MISE 5:1 - Bible en langue guiziga

¹ Bumbulvuŋ a ɓi na: «Naka Betelyem, hirwuy Efrata, ki walahay meciɗek wãˀ a wuzla walahay ngi muy ngi Zudahaya. Amma mbur a sa bo tivi ka vur ya, ɓa a wa mizli Israyeleye. Degezer naŋ, a zlo zle misi ngadana ta, zle ngi sete.

MISE 5:1 ပူးပေါင်းရင်းမြစ်များ

ZLI VIRZI 35:19

Rasel a muc, a dikaka a ciki jiviɗ ngi Efrata, mbiɗeˀvra, Beteleyem.

ZLI VIRZI 49:10

Ganday ngi buyo naŋ anta lih asi haŋ ngi Zuda ta, yo ganday ngi jigina mizli, naŋ anta lih asi sar naŋ ta, sey tapas buy ngi ganday vuna misa so le, i mbur misi mizli gar masa cinakaŋ mi.

BUYOY MUDUMBUŊ NAŊ 22:24

Neˀ na, Sidekiya, mangal ngi Kenaana, a kiroho ng'avu Mise, a caŋ babarva paw, a ɓaŋ: «ˀUf ngi Bumbulvuŋ a bi ti dama tivi ya, ɓa ara ɓuw ɓi ka?»

BUYOY MUCUW NAŊ 24:2

Akẽh na, Buymisemuŋ a slino mivi vuhoy tir hirwuyoy wal wal, ti ngay taŋ taˀ, ti ngay taŋ ng'asi ruwuy ngi Zoˀakiŋe: i Babiloŋhoy, Sirihey, Moˀapay ati Amoŋhoy. Buymisemuŋ a slino mivi vu tayna ng'asi ruwuy Zuda ɓa a susuymoko gwat ngi si ruwuyoyo susuyum susuyum leɗeɗ, kaɓa mingiɓi ngi Buymisemuŋ miɓa zleˀe, mubo ti balam mijiviɗ, gawla naŋhay na.

Ɗerewol JOP 16:10

Mizli, mi wun wun ng'ar ya, a ɓikiy ɓi ngi hiryiy mevel, a cikiy babarva, a zikiy var var, a jumom jom jom ng'ar ya.

MIKUCUWULOY 8:23

Yi mukicuwa zle misi ngadana ta, zle ti zli virzi ngi gwatay, zle ti duniya muɗuv virzi.

EZAYI 10:6

I slina soje naŋhaya nga ga bonoy da sukwi ngi mizli misi moˀorehey, i pula taŋ a zliram dibiɗ ati mizli maslikiɗikiy mevel, ɓa a hilaka gwat taŋhaya, a vaka taŋ, ɓa a kirpaka taŋ a si sar kaɓa ndileɓ a jiviɗi.

EZAYI 33:22

Haˀaw, Bumbulvuŋ i migi kiita ndra, maɗuva ndra ɓihey i naŋ. Bumbulvuŋ i buy ndra madiɗaŋ, milih ndra i naŋ.

EZAYI 8:9

Mizli, jijikam, ɓurzlam ti zluwun. Mizli ngi ruwuy mikileŋhey, jikam slimiɗe. Da ko ki juwam vu le ngi gi vurum kwana, didak a sa muɗukum. Haˀaw, da ko ki juwam vu le ngi gi vurum kwana, didak a sa muɗukum.

EZAYI 9:5

Asi a yam ndra mangal le, a vulam ndra mangal mizile le. Bumbulvuŋ a vulaŋ gidaŋ ngi zumabuy le. A hunumaka ti slimiɗey ani: «Mukuti vu mezleŋ, Buymisemuŋ migidaŋ, Cine ngi set, Buy leleŋ.»

ZEREMI 25:9

I ra slin ɓa ara ziloko mizli ngi ruwuy vay muŋhoyo, yo ɓa ara ziloko gawla ɗu Nabukodonozor, buy madiɗa ngi Babiloŋ, ɓa a sa kiɗam vu ati hirwuy hana, ati mizli ngi raˀahay waɗ ati sukwi midigwi taŋhaya, i wi taŋ vu le weˀ ngi ngizl taŋ da ya, yo i tiri ti ruwuy taŋ cay, daŋ daŋ ngi wãˀ, i tiri taŋ gwat ngi zluwuna vu, li diŋ cay ngi sete. I ya Bumbulvuŋ maɓi.

ZEREMI 4:7

Mobor ara bawa tir li hin naŋ, mihirya sukwi ngi mizli a zuɓo jiviɗe le, a bo le baɗ a hay naŋ nga ngizla hirwuy ɗike: a sa wura walahay ɗikeye, a sa ngizla mizli ngi raˀahaya kuɗup.

TUWUY 3:30

Anja a puka kwala da mbur macaŋ babarva, anja zi a mbaŋ ndusu.

EZEKIYEL 21:32

Diŋ, diŋ, Zeruzaleme, i sa tiri di diŋ. Gwat migi kanah ɗaˀ anta ndiɗaˀ. I sa tiri di kanah, hã buy ngi kiita muso le, mbur misi ya mupula ɓi nah le asi haŋ naŋ.

EZEKIYEL 24:2

«Ka mburu, hin dana, hin misenna, toho toh toh angi ɗerewol, asi mike, i hin misi buy madiɗa ngi Babiloŋ mizla hirwuy Zeruzalem ngi kiɗa vu.

DANIYEL 9:25

Sina sin le, yo sla wala nah, mingiɓi mubo ɓa mizli mijahay a moko, yo waɗ ngi ndira walahay Zeruzalem hiri naŋ a muŋ, ɓa hã buy mipaŋ mal ngi vula slra a bo na, naɓa vihey ada tarnaˀ tarnaˀ makaw tarnaˀ. Ar vihey tarnaˀ tarnaˀ makaw kukur merkeɗ ngaˀ cuw na, a sa ndiraka walahay ati mohol naŋhaya a muŋ, amma a sa gi i hin mutuwaˀ.

AMOS 2:3

I sa muɗa migi kiita ceɗ ti wuzla taŋ waɗ gawla naŋhaya gar, i sa kiɗa taŋ vagay vagay gar arleˀeŋ.» I Bumbulvuŋ miɓi.

HABAKUK 1:6

Puraka, y'ani i bo ti mizli Babiloŋhoyo le ɓuyoh, taŋ i mizli manja ircecehey, yo misi moˀorehey ma. A gunoko ruwuyo hã a ram kileŋ, ɓa ngi tiɓa li misi inga taŋ ta.

HABAKUK 3:16

I cine hurum naŋ cin na, didak a miɗiy le haɗa: mi ɗu a ɓuruk ngbar ngbar ti zluwuno, i huluɓ hilaɓ hilaɓ. I ndir sĩw arleˀe, didak a muɗiy le. Asi hin ngi bonoyo sey i kutuko deŋ arleˀe, manja i wusu, ɓa i ru ng'avu sukwi ngi mizli mazlam ndra ti gurjik na.

Matiye 26:67

Dar a tufakaŋ tazlay avu hiri, a turɓusoko haŋ, a kiɗakaŋ. Numuŋhoy a cakaŋ babarva,

Matiye 27:30

A tufakaŋ tazlay, a tiɓaka lavaɗ tuwa, a kiɗakaŋ ti naŋ a hirnga.

Matiye 5:39

Amma ya i ɓukum na: mbur mugukum malambaˀ le na, ki pulaka cuwal naŋ ta. Da mbur a cuw babarva le avu kwala vay hazum na, mbiɗaŋ vay mekeleme ma jaka.

Ɓimezle ngi Yesu Kristu ZAŊ mitil di mi 18:22

Yesu miɓi kanah na, mbur pal a wuzla mijigina lihey misi akẽh a caŋ babarva paw, a ɓaŋ: «Ki mbiɗa mi da masay madiɗa a mbuŋ Buymisemuŋ kanah kwa?»

Ɓimezle ngi Yesu Kristu ZAŊ mitil di mi 19:3

A kirohoko ng'avaŋ, a ɓakaŋ: «Zuy zuy aya, Buy ngi Yudehey!» Joˀ a zlaka a kiɗakaŋ.

SLRA 23:2

Amma Ananiyas, masay madiɗa, a ɓa mizli ngi cikeˀeheye ɓa a kiɗaka Pol avu mi.

KORENTIHEY MUCUW NAŊ 11:20

Ɓusaka ɓa a gam ti kum bekehey, ɓa a zumaka gwat komoyo, ɓa a huloko gwat kumoyo gar, ɓa a mam ti kum nga ruwuy, yo ɓa a cukum babarva.

Slu cuw 28:49

Bumbulvuŋ a sa so ti sukwi mikileŋ, ti mivay ngi ruwuy wãˀ, i sukwi kum misinaka mi naŋ ta, a sa sur ng'ar kum kaɓa krom masur ngi vi gwat.

Slu cuw 33:27

Buymisemuŋ i li ɗum ɗik diga zlezle, naŋ gidaŋ zle misi nga dana ta ar slra naŋ a ruwuy aka. Maɓula mesene ɗikey a mbuŋ ɗik i naŋ, yo a ɓuw ɗaˀ na, ki ngizla taŋ pay.

MIGI KIITAHAY 17:7

Dambalaka mangal gawla levi ada, naŋ i mulak a Betelyem, hirwuy ngi sukwi ngi Zuda.