MISE 4:2 - Bible en langue guiziga

² Sukwi ngi mizli haɗa a sa ram nga diga, a sa ɓam: ‹Akum, juɗukum nga muwã Bumbulvuŋ, ng'ar hay ngi Buymisemuŋ ngi Zakop. Naŋ, a sa biga ndra jiviɗ naŋ, joˀ ndra, i sa sipaka jiviɗ naŋ vuna cirre.› Asi gwat ngi dubuno, a bo ti Siyoŋ, yo mingiɓi ngi Bumbulvuŋ a ndilo ndra ti Zeruzalem.

MISE 4:2 ပူးပေါင်းရင်းမြစ်များ

DIMISEY 110:2

Anja Bumbulvuŋ a ndaha gidaŋ ngi zumabuy ɗike, ndah ndah zle a muwã Siyoŋ. Ka kwana, wa mesene ɗikey mugun hirnga ɗik na.

DIMISEY 119:1

Mizli misi gwat ngi gi taŋ naŋ ti mevel purla, yo masipaka ɓimujuwa ngi Bumbulvuŋ na, a mumulom.

DIMISEY 119:171

Anja irne ɗu a til mi ti hunum ɗike, asi ki ra dubuniy gwat ka mawuɗo.

DIMISEY 122:1

Dimis ngi wuzla dimis ngi Davitey, dimis ngi zuɓa mulak nga Zeruzalem. Taŋ miɓikiy: a kum ng'ar hay ngi Bumbulvuŋ na, kayya, i mumul di haɗi teˀe.

DIMISEY 25:12

Da mbur ara zluwun ti Bumbulvuŋ na, Bumbulvuŋ a bigaŋ jiviɗ ngi zuɓo.

EZAYI 2:3

Mizli haɗa a sa ram, yo a sa ɓam: «Soko! Juɗukum nga muwã ngi Bumbulvuŋ, ngi hay Buymisemuŋ ngi Zakopo. A sa dubuna ndra gwat ngi gi naŋhay, ndr'i sa sipam jiviɗ naŋ.» Naŋ kine, gwat ngi dubun avu Bumbulvuŋ, a bo ti Siyoŋ, yo mingiɓi naŋ, a bo ti Zeruzalem.

EZAYI 54:13

Ziri ɗik mizilehey gar a sa tiram gawla nga ya Bumbulvuŋ, yo a sa ndiram zuy zuy wãˀ.

EZAYI 56:7

i sa so taŋ nga muwã ɗu mipal, i sa ga ɓa a sa mumulom haɗa ar hay ɗu ngi diradibiɗe. Mikuli taŋ mizlamzlamay wãˀ ati mikuli taŋhay muho gar, taŋ magikiy taŋ ar li gi mikuli na, i sa tiɓa taŋ. Asi mike na, hay ɗu a sa zilaka: ‹Hay ngi mizli gar madiram dibiɗ araŋ.›

ZEREMI 31:6

Hin ada, a sa ndilawa, i hin misla le, mijiginey a sa wudam a muwã Efrayime, a ɓam: Slikiɗam, akum nga Siyoŋ, ng'avu Bumbulvuŋ, Buymisemuŋ ndra.

ZEREMI 42:3

Da i zuɓam jiviɗ wana, yo i gam mike na, anja Bumbulvuŋ Buymisemuŋ ɗike, a biga ndra di takwa.»

Ɗerewol OZE 6:3

Tumukum vu ngi si na Bumbulvuŋ, so naŋ na, i gisiŋ kaɓa pas mabo ti miprik priki, a sa so ng'avi ndra kaɓa vuŋ masawa, yo kaɓa vuŋ ngi dirba wãˀ magujaˀa li.»

ZAKARI 14:16

Akẽh na, mizli mindiram ti siifa, miram zleˀe gar nga kiɗa vu ati Zeruzaleme, vur vi gar na, a sa ra huruk hurukam ti miliwis a mbuŋ buy Bumbulvuŋ misi gidaŋ wãˀa, yo ɓa ngi gi muguzlum ngi Guɗukoyo.

ZAKARI 2:11

Kum mizli Zeruzalemey, kum micifahay le hǝrǝk hǝrǝk a Babiloŋ, Sumuɗom, akum le.

ZAKARI 9:10

A sa ziza mota ngi vurumoyo baɗ tisi ruwuy Efrayime, waɗ piliseye tir walahay Zeruzaleme. A sa ngila lek ngi migi vurumoyo ngiɓac ngiɓac, a sa ɗuva ɓi ngi zuy a wuzla sukwi ngi mizli. A sa wa li, zle a mubuliy hã a mubuliy mekelem, yo zle a mizaw Efrata, hã ar hirwuy mira kiɗo mi.

Mark 16:20

Mizli ngi seˀehey a ram, a tilam mi ti Ɓimezle ko maka gar. Buy Yesu ara gi slra ati taŋ, yo ara biga mingiɓi taŋ matilam di mi na, naŋ jeŋŋe gisiŋ na, ti gi cekenehey cici.

Ɓimezle ngi Yesu Kristu LUK mitil di mi 24:47

Waɗ ma na, ɓi ngi mbiɗi mevel ati ɓi ngi puya mungra na, anja sey a tilam di mi avu sukwi ngi mizli gar, a ɗuvaka virzi naŋ a Zeruzalem.

Ɓimezle ngi Yesu Kristu ZAŊ mitil di mi 6:45

Mijiviɗey a tohoko zleˀe, a ɓam na: Taŋ gar a sa dubunam avu Buymisemuŋ. Ko wa gar micin mingiɓi ngi Baha le, mitiɓa ɓi nah le na, a so ng'avi ya.

Ɓimezle ngi Yesu Kristu ZAŊ mitil di mi 7:17

Gwat ya madubuna da mizli hana, da a bo ti vu Buymisemuŋ, malla da yi ɓi di i ɓi ngi hirnga ɗu na, mbur mawuɗ gi gwat Buymisemuŋ mawuɗ na, a sa sinaŋ.

SLRA 1:8

Amma kumo, kisa lumam gidaŋ, i ˀUf Mipal masa sawa ar kum. Dar kisa tiram sedewo ɗuwoy a Zeruzalem, angi hirwuy Yude gar, a Samari waɗ hã asi hirwuy mira kiɗo mi.»

SLRA 13:42

Pol ati Barnabasa, ti taŋ mabam le na, a tumbuloko taŋ, ɓa a sa moko pas sabat mambiɗawa ma, ɓa a sa maka taŋ hiri ngi ɓi nah vuna ava.

ROMAHAY 15:19

yo tisi gidaŋ ngi cekenehey, gwat migam ɗaˀ tahay waɗ tisi gidaŋ ngi ˀUf Mipal. Naŋ kine, zle a Zeruzaleme, i ru gun gun ti tila mi ti Ɓimezle ngi Kristu kuy kuy wãˀ, hã sesẽŋ angi hirwuy Iliri.

Slu cuw 6:1

Moyis a ɓi ma: Ɓimuɗuvahay ati ɓimujuwahay waɗ sirikey, Bumbulvuŋ Buymisemuŋ kumo muɗuviy ɓi nah, ɓa i dubunukum taŋ na, ani: A wuɗ ɓa ki ra gam taŋ slra a ruwuy masa ndir i ngi kum na.