MISE 3:8 - Bible en langue guiziga

⁸ Amma ya, mbele ˀUf ngi Bumbulvuŋ na, yi lum gidaŋ le haɗa, si na sli ɓi ati tuso mevele, ɓa dideˀ ngi Zakopoyo taŋ mislikiɗam ɓi, yo Israyeley migam mungra na, i njika taŋ di.

MISE 3:8 ပူးပေါင်းရင်းမြစ်များ

EZAYI 58:1

Bumbulvuŋ a ɓi: «Widi ˀay ngar ngar, ki tika vu ɗike ta. Anja ˀay ɗik a cin kileŋ kaɓa tulum. Mizli ɗuwoy mimbiɗam hirnga avu ya na, njika taŋ di, dideˀ ngi Zakopoy migam malambaˀ na, njika taŋ di.

KORENTIHEY MUDUMBUŊ 2:4

Dubuna gwat ɗu da mizli ati tila mi ɗu na, ˀay ngi ɓi ɓi ngi mbiɗa mevel ngi mbur ti sinmijileŋ ngi mbur anta anga ta. Amma i dubun ati tila mi, ˀUf Mipal mibiga ti gidaŋ naŋ,

EZEKIYEL 43:10

Ka so na, mburu, biga ɓi ngi mindiraka hay ɗu hana da Israyeleye. Anja ɓa malambaˀ taŋ na a pa taŋ mesem, yo hay miwaka hana, anja ɓa a dubunaka jileŋ naŋ.

EZEKIYEL 16:2

«Ka mburu, Zeruzaleme, gi gwat naŋ mukuy tahay wãˀ na, bigaŋ taŋ, ɓa a sinaŋ.

Ɗerewol JOP 32:18

Asi mingiɓi ada ndus a kwacay ɗu, yo membezleŋ ngi vu ɗu a giy ɓi ɓi.

Matiye 7:29

Asi a dubuna taŋ di kaɓa ngi mbur misi ti dudok, ɓi naŋ a zliram ati ngi buy ngi ɓimujuwahaya ta.

EZEKIYEL 22:2

Ka mburu, cin, walahay hana i mikiɗa hirnga, anja ki gaŋ kiita, yo ki bigaŋ gi gwat naŋ malambaˀhay na.

EZEKIYEL 20:4

Ka mburu, sey ki ga taŋ kiita, haˀaw, ki ga taŋ kiita takwa?

EZEKIYEL 3:14

Akẽh na, ˀUf muzuɓiy faw nga muŋ tuwa. Ya maru na, ti mevel fõh fõh a hur ɗu. Gidaŋ ngi Bumbulvuŋ naŋ da angi ya kuy kuy.

ZEREMI 20:9

Da yi ɓi le: «I ki slimiɗ ar Buymisemuŋ mata, yo i ɓi ɓi ti slimiɗ naŋ mata» na, mingiɓi naŋ tuwa, a tiɓi a hur ɗu ka vu mazuma li. I tika gidaŋ ngi dumvu ɗu tikeˀ, ɓa i tikaŋ ˀay kwana, amma gar ngataraŋ.

ZEREMI 1:18

Zle dana na, ya i tiri ti ka le kaɓa walahay muguno le ti mohol, ka ɓamtal ngi ɓiri, ka mohol ngi ɓiri gaza, a mbuŋ mizli ngi si ruwuyoy keɗeɗe, a mbuŋ buy Zudahay ati mizli madiɗa ngi slra taŋhaya, a mbuŋ masay taŋhay waɗ a mbuŋ soje taŋhaya.

ZEREMI 6:11

Himaˀ ɗik a mbiy le wãˀ Bumbulvuŋ, y'anta ɓusa gu mata. Pa himaˀ ɗik na ng'ar ziri ar buwal madiɗa, ng'ar gawla menjeɓelehey mi taˀ ti ngay taŋ. Asi a sa hilaka ziley ati ngwasaya, yo mizli micawwahay ati midigilahay wãˀa.

Mark 3:17

Zak ati sukum naŋ Zaŋ, ziri ngi Zebedeheye, Yesu a ca taŋ slimiɗ ti migala Boˀanerges, mbiɗeˀvra: ziri ngi ndisl ngi vuŋhoy,

EZAYI 61:1

ˀUf ngi Bumbulvuŋ Buymisemuŋ naŋ da ar ya. Naŋ kine, Bumbulvuŋ a tiri ti ya mbur, naŋ muwuna le. A slino ya ɓa ngi so ti ɓi mezle da misi murgahay, ɓa ngi tisla mevel da mizli malikam, ɓa ngi tila mi ti ɓi ngi pula mizli mijahay le, ɓa ngi cuko celelu ngi dangayay avra,

EZAYI 61:2

ɓa ngi tila mi ti ɓi ngi Bumbulvuŋ maga mezle da mizli, ti ɓi ngi hin ngi Buymisemuŋ ndra masa pula cuwal naŋ, naŋ masa tuso didak da mizli matuwam vagaya,

TUWUY 2:14

Mijiviɗ ɗikey ara puram gwat ti kleŋ vur ka ngbaŋ, amma i ɓi ngi slir, yo i ɓi ngatara lambaˀ. Tˀanta njikukuw malambaˀ ɗike ta, anja ani ki mbiɗa joˀ ɗike le zleˀe. A ra puram gwat ti kleŋ vur ka, amma a tilam di i mi ti ɓi ngi slir ati tikina vu.

EZEKIYEL 23:36

Bumbulvuŋ a ɓiy na: «Ka mburu, ki wuɗ ga kiita da Ohola ati Oholiba kwa? Malambaˀ taŋ mukuyta wãˀ na, njika taŋ di so.