MISE 4:1 - Bible en langue guiziga

¹ «Tumbuŋ na, gwat masa gi ani: muwã misi hay ngi Bumbulvuŋ anga na, a sa ɗuvaka a hirnga muwãhay gar, a sa gi subur fineˀ li miɗingireye gar, joˀ mizli a sa mbizlam ciɗngim ciɗngim ng'avaŋ.

MISE 4:1 ပူးပေါင်းရင်းမြစ်များ

ZLI VIRZI 49:1

Zakop a zila ziri naŋhaya, a ɓa taŋ: «Cikilam hirnga ɓa yi ɓukum ɓi ngi gwat masa gi avu kum tumbuŋ.

ZLI VIRZI 49:10

Ganday ngi buyo naŋ anta lih asi haŋ ngi Zuda ta, yo ganday ngi jigina mizli, naŋ anta lih asi sar naŋ ta, sey tapas buy ngi ganday vuna misa so le, i mbur misi mizli gar masa cinakaŋ mi.

DIMISEY 110:3

Tapas ka masa kuso soje ɗikey ng'ar vurum na, mizli ɗikeye, t'ada sek asi ka. Ka Buymisemuŋ, gawla ngi vurum ɗikey a sa soko ng'avu ka a muwã ngi ɗik, kaɓa wulngar magi ti li biŋ biŋ.

DIMISEY 22:27

Mihina hirngahaya, ara zumam, hã a mbam, mizli masipaka Bumbulvuŋ, ara hunumakaŋ: Anja a mumulom, yo a ndiram hutuŋ subur!

DIMISEY 48:1

Dimis ngi wuzla dimis ngi sukwi Kore.

DIMISEY 86:9

Bumbulvuŋ, sukwi ngi mizli, ka miga taŋ gar na, a sa hurukom huruk huruk a mbuŋ ɗiki, a sa gukuw dudok ti zila slimiɗ ɗike.

EZAYI 27:13

Tapasa, a sa faka tulum madiɗa toot. Mizli mizizahay misi zleˀe a Asiri ati mizli muɓulahay zleˀe nga ruwuy Ezipte na, a sa moko, dar a sa hurukom huruk huruk a mbuŋ Bumbulvuŋ, ar muwã mipal, a Zeruzalem.

EZAYI 43:6

I sa ɓa mizli vay muŋhoyo: «mikiy taŋ», yo mizli vay ruwuyoyo, i sa ɓa taŋ: ‹ki tikaka taŋ ta. Mikiy ti ziri mizile ɗuwoyo tir hirwuy mikileŋ kileŋ tayna, yo ziri diili ɗuwoyo, tir hirwuy mira kiɗo mi.

EZAYI 49:6

A ɓiy: «Ɓa ki tiri gawla ɗu, ki mo ti Israyeley mindiram ti siifa, yo ɓa sukwi ngi Zakopo, ki slikiɗaŋ deŋ a muŋ na, i hana tewle ta. Amma yi cufuw le hĩˀĩ, ɓa ki tiri li minjaha ngi sukwi ngi mizli gar, yo ɓa ɓi ɗu ngi lahavu na, a ndil hã ar hirwuy mikiɗ mi.»

EZAYI 54:2

Budaha guɗuk ɗike, gabaga ngi guɗuk ɗike, njira avra avra. Ki wulka gwat ka matika vurˀe ta. Juɓ zeweɗey ava, yo nga dum ngi jaha viŋheye kuy kuy.

EZAYI 56:7

i sa so taŋ nga muwã ɗu mipal, i sa ga ɓa a sa mumulom haɗa ar hay ɗu ngi diradibiɗe. Mikuli taŋ mizlamzlamay wãˀ ati mikuli taŋhay muho gar, taŋ magikiy taŋ ar li gi mikuli na, i sa tiɓa taŋ. Asi mike na, hay ɗu a sa zilaka: ‹Hay ngi mizli gar madiram dibiɗ araŋ.›

ZEREMI 16:19

Bumbulvuŋ, ki gidaŋ ɗu, ki mitika hiri ɗu, ar hin ngi bonoyo, ki li ɗum ɗu, sukwi ngi mizli ngi duniya gar na, a sa soko ng'avi ka, zle tisi ruwuy mira kiɗo mi, a sa ɓukuw na: Sipi ngi dideˀ ndrahay zleˀe gar na, i gwat ngatara lambaˀ si, i gwat ngi gilaway mapul gir ko neˀ ta.

ZEREMI 26:18

«Mise, mbur Moreset, ti naŋ miga slra naŋ ngi mijiviɗ ti hin ngi Ezekiyas, buy Zuda na, a ɓa mizli Zudahaya gar: Bumbulvuŋ misi gidaŋ wãˀa, a ɓi na: Walahay Siyoŋ, mesene naŋhay a sa huvakaŋ kaɓa guva, Zeruzaleme kwana, a sa tiri diŋ hoŋ, yo muwã ngir hay Buymisemuŋ, a sa tiri ɓuh misi widis ngiriɗi.

ZEREMI 3:17

Tapasa, a sa zilaka Zeruzaleme «Janga ngi buy ngi Bumbulvuŋ.» Sukwi ngi mizli gar a sa kusom ng'avaŋ, asi taŋ mizilaka Zeruzaleme ti slimiɗ ngi Bumbulvuŋ na. Tˀanta sa sipaka wuluk taŋ malambaˀ ngir mevel na mata.

ZEREMI 31:12

Israyeley ara ndiloko, ara zlam dimis ngi mumul a muwã Siyoŋ. A ra soko hiɗim hiɗim ng'avi gwat mezlehey Bumbulvuŋ mavula taŋ di, ng'avi alkamari, mbaazla si, mal muɗuco wureˀ, tumuŋ ati ˀaway, waɗ ng'avi slahay. A puraka vu taŋ zuyyo kaɓa widis mikaˀ a mi yam. ko t'anta sa hĩhĩyam mata.

ZEREMI 48:47

Amma nga mbuŋ na, i sa ɗiya Moˀapa hiri naŋ a muŋ I ya Bumbulvuŋ maɓi.» Kiita ngi Moˀap a kiɗ mi aka.

EZEKIYEL 38:16

Ki sa ra luuma Israyel, mizli ɗuwoyo, hã hirwuyo sirit wãˀ kaɓa gazlavay masirta li. Hana a sa gi sey hin naŋ mindila le. Ka Gok, ti ya misa biga ya mipal na le a mihiri mizli tisi ka na, i sa puluw jiviɗ ɓa ki ra zuma hirwuy ɗu, ɓa sukwi mekelemey a sinaka, yi Buymisemuŋ gisiŋ.

EZEKIYEL 40:2

I pur ti kleŋ, keɗ na, a zuɓiy fangal nga hirwuy Israyel. Ra cifiy a hirnga muwã migila suyom. Tir vay ruwuy naŋ, gwatay ada kaɓa hay ngi walahay mindira ndar ndar.

EZEKIYEL 43:12

Ɓimujuwa vur hay ngi Bumbulvuŋ ani: hirnga muwã, li mugun gun ngi cikeˀe gar na, naŋ pal wãˀ. Hana i ɓimujuwa vur hay ngi Bumbulvuŋ.»

DANIYEL 10:14

Yi so na, ɓa ngi ɓuw ɓi ngi gwat masa gi tumbuŋ avu mizli ɗikey, asi ar hin masa gam tayna na, gwat ngi pur ti kleŋ ada pal aruŋ.›

DANIYEL 2:28

Amma Buymuŋ ada, a njik gwat mufuna wuluk ngi mbur, yo gwat masa gi ti mbuŋ na, i naŋ mabuguw di da ka buy madiɗa Nabukodonozoro. Musuwun ɗik ati gwat ka mupura ti kleŋ, ti ka mutup na, n'ani.

DANIYEL 2:35

Akẽh na, ɓiri ho gar, hohoy muzluma, ɓiri gaza ati ɓiri bara waɗ ɓiri tapasl tapasl tuwa, himiɗ a kil taŋ jom arleˀe kaɓa himiɗ ngi sifi makil ti cekwesl ngi daw a məlaŋ. Ko li naŋ a ndir ta. Ɗugur muwaha gwat miciɗa tuwa, a tiri muwã madiɗa, a naha hirwuyo wãˀ.

DANIYEL 2:44

Dambala ar vi ngi buy tayna vuna, Buymuŋ a sa bo ti zumabuy masa kiɗ ta wãˀ, yo zumabuy nah kwana anta sa ndir da mizli mekelemey ta. A sa kiɗa zumabuy mekelemeye, a waha taŋ mber mber, joˀ naŋ a sa ndir ngi wãˀ,

DANIYEL 7:14

A vulakaŋ zumabuy, dudok ati li zumabuy. Mizli ngi ruwuyoy, sukwihey ati mi miwal wal gar, ara gam gawla naŋ. Gidaŋ naŋ ngi buyo, i gidaŋ ngi caˀ, masa kiɗ mi ta. Zuma buy naŋ anta sa kiɗ ta ndiɗaˀ.

DANIYEL 7:18

Amma mizli ngi Bumbulvuŋ Buymisemuŋ Mimadiɗa wãˀ, a sa lumaka zuma buyo, a sa ndir inga taŋ ngi wãˀ ngi sete.»

DANIYEL 7:22

Hã mbur midigila tuwa, a sawa, a ga kiita mijeŋŋe da mizli ngi Buymisemuŋ Mimadiɗa wãˀa. Hin mindilo so na, mizli ngi Buymisemuŋhoy a tiɓaka zuma buyo.

DANIYEL 7:27

Na zumabuy, gi madiɗa muwãˀ waɗ micawwa ar zumabuy naŋ gar misi asi ruwuy kurzluˀ gara, a vulaka le da mizli ngi Buymisemuŋ Mimadiɗa wãˀa. Zuma buy naŋ, i zumabuy mandir ngi sete, gidaŋ ngi zuma buyoy, a sa gam gawla naŋ, yo a sa cinakaŋ mi.»

Ɗerewol OZE 3:5

A dirba nah, Israyeley a sa sipaka Bumbulvuŋ Buymisemuŋ taŋ a muŋ, ati Buy taŋ Davit. Nga mbuŋ a sa mam ti jijik ng'avu Bumbulvuŋ waɗ ng'avu gwat ngi lum naŋ mavula taŋ di.

MISE 3:12

Vurˀe, asi ɓi kumo, Siyoŋ a sa tiri kaɓa guva muhuva le ɓultoŋ ɓultoŋ, Zeruzalem a sa tiri kaɓa kitikil, yo muwã ngir hay ngi Bumbulvuŋ a sa tiri ɓuh.

ZAKARI 14:10

Hirwuy gar na, a sa tiri li micay, zle a Geba, hã a Rimoŋ a Zeruzalem tir vay ruwuy naŋ. Zeruzalem a sa zuɓ ɗingir a muŋ daˀ arleˀe, zle a mizlingre Benjameŋ, hã ar li ngi mizlingre magala zleˀe, sesẽŋ a mizlingre misi a mivay ngi moholoy mira zliram, yo zle avu hay madiɗa ngi Hananeyel, sesẽŋ ar li ɗuco gwat ngi buy.

ZAKARI 2:11

Kum mizli Zeruzalemey, kum micifahay le hǝrǝk hǝrǝk a Babiloŋ, Sumuɗom, akum le.

ZAKARI 8:3

Ya Bumbulvuŋ i ɓi ani: I ra mawa ng'avi Siyoŋ, ɓa i cifi a Zeruzaleme. A sa zilaka Zeruzaleme «Walahay-miteŋteŋ», yo a sa zilaka muwã ngi Bumbulvuŋ misi gidaŋ wãˀa ma na, «Muwã Mipal».

MALASI 1:11

Slimiɗ ɗu ara zil haɗa a wuzla sukwi ngi mizli, zle tisi pas ngi miprik hã tisi pas ngi pastaˀa. Ar li gar na, mizli ara zlumam urdi vur ya, yo ara vulikiy gwat manja dili ngi gi mikuli, asi slimiɗ ɗu ara zil haɗa a wuzla sukwi gar. I ya Bumbulvuŋ misi gidaŋ wãˀ maɓi.

SLRA 2:17

«Buymisemuŋ a ɓi: ‹Gwat masa gi angi hin ngi dirbahay ani: I sa slino ˀUf ɗu a hirnga mizli gar: Ziri kum mizilehey ati mongosohoy, a sa tiram mijiviɗ ɗuwoy, ziri gawla ati diili kumoy, a sa puram gwat ti kleŋ, mizli midigila kumoy a sa musuwunam.

HEBEREY 1:2

Amma angi hin ngi dirba muwãˀ ndra misi anga hana na, mingiɓi ngi Buymisemuŋ, i cinaka baɗ avu Mangal naŋ. Buymisemuŋ a cifaŋ i buy ngi gwatay gar, yo a ga duniya ti seˀe ma.

PIYER MUCUW NAŊ 3:3

Sinaka sin le, angi hin ngi dirbahay na, mizli mingila mihey, macifam vur kiɗa may ngi dumvu taŋ, a sa soko, a sa singiram ar kum,

ƁIMUNJUYO 11:15

Modro mitarnaˀ taŋ, a fa tulum naŋ. ˀAy ka ngi mizli a cin ti gidaŋ a muŋ, a ɓam: «Wurenna, zumabuy ngi ruwuyo i ngi Bumbulvuŋ ndra ati Mesi naŋ muduba, yo zumabuy nah a sa ndir hã ngi sete.»

ƁIMUNJUYO 15:4

Aw Bumbulvuŋ, mazluwun ti ka ta, i waka? Mavuluw dudok ta, i waka? Asi mipal i ka tewle. Sukwi ngi mizli gar a sa soko, a dilkam a mbuŋ ɗiki, asi gwat ngi gi ɗikey gar na, a njikam le ti jiviɗ naŋ kuy kuy.»

ƁIMUNJUYO 20:4

Waɗ i pur janga ngi buyoy. Mizli masoko ngi cifi angi taŋ na, a vulaka taŋ jiviɗ ɓa a gam kiita. Waɗ ma na, i pur musuɗuk ngi mizli mikiɗaka taŋ zleˀe asi taŋ migam sedewo ngi Yesu ati ngi mingiɓi ngi Buymisemuŋ, waɗ musuɗuk ngi mizli midilkam a mbuŋ gwat misããmi ta, malla ko a mbuŋ foto naŋ ta, mulumam lammba a midibiɗ taŋ ta, malla ko avu haŋ taŋ ta. A moko ti siifa taŋ a muŋ, a zumam buy ati Kristu hã vi durmuk.