MISE 2:2 - Bible en langue guiziga

² Da taŋ hĩhĩyam guvahay le na, a tiɓaka taŋ da taŋ. Da i hayay, a zuɓaka taŋ da taŋ. A jaka buy ngi haya jom ati hay naŋ wãˀ, yo a guzuvuraka mburo jom ati zlili naŋ wãˀ.

MISE 2:2 ပူးပေါင်းရင်းမြစ်များ

BUYOY MUDUMBUŊ NAŊ 21:1

A dirba gwat tayna mucohom na, ɓihey mindiloko anihĩ: Nabot, i mbur Zisreyel. Naŋ ti guva ngi gudubun a Zisreyele. Guva vuna naŋ gweˀ avu hay ngi Akap, buy Samari.

BUYOY MUCUW NAŊ 9:26

Ya Buymisemuŋ, ngi dambu ngi dambu ani, yi pura pumbus ngi Nabot ati ngi ziri naŋhay ara ɓul. I sa pula cuwal naŋ ar guva misenna. Ma ɓi hana i ya Buymisemuŋ. Wurenna, zuɓa vagay ngi Zorama, hiziga ng'ar guva hana kaɓa Mingiɓi ngi Buymisemuŋ miɓa.»

Ɗerewol JOP 31:38

Ani guvahay a wudam ti ya le ɗaˀ, malla dodor taŋhay a tuwam ti ya le ɗaˀ kwa?

BI NGI ISRAYELEY 20:17

«Anja ko gwat ngi mbur cil ɗik a guw hiri ta: ko hay naŋ, ko ngwas naŋ, ko gawla naŋ mizile ati mongosohoy, ko sla naŋ, ko zungu naŋ.»

EZAYI 3:14

Bumbulvuŋ ara ru ti micawwa naŋhay ati buy ngi mizli naŋhaya ng'ar kiita. A cufuɗa taŋ: «Guva ngi gudubuno, i kum mihiryaka, yo hay kumoyo, ki nahaka taŋ le ti gwat kum mutuɓoko taŋ avu misi murgahay.

EZAYI 5:8

Kay! Mizli taŋ ar bonoy. A zliraka hayaya da cala da cala, guvahaya da cala da cala, hã a tiɓaka li cek, yo a cifam pal taŋ a wuzla walahaya.

ZEREMI 22:17

Pura hiri ɗik ati wuluk ɗike, sey ngi luuma gwat tewle, ngi pi pumbus ngi mbur migi gwat ta, yo ngi gi moˀore kaɓa gwat misãmi.

EZEKIYEL 18:12

a zum gwat ngi mizli migeˀ ircecehey ati ngi misi murgahay, a hul, gwat mbur mijikaŋ di le ar deɗe ngi duvus na, a mi di da buy nah mata, a huruk huruk a mbuŋ kulihey, a gi gwat mukuyta wãˀ,

EZEKIYEL 22:12

Asi hirwuy ɗike, a wurkaka mburo, ɓa ara kiɗ hirnga. Mbur a didiɗ gwat ɓa a sa mo di ti yam anga haɗa. Ki zuma gwat ngi cil ɗike ti gidaŋ, amma ya, ki puyuk hirnga le ti ya. I ya Bumbulvuŋ, Buymisemuŋ maɓi.

EZEKIYEL 22:13

Gwat ngi lum ɗike, ka mawuɗ yam naŋ fineˀ gidaŋ le, waɗ mungra madiɗaka maga na, pura, ya mahumbuɗ haŋ vurˀe.

EZEKIYEL 33:26

Ki pulaka vu kumo mbak mbak vur maslalam kumoy. Kum ngwasaya, ki gam gwat mukuyta wãˀ, kum zileye, mbur gar a hin ti ngwas ngi cil naŋ ma na, ki wuɗam ɓa hirwuy a ndir da kum mbri mbrike?

EZEKIYEL 45:9

Ya Bumbulvuŋ Buymisemuŋ i ɓi na: «Kum buy Israyeley, kayya ɓi kum a mbiy kwacay le muduba! Pulaka gi moˀore ati hila gwat ngi mizli ti gidaŋ na, gam gwat mikaslsla ati gwat mijeŋŋe, ki tiɓaka gwat ngi mizli ɗuwoyo mata. I ya Bumbulvuŋ Buymisemuŋ maɓi!

EZEKIYEL 46:18

Mizli Israyeleye, gwat taŋ mulumaka kaɓa ngi zuma hay na, anja buy a tiɓa taŋ di ta. Naŋ masa vul da ziri naŋ mizilehey, kaɓa a zumam di i hay na, a sa vula avu gwat nga naŋ. Kanah na, naɓa Israyel, mizli ɗuwoyo ko mbur loŋ masa ɓulakaŋ kileŋ avu gwat naŋ anta.»

EZEKIYEL 8:17

A ɓiy ma: «Ka mburu, ki pura le ya? Gwat mukuyta wãˀ, mizli Zudahay magaka aka na, naŋ pireˀ kwa? A nahaka hirwuyo le ti gi moˀore, ani a zlaka slikiɗikiy mevel le si ma, ara bigaka gidaŋ taŋ ti mevel fõh fõh.

AMOS 2:7

Yo ma na, putukulo mbur misi murga ar murɓuko, may naŋ a ja taŋ haɗa. A zumaka gwat ngi mizli mihina hirngahaya ma. Cine ati mangala a hinam ti ngwas misi purla. Naŋ kine, a hiryaka slimiɗ nga ya Bumbulvuŋ le.

AMOS 4:1

Kum madiya sla ngi Basaŋhay, kum majiginam a muwã Samari, ki ra zumaka gwat ngi mizli migeˀ irceceheye, ki ra guzuvuraka misi murgahaya, ki ɓaka zil kumoyo: «so ti gwat ngi si, sukum di.»

AMOS 8:4

Kum mizli maslikiɗam fõh fõh ng'ar misi murgahay, yo kum mawuɗam ngizla mizli muluɓ luɓ ngi si ruwuyoy na, cinam:

MISE 3:9

Mizli madiɗa ngi dideˀ ngi Zakopoy, yo migi kiita ngi mizli Israyeley, cinaka ɓi ani. Ki puraka ɓi mijeŋŋe hiris le, yo ɓimujuwa na, ki tiram di paraway.

MISE 6:12

Walahay, mizli misi zlili ngi raˀahaya, i misi moˀorehey haɗa, yo mizli ngi raˀahaya, maɓam mi ngi gi gilaw na, mi ngi balam taŋ ati ngi irne taŋ, i ngi tikina vu tewle.

MALASI 3:5

I sa so a wuzla kumo ngi gukum kiita kumoyo. Mizli misi cucukoy ati migi madamahay, muhudum ti slirey ati muzuma migir ngi migi slrahay, ngi ngwas wudiga ati mutuhuhoy, muguzuvura moholoyoy, yo taŋ mazluwunam ti ya ta gar na, yi sa mbiɗa taŋ hirnga kutumo si. I ya Bumbulvuŋ misi gidaŋ wãˀ maɓi.»

Matiye 23:13

«Kum buy ngi ɓimujuwahay ati Farisa miɓi micuw cuwoy, kay, kum ar bonoy! Asi kum matikaka mizli ɓa a cam ng'ar Zumabuy ngi muŋ ta na. Asi mike, kum vuna, kum anta cam ta ma. Na, mizli mawuɗam ci ma na, ki pulaka taŋ ɓa a cam ta ma [

TIMOTE MUDUMBUŊ NAŊ 6:10

Asi mike na, dimbasl ngi gwat malambaˀhay gar na, i may dala. Mizli mekelemey a vulaka vu taŋ wãˀ ngi sipi dala, a ngizlam le kileŋ avu tiɓi taŋ, yo gaka bonoy da vu taŋ haɗa, a zluɓaka le.