MISE 4:9 - Bible en langue guiziga

⁹ Ki hiziga widi kaˀ wurenna vur mike? Buy anta asi hirwuy ɗike ta kwa? Mukuti ɗik a muc le kwa, ɓa hã bonoy a funuw gidaŋ kaɓa ngwas mawuɗ a yi na?

MISE 4:9 ပူးပေါင်းရင်းမြစ်များ

EZAYI 13:8

Zluwun ara ga taŋ haɗa haɗa, musosoˀor ati vu ngi ji, ara ja taŋ. A wusam wurlaŋ wurlaŋ kaɓa ngwas mayi. A puram vu avu hiri avu hiri, welele, hiri kiliw kiliw.

EZAYI 21:3

Ani wurenna, ɗugur duba ɗuwoyo, ara jijikam ngbaˀngbaˀ, vu ara jiy kaɓa ngwas ar li yi. I ro ar li lik haɗa, i cine gu ta, i ra zluwun haɗa, i pura gu ta.

EZAYI 26:17

Bumbulvuŋ, ndra zleˀe a mbuŋ ɗike, kaɓa ngwas misi ti hur, gweˀ ngi yi, matuwuy gidaˀas gidaˀas ti ji naŋ.

ZEREMI 22:23

Ka mujoˀ ti hay ɗik a Libaŋ, ka misi hay ɗik ka ngi ɗiyuwo ɗiyeˀ ɗiyeˀ ar miterey, vu ngi ji mindiluw gurjik na, kisa niˀic di, kaɓa ngwas ar li yi!

ZEREMI 30:10

Ka gawla ɗu Zakopo, ki zluwun ta. Israyel, ki pula vu ɗike, ki hĩhĩy ta! I sa loho ka ti ngi hirwuy mikileŋ kileŋheye, yo i sa loho dideˀ ɗikeye ti ruwuy mujukuw ng'ara na. Zakop ara mawa, naŋ anta zluwun mata, ara pul vu, ko mbur magaŋ zluwun anta. I ya Bumbulvuŋ maɓi.

ZEREMI 4:21

I sa pura drapo ming'akaˀa, hã ti vunaka? Yo i sa cine ˀay ngi tulumo, hã ti vunaka?

ZEREMI 4:31

I ra cin ˀay ka ngi ngwas mira yi, kaɓa ngi ngwas mayi ngi dumbuŋ naŋ aruŋ, i Siyoŋ masiˀit ti widi kiɗmbat kiɗmbat, masika haŋ, a ɓi: Kay, bonoy mike gawlay! Siifa ɗu a ci le asi haŋ ngi mikiɗa hirngahay.

ZEREMI 48:41

Walahay Keriyoto, i mitiɓa le, walahay naŋhay muguno ti moholo, i muzumahay le. Tapasa, soje miwirwir ngi Moˀapaya, i bonoy a mevel taŋ, kaɓa ngi ngwas mayi.

ZEREMI 50:43

Buy Babiloŋ micina labara nah na, a pula vu giziɓat. A muɗaŋ didak le, vu a jaŋ kaɓa kwacay maja ngwas ngi yi.

ZEREMI 8:19

Mizli ɗuwoy, misi njaha hiri taŋ anta mata, taŋ maziloko vu zle angi hirwuy mikileŋ na, i ra cina. A ɓam: ‹Bumbulvuŋ naŋ anta a Siyoŋ mata kwa gawlay? Buy anta a diga mata kwa?› «A jikiy mevel asi mi, ti kuli taŋhay, waɗ ti gwat lambaˀ ngi mulakay naka?»

TUWUY 4:20

Mbur, ndra mamusuwunam vurˀe, naŋ buy, Bumbulvuŋ muwunaŋ na, a jakaŋ le ar butum taŋ. Naŋ i mbur, ndra maɓam zleˀe vurˀe: «Ndra mangiram a wuzla sukwi mekelemey na, mbele naŋ majigina ndra tuwa.»

Ɗerewol OZE 10:3

Wurenna so na, a ɓam: «Buy ndra misi anta na, asi ndra mazluwunam ti Bumbulvuŋ ta na. Na zle buy vuna, a sa ga ndra mi gu da ndra ka?»

Ɗerewol OZE 13:13

Vu a sa jaŋ, kaɓa maji ngwas ngi yi. Naŋ, i mangal manja lesle. Da hin a ndilo le ɓa a yakaŋ na, a ngum bo ti kwacay mumuŋ ta.

Ɗerewol OZE 3:4

Naŋ kine, Israyeley a sa cifam hã hin mbeˀ mbeˀe: buy madiɗa anta, buy anta, mikuli anta, kuli ɗugur anta, jampa anta, terafim anta.

MISE 5:3

Naŋ buy tuwa, a sa cici zlak, a jigina mizli naŋhaya, ti gidaŋ ngi Bumbulvuŋ, ti dudok ngi slimiɗ ngi Bumbulvuŋ, Buymisemuŋ naŋ. Mizli naŋhay a sa cifam setette, yo mizli a sa sinaka madiɗa naŋ na, hã a si diˀisi.

Ɓimezle ngi Yesu Kristu ZAŊ mitil di mi 16:21

Da ngwas ara yi na, a hiɗ hiri, asi pas naŋ a ndila le. Amma da a ya zuŋ le na, anta si na bonoy naŋ miga na mata, a mumul haɗa, vur a yi mbur le a ruwuyo.

ƁIMUNJUYO 12:2

Naŋ ti hur, gweˀ ngi yi. A ra widi ti bonoy ngi kwacay majaŋ ngi yi.