MISE 2:9 - Bible en langue guiziga

⁹ Ki ɓulaka ngwas ngi mizli ɗuwoy avra, tir hay taŋ mawuɗama. ya muɗuva hirnga da ziri taŋhay na, ki tiɓaka taŋ di ngi wãˀ.

MISE 2:9 ပူးပေါင်းရင်းမြစ်များ

DIMISEY 72:19

Gaka sise ngi caˀa da Bumbulvuŋ misi ti dudoko! Anja hirwuyo gar a nihi ti dudok naŋ! Amin, haˀaw, anja a gi kanah gisiŋ!

ZEREMI 10:20

Ani a puwikiy guɗuko le paw paw njeɗek, a slaka zeweɗ naŋhaya le gar. Ziri ɗuwoy ati ginew ɗuwoyo, t'anta mata! Mbur ɓa a ɗiyiy guɗuko, hiri naŋ a muŋ, yo ɓa a cica walahay guɗuk ɗu, hiri naŋ a muŋ na, anta mata!

EZEKIYEL 39:21

I sa ga ɓa sukwi gar a vulikiy dudoko. Sukwi ngi mizli gar na, a sa puraka kiita ya masa ga taŋ di ati ya masa ja haŋ avu taŋ na.

AMOS 2:7

Yo ma na, putukulo mbur misi murga ar murɓuko, may naŋ a ja taŋ haɗa. A zumaka gwat ngi mizli mihina hirngahaya ma. Cine ati mangala a hinam ti ngwas misi purla. Naŋ kine, a hiryaka slimiɗ nga ya Bumbulvuŋ le.

MISE 2:2

Da taŋ hĩhĩyam guvahay le na, a tiɓaka taŋ da taŋ. Da i hayay, a zuɓaka taŋ da taŋ. A jaka buy ngi haya jom ati hay naŋ wãˀ, yo a guzuvuraka mburo jom ati zlili naŋ wãˀ.

HABAKUK 2:14

Asi si na dudok ngi Bumbulvuŋ, a sa naha hirwuyo kaɓa yam manaha mubuliy.

ZAKARI 2:5

I zuɓa hiri paɗ na, i pur gwat ani: mbur deŋ ti zeweɗ ngi wi gwat kaw avu haŋ.

Matiye 23:13

«Kum buy ngi ɓimujuwahay ati Farisa miɓi micuw cuwoy, kay, kum ar bonoy! Asi kum matikaka mizli ɓa a cam ng'ar Zumabuy ngi muŋ ta na. Asi mike, kum vuna, kum anta cam ta ma. Na, mizli mawuɗam ci ma na, ki pulaka taŋ ɓa a cam ta ma [

Mark 12:40

A ra zumaka zlili ngi wudigahaya, yo da ara diram dibiɗ na, a zikam di kwiliŋ kwiliŋ, ɓa mizli a sinaka taŋ. A sa gaka taŋ kiita mutuwaˀ miwãˀ naŋ!»

Ɓimezle ngi Yesu Kristu LUK mitil di mi 20:47

Taŋ mazumaka zlili ngi ngwas wudigahay, yo taŋ madiram dibiɗ hã a zikam di, ɓa mizli a puraka taŋ na ma na, a sa gaka taŋ kiita mutuwaˀ haɗi teˀe!»

KORENTIHEY MUCUW NAŊ 3:18

Ndra gar, misi gwat misirit a mihiri ndra, mutur le avra na, anja mizli a puraka dudok ngi Bumbulvuŋ njahha avu ndra. Bumbulvuŋ misi i ˀUf tuwa na, a mbiɗa ndra le, ɓa i tiram rak rak ati naŋ vuna, ti dudok nga mbuŋ nga mbuŋ ava.

KORENTIHEY MUCUW NAŊ 4:6

Asi Bumbulvuŋ miɓi zleˀe: «Anja li a pusluɗ njahha angi luvuŋ» na, mupusluɗ a mevel ndrahay njahha na, i naŋ vuna, ɓa i sinaka dudok naŋ mawucuɗ njahha a mihiri ngi Kristu.

SAMUYEL MUDUMBUŊ NAŊ 26:19

Wurenna so na kumani, ambuh, anja ki cine mingiɓi ya gawla ɗik mawuɗ i ɓuw di na takwa? Da i Buymisemuŋ mahizigiɗo ka ng'ar ya, ɓa ki ga kanah na, anja a zãˀã mikuli ɓa a tislaŋ mevele so. Amma da i mizli na, anja Bumbulvuŋ a nisa taŋ. Asi mike na, dana ara ɓulikiy. Hirwuy Bumbulvuŋ muvula da mizli naŋhay na, ara tikikiy ngi cifi araŋ. Kite ara ɓikiy: ‹A ra huruk huruk a mbuŋ kulihey.›