiram na, a sa jumom ng'avi Israyeley.

MISE 5:2 ပူးပေါင်းရင်းမြစ်များ

ZLI VIRZI 35:16

Zakop ati mizli ngi hay naŋhay, a pulaka Betele. Rasel a yi, naɓa taŋ zar avu Efrata aruŋ. A yi ti tuwaˀ haɗi teˀe.

ZLI VIRZI 35:19

Rasel a muc, a dikaka a ciki jiviɗ ngi Efrata, mbiɗeˀvra, Beteleyem.

ZLI VIRZI 48:7

Naŋ kine, ti ya masawa ti Mezopotami na, Rasel a muc avu ya, a jiviɗ ngi Kanaˀan, gweˀ ngi ndila Efrata. I dika a ciki jiviɗ ngi Efrata a diga. A zilaka Efrata wurenna Betelyem.

ZLI VIRZI 49:10

Ganday ngi buyo naŋ anta lih asi haŋ ngi Zuda ta, yo ganday ngi jigina mizli, naŋ anta lih asi sar naŋ ta, sey tapas buy ngi ganday vuna misa so le, i mbur misi mizli gar masa cinakaŋ mi.

ƁI NGI HIN GAR MUDUMBUŊ NAŊ 2:54

Dideˀ ngi Salmahay i mizli ngi ruwuy Betelyemey, ngi Netofa, ngi Atrot-Bet-Yoˀap waɗ reta ngi mizli ngi ruwuy Manahat ati ngi Sorahay

ƁI NGI HIN GAR MUDUMBUŊ NAŊ 4:4

Penuwel mipa hirwuy Gedor, yo Ezer mipa hirwuy Husa, i ziri mizile ngi Huroy, Hur, mangal modogom ngi Efrata, mbur mipa Betelyem.

ƁI NGI HIN GAR MUDUMBUŊ NAŊ 5:2

Naŋ kine, Zuda a tiri madiɗa angi sukum naŋhaya, Yarma a bo ti vaŋ, amma gi modogomo i ngi Zozef.

DIMISEY 132:6

I cinam a ɓam na: akoti ngi Bumbulvuŋ naŋ a Efrata, i lumaka le ar prok ngi ruwuy Yaˀar:

DIMISEY 90:2

Ti muwãhay mubugoko vu t'aruŋ, yo ti ka miga duniya t'aruŋ na, naɓa ka ki Buymisemuŋ diga zlezle, hã ngi surmut.

BI NGI ISRAYELEY 18:21

Is naŋ gar na, wini mizli mupuɗaw puɗaway mazluwunam ti Buymisemuŋ, mizli mikaslsla, manja may gwatay, ki cifa taŋ i buy ɓihey a hirnga mizli durmuk durmuk, a hirnga mizli skat skat, a hirnga mizli kukur zlum kukur zlum, waɗ a hirnga mizli kuruˀ kuruˀ.

BI NGI ISRAYELEY 18:25

Moyis a wini mizli mupuɗaw puɗaway a wuzla Israyeley gar, a cifa taŋ i buyɓi a hirnga mizli: buyɓi a hirnga mizli durmuk durmuk, skat skat, kukur zlum kukur zlum, waɗ a hirnga mizli kuruˀ kuruˀ.

EZAYI 11:1

Mangal mizile a sa bawa ar sukwi ngi Zese, mihaŋ ngi widis a sa bawa avu slaslalak.

EZAYI 53:2

Asi mike na, Buymisemuŋ, gawla naŋ a gil a mihiri naŋ kaɓa kalaf, sluwraŋ kaɓa slaslalak muɗuɗo kalaf ar li papala. Kuy malla gwat ngi ngilawuy, ɓa a ga ndra kuy ngi puraŋ na, anta ava ta. Ko deŋ naŋ kwana, anta kaɓa ndra mawuɗam ngi pur na ta.

EZAYI 55:4

Yi cifaŋ naŋ le i sedewo ngi biga gidaŋ ɗu da sukwi ngi mizli, i buy, yo i madiɗa ngi mizli ma.

EZAYI 7:14

Bumbulvuŋ vuna tihaŋ naŋ ara vulukum gwat mabigi gwat ani: Puraka, zuŋ diili a sa gi hur, a sa yi mangal mizile, dar a sa zila Emanuwel.

ZEREMI 30:21

Buy naŋ a sa bo ti vaˀa vuna si, buy madiɗa a sa ya ka a hay naŋ, i sa kiroho di, a sa kiroho nga mbuŋ ɗu. Mbur masa tum vu tum, ngi kiroho ng'avi ya i waka? I ya Bumbulvuŋ maɓi.

Ɗerewol OZE 6:3

Tumukum vu ngi si na Bumbulvuŋ, so naŋ na, i gisiŋ kaɓa pas mabo ti miprik priki, a sa so ng'avi ndra kaɓa vuŋ masawa, yo kaɓa vuŋ ngi dirba wãˀ magujaˀa li.»

AMOS 9:11

Buymisemuŋ a ɓi: mazlaɓ ngi Davit mijangawwa na, i sa slikiɗa hiri naŋ a muŋ, i sa disla li munjoŋ njoŋ naŋhaya, i sa ndir hayay ar diŋheye, i sa slikiɗa hiri ngi walahayaka nga naŋ misi zleˀe a muŋ.

MISE 4:10

Diyli Siyoŋ, vu majuw na, mbiɗi di puɗwuliˀ puɗwuliˀ, widi haɗa haɗa, kaɓa ngwas mira yi, asi kisa bi wurenna tir walahaya, kisa ra cifi ar guva, hã kisa ru sesẽŋ a Babiloŋ. Ki sa lih a diga. Bumbulvuŋ a sa mbuɗu hirnga ɗik a diga tisi haŋ ngi mesene ɗikeye.

ZAKARI 13:7

Ka maslalam, puk pak ng'ar mijigin ɗu, waɗ ng'ar cil ɗu mupuɗaw na so. Kiɗa mijigin ɗu vagay, tumuŋhoy a sa zliɗam hirnga, yo ko ziri memeɗehey kwana, i sa zuɓa haŋ ɗu ng'ar taŋ. I ya Bumbulvuŋ misi gidaŋ wãˀ maɓi.

ZAKARI 9:9

Walahay Siyoŋ, jiɗ mececẽleŋ! Walahay Zeruzalem, ji salalay kiɗ kiɗ. Pura, Buy ɗike n'ani so ng'avu ka. I mbur mijeŋŋe, yo i bugawla, i mbur mihina hirnga, naŋ gilaˀ ar zungu, ar gawla zungu kine aruŋ

Matiye 2:1

Ti Herod mazum buy na, a ya ka Yesu a Beteleyem, hirwuy Yude. A dirba nah, misi sinmijileŋhey a soko tisi pas ngi miprik nga Zeruzaleme.

Matiye 2:6

«Ka Beteleyem, hirwuy Yude, ki prok miwãˀ ngi wuzla walahay madiɗa ngi si ruwuy Yudeheye ta, asi buy masa jigina Israyel, mizli ɗuwoy na, a sa bo tivi ka.»

Matiye 28:18

Joˀ Yesu a kirih ng'avi taŋ, a ɓa taŋ: «A vulikiy madiɗa le ngi wa muŋ ati hirwuyo gar.

Ɓimezle ngi Yesu Kristu LUK mitil di mi 23:2

A kupakaŋ ɓi, a ɓam: «I lumaka mbur hana ar li pi mi da mizli ɓa a slikiɗam ɓi: a tika taŋ ɓa a wurkaka buutu da buy mimadiɗa ta, yo a wa vu naŋ i Mesi, buy madiɗaŋ.»

Ɓimezle ngi Yesu Kristu LUK mitil di mi 23:38

A tohom mingiɓi toh toh avu dum, law a hirnga naŋ, a tohoko na: «I buy madiɗa ngi Yudehey.»

Ɓimezle ngi Yesu Kristu ZAŊ mitil di mi 7:42

Ɓimutoho a ɓi na: Mesi a sa so i dideˀ ngi Davit, a sa so ti Beteleyem, walahay miyaka Davit ara na, kini ta kwa?»

Slu cuw 1:15

Ɓa ngi ru ti kum so na, yi wuɗ mizli misi sinmijileŋhey, mizli kum misinaka taŋ le, yo misi i buyɓihey ar sukwi kumoy zleˀe si, jo yi cifa taŋ i buyoy a hirnga mizli durmuk durmuk, skat skat, kukur zlum kukur zlum, kuruˀ kuruˀ. Mekelemey i mijigina lihey ar sukwiheye tiɗeˀe.

KOLOSOY 1:17

Yo naŋ vuna, naŋ da dumbuŋ angi gwatay gar. Gwatay mijah jah ar li taŋhay gar na, tiseˀeŋ.

HEBEREY 13:8

Yesu Kristu, naŋ da nga naŋ nga naŋ, ngi dambu, dana, naŋ da kanah hã ngi sete.

HEBEREY 7:14

Naŋ kine, i sinaka le kuy kuy wãˀ, Buy ndra Yesu, a ya ka angi sukwi ngi Yuda, Moyis miɓa ɓi ngi masayay ar ɗerewol na, a ɓi vur sukwi ngi Yuda ɗaˀ ta.

ZAŊ MUDUMBUŊ NAŊ 1:1

Ndr'i ra tuhukum ɓi vur mingiɓi mavul siifa. N'ada zle ti gwatay gar muɗuvam virzi na. I cinaka le, i puraka le ti hiri ndra. I singilaka le singal singal, yo i tutumaka le ti haŋ ndraˀahaya.

ƁIMUNJUYO 19:16

Avi jibe naŋ, waɗ avu tuwal naŋ na, a tohom slimiɗ anihĩ: «Buy madiɗa ngi buy madiɗahay, Bumbulvuŋ mifina kulihey.»

ƁIMUNJUYO 2:8

«Toho da modro ngi cikil ngi misikristu ngi Simirneheye ɓaŋ na: Mbur mazilaka Mudumbuŋ, yo ngi Dirba, mbur mumuc pam le zleˀe, mumo ti siifa ti mi a muŋ na, a ɓi:

ƁIMUNJUYO 21:6

A ɓiy ma: «A gi le si. Yi Alfa, yi Omega. Yi zli virzi ngi gwat, yi kiɗa mi ngi gwat. Mbur, yam magaŋ gar na, i sa vulaŋ yam ngatara angi miviɗiviɗi ngi yam ngi siifa.

MIGI KIITAHAY 17:7

Dambalaka mangal gawla levi ada, naŋ i mulak a Betelyem, hirwuy ngi sukwi ngi Zuda.

RUTH 1:1

Hirak ti migi kiytahay miwaka Israyel na, may a gi asi ruwuyo. Mbur Beteleyem ada a ruwuy Zuda, a slikiɗ kutum ng'ar prok ngi Moˀap ati ngwas naŋ waɗ ziri naŋ mizilehey cuw.

RUTH 4:11

Mizli micawwahay ati mizli micikilam akẽh gar, a mbiɗakaŋ di: «Haˀaw, ndr'i sedewohoy. Anja Bumbulvuŋ a ɗuwula mi da ngwas maci ngi hay ɗik vuna, a tiri kaɓa Rasel ati Leya, ngwas ngi Zakopoy mucuw tayna, miyaka sukwi Israyeley taˀ gar na. Anja zlili ɗik a gi haɗi a wuzla Efrataya, yo ɓa slimiɗ ɗik a zil a Beteleyeme!

SAMUYEL MUDUMBUŊ NAŊ 10:19

Na kumo, dana, ki pulaka Bumbulvuŋ kumo le avra. Naŋ muluhukum angi bonoy kumoy ati gir kumoy gar, yo wurenna ki ɓakaŋ: ‹Vula ndra buy.› Wurenna, soko bigaka vu kum a mbuŋ Buymisemuŋ, vur sukwi, vur sukwi, yo vur muy vur muy.»

SAMUYEL MUDUMBUŊ NAŊ 17:12

Akẽh na, Davit, mangal ngi mbur Efrat a Betelyem, hirwuy Yude. Mbur nah a zilaka Zese. Naŋ ti ziri mizilehey dangafaɗa. Ti hin ngi Sawulo, Zese a gi gal le, yo naŋ a gi vurumo gu ta.

SAMUYEL MUDUMBUŊ NAŊ 17:18

Yo wursla kuruˀ na kwana, ki ru di da madiɗa ngi sojehey durmuk na. Da sukum ɗikeye t'ada jam jam kwa mbrike na, kisa pura taŋ, yo tuɓo gwat avu taŋ a haŋ ɓa i sa si na ava t'ada jam jam gisiŋ.

SAMUYEL MUDUMBUŊ NAŊ 23:23

Lihey zliv naŋ maɗum ar taŋ gu na, ara puraka taŋ ɓa ki sinaka taŋ. Da kum misinaka li naŋ le gisiŋ so na, kisa soko ng'avi ya, ɓa i ram bummoˀ ati kumo. Naŋ kine, da naŋ da asi ruwuyo na, yi sa sipaŋ ar lihey gar misi asi ruwuy Zuda, ɓa yi lumaŋ.»

SAMUYEL MUDUMBUŊ NAŊ 8:12

A sa hila mekelemeye, ɓa a cifam buy ngi mizli durmuk durmuk malla kukur zlum kukur zlum, numuŋhoyo, ɓa ngi huvaŋ guva, ɓa ngi gaŋ sifi ngi gwatay, ɓa ngi vuɗakaŋ gwat ngi vurumoy waɗ gwat ngi juwa mota ngi vurum naŋhay.