MISE 4:3 - Bible en langue guiziga

³ A sa ndir i misli kiita ar wala ngi mizli haɗa, sukwi ngi mizli migidaŋhay, ko mikileŋhey kwana, naŋ a sa ndir i misli kiita taŋ. Sukwi ngi mizli vuna a sa vuɗam sliŋ ngi gam ngi slahay ti maslalam taŋhaya, ziwit taŋhaya, a sa vuɗam taŋ slagwayay. Sukwi mekelem anta sa duduɓ maslalam ng'ar sukwi mekelem mata, mizli anta sa dubunaka gi vurumo mata.

MISE 4:3 ပူးပေါင်းရင်းမြစ်များ

DIMISEY 46:10

A cica vurum magaka asi duniya keɗeɗe, a ngila lekey ati ziwit ngi vurumoyo, a ɗuva vu da mbarayaya.

DIMISEY 46:9

Soko, puraka slra ngi Bumbulvuŋ, naŋ mingizla gwatay asi ruwuyo.

DIMISEY 72:3

Muwãhay a soko ti jam ɗik da mizli, li miɗigaray a soko taŋ ti gi jeŋŋe ɗiki.

DIMISEY 72:7

Ar zumabuy naŋ, anja mbur mijeŋŋe a sik, anja zlili a ɓul ngi caˀa, kaɓa kiya misi a muŋ na ya!

DIMISEY 82:8

Buymisemuŋ ɗu, slikiɗi, ga kiita ngi duniya gar, asi mawa sukwi ngi mizli gar i kaha.

DIMISEY 96:13

a mbuŋ Bumbulvuŋ, asi ara sawa! A ra sawa nga zum buy asi ruwuyo. A sa zum buy ar duniya ti jiviɗ mijeŋŋe, yo a sa ga kiita da mizli kasl kasla.

DIMISEY 98:9

a mbuŋ Buymisemuŋ, asi ara sawa, ɓa ngi gi kiita a ruwuyo. A sa cifi, naŋ i migi kiita mijeŋŋe a ruwuyo, yo a sa ga kiita da mizli kasl kasla.

EZAYI 2:4

A sa tiri migi kiita ar wala ngi sukwi ngi mizli, a sa tiri miɗiya ɓi ngi mizli haɗa. Maslalam taŋhaya, a sa vuɗ taŋ gulekey, ziwit taŋhaya, a sa vuɗ taŋ slagwayay. Sukwi ngi mizli anta sa pukam maslalam ng'ar sukwi mekelem mata, anta sa dubunaka gi vurumo mata.

EZAYI 25:3

Vurˀe, mizli migidaŋhay, ara gukuw dudoko, walahay mimezle ngi sukwi ngi mizli migi gwat ti gidaŋhaya, ara ɗuvukuw hirngaŋ.

EZAYI 51:5

Kiita ya masa ga na, naŋ gweˀe, laha vu a sa bugo vu gweˀ, a ndir mata. I sa ga, ɓa gwat ngi gi zuyo, a gi ti gidaŋ a wuzla mizli. Mizli mikileŋ kileŋhey a sa njaham hiri vur ya, yo a sa kutukom gidaŋ ɗu.

EZAYI 60:12

Sukwi ngi mizli malla hirwuy mazumam buyoy gar mangumam gukuw slra ta na, a sa ngizlam, sukwi tayna a sa ngizlam pay wãˀ.

EZAYI 65:25

Kiriɓuh ati zuŋ tumuŋ a sa zumam arleˀe, mobor a sa zum giziŋ kaɓa sla, Ngi kawa, murɓuk a sa gi i ɗaf naŋ. Ɓi malambaˀ ati hiryi gwatay, anta sa gam a muwã ɗu mipal na ta. Maɓi hana i ya Bumbulvuŋ.

EZAYI 9:7

Bumbulvuŋ a ɓi ɓi ngi bonoy le da dideˀ ngi Zakopoyo, amma a mbiɗi nga hirnga zumabuy ngi Israyeley.

DANIYEL 2:44

Dambala ar vi ngi buy tayna vuna, Buymuŋ a sa bo ti zumabuy masa kiɗ ta wãˀ, yo zumabuy nah kwana anta sa ndir da mizli mekelemey ta. A sa kiɗa zumabuy mekelemeye, a waha taŋ mber mber, joˀ naŋ a sa ndir ngi wãˀ,

Ɗerewol OZE 2:18

Bumbulvuŋ a ɓi na: «Tapas nah, Israyel a sa ziliy ‹zil ɗu›, naŋ anta sa ziliy ‹Baˀal, Buy ɗu› kini mata.

Ɗerewol OZE 2:20

Ti hin nah, i sa ɗiyi ɓi ngi jumoˀay ati mizli ɗuwoyo ati gwat misahmi ngi ɓuhoy ati ɗiyuwoy maslikiɗam a muŋ, waɗ gwat makurmuɗom ti kwacayay. lek, maslalam ati gwat ngi vurumoy na, i sa ngila taŋ, a sa gi anta asi ruwuyo mata, i sa ga ɓa mizli ngi si ruwuyoy a hinjam zuy zuy.

ZOWEL 3:2

ko ar gawla ɗu mizile ati mongosohoy kwana, tapasa, i sa po ˀUf ɗu angi taŋ.

ZAKARI 14:3

Bumbulvuŋ a sa zla kiɗa mizli tayna, kaɓa angi hin naŋ makiɗ vu, kaɓa angi hin ngi vurum.

ZAKARI 8:20

Ya Bumbulvuŋ misi gidaŋ wãˀa, i ɓi na: «Sukwi mekelemey ati mizli ngir walahay madiɗahay, a sa soko nga Zeruzalem aka.

ZAKARI 9:10

A sa ziza mota ngi vurumoyo baɗ tisi ruwuy Efrayime, waɗ piliseye tir walahay Zeruzaleme. A sa ngila lek ngi migi vurumoyo ngiɓac ngiɓac, a sa ɗuva ɓi ngi zuy a wuzla sukwi ngi mizli. A sa wa li, zle a mubuliy hã a mubuliy mekelem, yo zle a mizaw Efrata, hã ar hirwuy mira kiɗo mi.

SLRA 17:31

Naŋ kine, a ɗuv hin le pal, naŋ masa ga kiita mijeŋŋe da duniya gar tapasa. Masa ga taŋ di, i mbur naŋ muwunaŋ. A biga le njah wãˀ da mizli gar ti naŋ mislikiɗaŋ ti wuzla mumucahay na.»

ƁIMUNJUYO 19:11

Akẽh na, i pura muŋ a wucuh wucah, keɗ na, pilis babara a bawa. Mbur gilaˀ anga, a zilaka «Teŋteŋ», yo «Kaslsla.» A gi kiita, yo a gi vurum ti jiviɗ naŋ jeŋŋe.

SAMUYEL MUDUMBUŊ NAŊ 2:10

Mesene ngi Buymisemuŋhoy a sa ngizlam kap, Buymisemuŋ a sa ndislo vuŋ, paɗ a muŋ ng'ar taŋ, Buymisemuŋ a sa ga kiita da hirwuyo keɗeɗe gar. A sa vula gidaŋ da buy naŋ maɗiɗa, a sa slikiɗa buy naŋ muwunaŋ hirnga paɗ a muŋ.»