MISE 2:3 - Bible en langue guiziga

³ Vurˀe, ya Bumbulvuŋ i ɓi na: «Ani i juwa le a kwacay ɗu ngi go mendere ng'ar mizli tayna, ko kum anta sa muɗoko ˀay kumoy ti raˀa gu ta, kum anta sa ram hirnga paɗ a muŋ gu ta, vur a sa gi i pas ngi bonoy.»

MISE 2:3 ပူးပေါင်းရင်းမြစ်များ

EZAYI 29:20

Asi mike na, a sa so i kiɗa mi ngi mizli misi moˀorehey, misingir ar mizli a sa ngizlam pay, yo mizli mawuɗam gi malambaˀa, a sa ngizlam pay.

EZAYI 3:16

Ya Bumbulvuŋ i ɓi na: «Ziri diili ngi Siyoŋhoy, ara huhumom vu, a laˀam ˀay kaˀ a muŋ, a puram vu ti dangwal ngi hiri. A ram ciɗkeˀciɗkeˀ, ti hurumo ɓalaŋ ngi sartaŋhaya.»

EZAYI 5:19

Taŋ a ɓam: «Anja Buymisemuŋ a wus vu, anja a ga gwat naŋ na kutum, ɓa i puraka. Anja gwat ngi gi ngi Buymisemuŋ ngi Israyele, a gi, a bugo vu, ɓa ndr'i sinakaŋ.»

ZEREMI 18:11

Wurenna, ara ɓa mizli Zudahay ati Zeruzalemeye na: «Bumbulvuŋ a ɓukum na: I ra juw vu nga gukum bonoy, i ra mbizi ɓi a mevel ɗu vur kumo, anja ko wa gar na, a zil marava ar gwat ngi gi naŋ malambaˀa. Haˀaw, kpak kum ati ngi gwat ngi gi kumo, ɗiyaka hiri naŋ amuŋ.

ZEREMI 27:12

Sedekiyas, buy Zuda, ya Zeremi tuwa i ɓaŋ ɓi misi purla misi ani na: «Ka ati mizli ɗikeye, luwaka galalaŋ ngi buy madiɗa ngi Babiloŋ asi ˀay kumo, gam gawla naŋhay waɗ ngi mizli naŋhaya ma, ɓa kisa ndiram ti siifa.

ZEREMI 34:17

Bumbulvuŋ a ɓi na: «Yo mbak ɗagay so, anja zleˀe ki tilam mi ti ɓi ngi pula sukum kumoy, kum misi angi hirwuy purla na, amma ani ki cinikiy mi ta. Na ya, yi sa til mi ti ɓi ngi pul kum mbak da maslalam, da jiji mozorbono waɗ da may a ngizlukum. I sa ga ɓa zumabuy ngisi ruwuy kurzluˀ gar mupurukum le na, a zluwunam ti ɓi kumo kirkir. I ya Bumbulvuŋ maɓi.

ZEREMI 36:23

Yehudi musluf le jobol makir malla mufaɗ gar na, buy a titira titerre le ti biila, waɗ fuk ng'ar vu misi ti ganum tuwa, hã ɗerewol a tiki pay wãˀ ngi wur ar vu misi ti ganum tuwa.

ZEREMI 43:2

Azariya mangal ngi Hosaya, Yohanaŋ mangal ngi Kareya, waɗ mizli mukuwahay gar, a zlaka a ɓaka Zeremi na: «Ɓi ka maɓa gar na, i slir. Ko Bumbulvuŋ Buymisemuŋ ndra a slino ka ɓa ki ɓa ndra: ‹Ki ram nga ɗum a Ezipte ta› na, a slino ka ta.

ZEREMI 8:3

Sukwi ngi mizli malambaˀ tayna, masa ndiram ti siifa, ko amaka gar, ya mizliɗa taŋ hirnga na, a sa ɓam: bonoy titiri, wuya ar vigiɗi. I ya Bumbulvuŋ misi gidaŋ wãˀ maɓi.

TUWUY 1:14

Mungra ɗuwoyo, a juw taŋ galalaŋ ti haŋ naŋ, a hirzligam ngbok ngbok asi haŋ naŋ. Mungra ɗuwoy a jiɗam sesẽŋ asi ˀay ɗu, dudok naŋ, a tika gidaŋ ɗu le. Bumbulvuŋ a vuliy asi haŋ ngi mizli misi kahana, mbak i cici deŋ a mbuŋ taŋ gu ta.

TUWUY 2:17

Bumbulvuŋ a ga gwat naŋ muwulka ngi gi na le, ɓi naŋ ɓi micica zle ngadana ta na, a ga le. A nguɓuca gwataya, manja pura ircece. A ga ɓa mesene ɗik a mumul, vur ka misi ar bonoy na, a ska gidaŋ ngi mizli mazliram ti ka tahaya le.

TUWUY 5:5

Mizli misipi ndrahay nder ndere, a pam ndra le sek a mbuŋ, gidaŋ ndra a tiki le, ko ndr'anta musukom vu ta.

AMOS 2:14

Ko mbur mawus vu haɗi, anta sa ndila li ngi ɗumo ta, ko mbur migidaŋ haɗa, anta sa gi gwat gu neˀ le ta, ko bugawla, anta sa lih ta.

AMOS 3:1

Mizli Israyeley, kum i muyoy, i ya Bumbulvuŋ mimo ti kum ti ruwuy Ezipte, cinaka ya maɓukum ani:

AMOS 3:2

A wuzla mizli ngi si ruwuyoy gar na, yi sin di i kum, vurˀe gwat malambaˀ miwãˀ kum migaka na, i sa cufuɗukum, ɓa kisa slufaka ɓi nah.

AMOS 5:13

Vurˀe, ar hin ngi bonoy misi kahana, mbur misi lesle, a ndir lek lek gwaɗ naŋ.

MISE 2:1

Mizli mututup ar gwat ngi hin taŋhay ti duvuɗu, mawulkam wuluk malambaˀ, yo majuwam ɓi ngi gi mendere da mizli, yo da li muwun le si na, a gaka gwat taŋ mawuɗama cummo, asi t'ada ti gidaŋ ngi gi naŋ. Kay, mizli tayna, taŋ ar bonoy.

ROMAHAY 16:4

A ndir mata ɓa a zizaka hirnga taŋ asi ya ɓa ngi lihiy. Maga taŋ sise, i ya pal ta. Cikil ngi misi kristu Yude tahay gar kwana, ara gaka taŋ di aya.

EFESEY 5:16

magam gwat mupuɗaw angi pas muwurenna, vur hinay i malambaˀhay.

Slu cuw 28:48

Ki sa tiram beke ngi mesene kumoy, Bumbulvuŋ masa slino taŋ ngi kiɗa vu ati kum na. May a sa jukum, yam a sa gukum, kisa ndiram gulndiŋ gulndiŋ kine, ko gwat kum neˀ anta. Bumbulvuŋ a sa kukum galalaŋ ngi ɓiri asi ˀay kumoyo, hã ki ngizlam pay wãˀ.

Ɗerewol ZAK 2:13

Asi, mbur mapur ˀircece da mizli ta na, Buymisemuŋ a sa gaŋ kiita manja a puraŋ ˀircece. Amma pura ˀircece a pa hirnga da kiita.