MISE 4:4 - Bible en langue guiziga

⁴ Mbur gar a sa cifi asi gudubun naŋ waɗ asi uruf naŋ zuy zuy, ko mbur masa gaŋ ngaˀa anta.» Asi i ya Bumbulvuŋ misi gidaŋ wãˀ maɓa ti mi ɗu.

MISE 4:4 ပူးပေါင်းရင်းမြစ်များ

BUYOY MUDUMBUŊ NAŊ 5:5

Mizli Zudahay ati Israyeleye, a cifam setette ar hin ngi zumabuy ngi Salomoŋ, mbur gar na, a ro zuy zuy ar guva ngi gudubun, yo ar guva ngi urufo naŋ, zle a Daŋ, hã a Ber-Seba.

Ɗerewol JOP 11:19

Ka mira musuk vu na, ko mbur masa guw ngaˀ anta, mizli haɗi a sa hunumukuw jaka.

DIMISEY 72:3

Muwãhay a soko ti jam ɗik da mizli, li miɗigaray a soko taŋ ti gi jeŋŋe ɗiki.

MIKUCUWULOY 3:25

Zluwun mugurjik anta sa ndiluw ta, ko misi moˀorehey anta sa zlukuw ngi kiɗa vu ta.

EZAYI 1:20

Da ki ngumom ta, ki ra slikiɗam ɓi nga mbuŋ nga mbuŋ na, maslalam a sa zumukum hiri.» Hana i mingi ɓi nga ya Bumbulvuŋ.

EZAYI 17:2

Prok naŋhaya, a sa ndiram mupula le fuk fuk ngi wãˀ. Ginewey a sa zumam ara, a sa musukam vu anga, ko mbur masa ga taŋ ngaˀa anta.

EZAYI 22:25

«Ti hin nah na, ponti midira ar li migidaŋ tuwa, a sa muɗ, a ngil, a diɗ, dar gwat milaw law ava tuwa, a sa hiryam, asi ya Bumbulvuŋ i ɓi le. I ya Bumbulvuŋ, misi gidaŋ wãˀ miɓa.»

EZAYI 26:16

Bumbulvuŋ, da ndra ar bonoy na, i zilukuw ɓa ki kilo widi ndra. Da ki ra kuta ndra ti bonoy na, i mbuɗam mevel, i diram dibiɗi.

EZAYI 32:17

Migir ngi ɓi mijeŋŋe, i cifi zuy zuy: ɓi mijeŋŋe a sa bo ti cifi misetete waɗ li pula vu.

EZAYI 36:16

Ki cinaka mi da Ezekiyasa ta, asi buy Asiri a ɓi na: jam ngama ti ya, vulaka vu kumo da ya, ɓa mbur gar a sa zum yi ngi gudubun nga naŋ, ngi uruf nga naŋ, waɗ a sa si yam ngir futuŋ naŋ.

EZAYI 40:5

Akẽh na, dudok ngi Bumbulvuŋ a sa bugo vu, dar mizli gar a sa sinaka muduba, i Bumbulvuŋ miɓa ti mi naŋ.»

EZAYI 54:14

Ki sa cifi ti gi gwat mijeŋŋe, ko mbur masa wusuw gu anta. Yo k'anta sa zluwun ti gwat neˀ ta, gwat ngi muɗa didak anta sa ndiluw neˀ mata.

EZAYI 58:14

naɓa hiri a sa curuw ti ya Bumbulvuŋ, i sa ru ti ka nga dadala muŋ, ar mota ngi vurumoy, hirwuy ngi dideˀ ɗik Zakop zleˀe na, i sa vuluw di, ki cir aseˀeŋ.» Haˀaw, i ya Bumbulvuŋ maɓa ti balam ɗu.

ZEREMI 23:4

I sa vula taŋ mijigin mezlehey, ɓa a jiginaka taŋ, t'anta sa zluwunam mata, t'anta sa giram kupuyah kupuyah mata, mbur ɓa a sa zilakaŋ slimiɗe, naŋ anta na anta. I ya Bumbulvuŋ maɓi.

ZEREMI 30:10

Ka gawla ɗu Zakopo, ki zluwun ta. Israyel, ki pula vu ɗike, ki hĩhĩy ta! I sa loho ka ti ngi hirwuy mikileŋ kileŋheye, yo i sa loho dideˀ ɗikeye ti ruwuy mujukuw ng'ara na. Zakop ara mawa, naŋ anta zluwun mata, ara pul vu, ko mbur magaŋ zluwun anta. I ya Bumbulvuŋ maɓi.

EZEKIYEL 34:25

I sa ga ɓa i slamˀay kiri ati ginew ɗuwoyo. I sa ziza gwat misãmi miji vu ngi ɓuhoyo gar tisi ruwuyo. Ginew ɗuwoy a sa cifam setette a wuzlaɓuh mikirɗak kirɗaka, a sa hinam a wuzla dum mingiriɗ.

EZEKIYEL 34:28

Sukwi ngi mizli anta sa vaka taŋ gwataya mata, gwat misãmi ngi si ruwuyoy anta sa humbuɗaka taŋ mata. A sa ndiram setette, ko mbur masa ga taŋ ngaˀa anta mata.

EZEKIYEL 38:11

Ki sa ɓi: I sa kiɗam vu ati mizli ngi ruwuy manja micika vu ar taŋ, mizli muroko zuyzuy, setette na, i sa ra luuma taŋ: taŋ gar i mizli micifa ngir walahay manja moholoy, yo mizlingreheye, i manja miviŋhey, manja magandaŋhay.

EZEKIYEL 39:26

Pi mesem taŋ ati cifi taŋ teŋteŋ ta avu ya, ti taŋ micifam setette asi ruwuy taŋ, ko mbur miga taŋ zluwun anta na, a sa puykoko hirnga naŋ.

LEVIHEY 26:6

I sa vulo zuy asi ruwuyo. Da kum mihinam le tup tup na, ko gwat masa gukum ngaˀa anta. Gwat malambaˀ misãmiheye, yi sa ngizla taŋ pay tisi ruwuyo, yo ko mbur masa gi vurum ti kum anta mata.

MISE 5:3

Naŋ buy tuwa, a sa cici zlak, a jigina mizli naŋhaya, ti gidaŋ ngi Bumbulvuŋ, ti dudok ngi slimiɗ ngi Bumbulvuŋ, Buymisemuŋ naŋ. Mizli naŋhay a sa cifam setette, yo mizli a sa sinaka madiɗa naŋ na, hã a si diˀisi.

SOFONI 3:13

Israyeley mindirama, anta sa gam gwat malambaˀ mata, t'anta sa gam slir mata, anta sa lumaka taŋ gurjik ar li ɓi mi ngi tikina vu mata. Amma a sa zumam, a musukam vu, ko mbur masa ga taŋ zluwun anta.

ZAKARI 3:10

Angi hin nah na, kisa zilam vu ar wala kumo, nga musuka vu asi gudubunoy waɗ asi urfoy. I ya Bumbulvuŋ misi gidaŋ wãˀ maɓi.»