MISE 2:1 - Bible en langue guiziga

¹ Mizli mututup ar gwat ngi hin taŋhay ti duvuɗu, mawulkam wuluk malambaˀ, yo majuwam ɓi ngi gi mendere da mizli, yo da li muwun le si na, a gaka gwat taŋ mawuɗama cummo, asi t'ada ti gidaŋ ngi gi naŋ. Kay, mizli tayna, taŋ ar bonoy.

MISE 2:1 ပူးပေါင်းရင်းမြစ်များ

ZLI VIRZI 31:29

Yo y'ada ti gidaŋ ngi gukum malambaˀa, amma Buymisemuŋ ngi dideˀ ɗikey, a ɓiy ngi duvuɗ mucuh na, Ji lesl, anja ki ɓa Zakopo ti ˀay mezle malla ti ˀay malambaˀ ta!

BUYOY MUDUMBUŊ NAŊ 21:7

Ngwas naŋ Zezabel tuwa, a ɓaŋ: «Mazum buy ar hirwuy Israyel wurenna i ka takwa? Slikiɗ, zum gwata, mumul a mevel ɗike. Masa vuluw guva ngi gudubun ngi Nabot, mbur Zisreyele, i yaha.»

ESTER 3:8

Akẽh na, Haman a ɓa buy Zersese: «Kumani, mizli ada na, sukwi taŋ gwah pal, taŋ suɓulak a wuzla mizli ngir li buyoy miwaka taŋ gar asi ruwuy ɗik, ka mazum buy anga gar. Ɓimujuwa nga taŋ naŋ pal avu ngi mizli gar. Yo ɓi ngi ka buy mujuwa na, taŋ, t'anta sipaka ta. Ɓa ki pula taŋ setette kanah na, ko t'anta pulukuw gir neˀ ta.

ESTER 5:14

Akẽh na, Zeres, ngwas naŋ waɗ ngama naŋhay tuwa, a ɓakaŋ na: «Inga ɓi ɓa a ɗiyam dum ngi luwa mbur, gil naŋ nga muŋ metir kukur cuw nga zlum. Ti miprik na, ɓa ki ɓa buy, a ɓi a luwaka Mardoke vuna anga, ɓaka kisa ru, mevele zuyyo ng'ar ɗaf ngi muguzlumo ati buyo sini.» Ɓi nah a cira hiri le da Hama na, a ɓi ɓa a ɗiyaka dumo so.

ESTER 9:25

Amma ɓi nah mindil avu buyo buy a ɓi ɓa gidiɓi malambaˀ ngi Haman miga a hirnga Yudehey na, anja a mbiɗi nga hirnga naŋ a muŋ, yo ɓa a luwakaŋ naŋ vuna ati ziri naŋ mizileheye angi dum, naŋ vuna miɗiya na. Buy a vula jiviɗe ɓa a tohoko ɓi nah toh toh le angi ɗerewol.

Ɗerewol JOP 15:35

Mbur makicuw ɓi malambaˀa, a yi bonoy, yo ɓi naŋ mujuwa a kwacay naŋ na, a sa tikin di i naŋ vuna tehhe a muŋ.

Ɗerewol JOP 24:14

Mbur magi mungra madiɗa na, a slikiɗ ti li, a kiɗa misi murga ati misi viya vagay vagay, yo ti duvuɗo ma na, a hul.

DIMISEY 36:4

Mingiɓi naŋ maɓa, i slir ati tikina vu tewle, a si na wala ngi gi mezle mata.

DIMISEY 36:5

Malambaˀ naŋ maga na, a wulka tup ar li hin naŋ, i jiviɗ mezle ta kwana, a sipa si, anta pula gi malambaˀa ta.

DIMISEY 58:3

Ĩˀĩh! Ki gaka gwat mijeŋ ta waˀwaˀa: ki ra ya ka moˀore asi ruwuyo ta haŋ kumo.

MIKUCUWULOY 12:2

Mbur mezle na, Bumbulvuŋ a gaŋ mezle, amma mbur misi were, Bumbulvuŋ a gaŋ kiita.

MIKUCUWULOY 14:22

Mizli mawuɗam ɓi malambaˀ na, ara zizam takwa? Amma mizli mawuɗam gi mezle na, a sa ndiram ti ji ngama, yo a sa ndiram ti ɓi mikaslsla.

MIKUCUWULOY 3:27

Mbur muro ti may ngi gwat avu ka, zliv ki vulaŋ gu na, ki zlikaŋ ta.

MIKUCUWULOY 4:16

Mizli tayna, da a gam malambaˀ geˀ le ta na, t'anta hinjam ta, da a zlumburam mbur a ruwuy ta na, a hinjam ta.

EZAYI 29:20

Asi mike na, a sa so i kiɗa mi ngi mizli misi moˀorehey, misingir ar mizli a sa ngizlam pay, yo mizli mawuɗam gi malambaˀa, a sa ngizlam pay.

EZAYI 3:14

Bumbulvuŋ ara ru ti micawwa naŋhay ati buy ngi mizli naŋhaya ng'ar kiita. A cufuɗa taŋ: «Guva ngi gudubuno, i kum mihiryaka, yo hay kumoyo, ki nahaka taŋ le ti gwat kum mutuɓoko taŋ avu misi murgahay.

EZAYI 32:7

Mbur magi gilaw da mizli, gwat ngi gi naŋ i mungra madiɗaŋ. Hirak ti misi murgahay mira slufaka ɓi taŋ na, a ɗiyi ɓi ɗiyeˀ ɗiyeˀ, a ja taŋ ɓi gbiŋ gbiŋ lambaˀ ngi ziza mizli migeˀ ircece tayna.

EZAYI 5:8

Kay! Mizli taŋ ar bonoy. A zliraka hayaya da cala da cala, guvahaya da cala da cala, hã a tiɓaka li cek, yo a cifam pal taŋ a wuzla walahaya.

EZAYI 59:3

Asi mike na, haŋ kumoyo cih cih ti pumbusu, yo muzuŋ haŋ kumoyo, i mihiryahay le ti gi gwat malambaˀ mukuytahay wãˀ, mi ngi balam kumo, i ngi ziza mbur tewle.

ZEREMI 18:18

A ɓam: «Akum, i ra kiɗaka mi ngi ɓi ndra majuwaka a kwacay vur Zeremi na wãˀ muduba. Masayay a sa bigam ndra jiviɗ ngi Buymisemuŋ, i sa lumam mi ngi kuti avu misi sinmijileŋheye, i sa lumam mingiɓi avu mijiviɗeye si. Akum so, i ra hiryakaŋ ti mi muhuzlok huzlok, ko i kam slimiɗ ar mingiɓi naŋ ta.»

EZEKIYEL 11:2

ˀUf tuwa, a ɓiy na: «Ka mburu, mahizigoko gi gwat malambaˀ, yo mazliɗoko malambaˀ ar walahay hana na, i mizli hanayna.

EZEKIYEL 33:26

Ki pulaka vu kumo mbak mbak vur maslalam kumoy. Kum ngwasaya, ki gam gwat mukuyta wãˀ, kum zileye, mbur gar a hin ti ngwas ngi cil naŋ ma na, ki wuɗam ɓa hirwuy a ndir da kum mbri mbrike?

EZEKIYEL 38:10

Ya Bumbulvuŋ, Buymisemuŋ i ɓi na: Tapasa, kisa wuluk slra ngi gi ngi gihey haɗa a mevel ɗike, joˀ kisa kiluwo slra masukum ti ɓi malambaˀ.

EZEKIYEL 46:18

Mizli Israyeleye, gwat taŋ mulumaka kaɓa ngi zuma hay na, anja buy a tiɓa taŋ di ta. Naŋ masa vul da ziri naŋ mizilehey, kaɓa a zumam di i hay na, a sa vula avu gwat nga naŋ. Kanah na, naɓa Israyel, mizli ɗuwoyo ko mbur loŋ masa ɓulakaŋ kileŋ avu gwat naŋ anta.»

MISE 6:12

Walahay, mizli misi zlili ngi raˀahaya, i misi moˀorehey haɗa, yo mizli ngi raˀahaya, maɓam mi ngi gi gilaw na, mi ngi balam taŋ ati ngi irne taŋ, i ngi tikina vu tewle.

NAHUM 1:11

Hirwuy Niniv, mbur magi gidiɓi ar Bumbulvuŋ ngi gi malambaˀ na, a bo tivi ka, i mbur misi wuluk malambaˀa.

ZAKARI 7:10

Wudiga ati mutuhu, moholoy ati misi murga na, ki guzuvuraka taŋ ta. Anja mbur gar asi kumo, a ja sukum naŋ a kwacay ngi gaŋ malambaˀ ta.

Mark 15:1

Ngi miprik prik na, masay madiɗahay a kusom ati mizli micawwahay, yo buy ngi ɓimujuwahay waɗ mizli ngir kus taŋ madiɗa ngi mingila wuyoy gar. A juwaka Yesu, a ram di, a vulaka da Pilat.

Ɓimezle ngi Yesu Kristu LUK mitil di mi 20:19

Buy ngi ɓimujuwahay ati masay madiɗahay, a puram jiviɗ ɓa a jaka Yesu ar nah vuna si, amma ara zluwunam ti mizli ma. Yesu miɓa ɓi weˀ ti wi na, vur taŋ na, a slaka wala nah le kuy kuy.

Ɓimezle ngi Yesu Kristu ZAŊ mitil di mi 19:11

Amma Yesu a mbiɗaŋ di: «Da Bumbulvuŋ a puluw jiviɗ nah zleˀe ta na, k'anta ti gidaŋ ar ya ko neˀ ta. Vurˀe, mbur muvuliy ɓa ki jiy na, mungra nga naŋ a funa ngi ɗike le.»

SLRA 23:12

Put ngi miprik naŋ na, Yudehey a gam gidiɓi, a hudumom, a ɓam: a zumam gwat ta, a sam gwat ta, sey da a kiɗaka Polo le vagay ɗagay far.

SLRA 23:15

Ani so na, kumo, jumom ati mingila wuy ngir kus madiɗahaya, ɓaka buy ngi sojeheye, ɓa a sukum ti Polo, kaɓa ngi ka virzi naŋ kuy kuy. Ndra kwana, naɓa i wam vu le weˀ, ɓa hã a sa ndilo tikeˀe avu kum na, i kiɗaka le vagay.»

ROMAHAY 1:30

ɓi ɓi malambaˀ ar wala taŋ, gi mesene ti Buymisemuŋ, wuɗa mi, pura vu ka mbur madiɗa, huhumvu, puram jiviɗ ngi gi malambaˀ da mizli, cine mi ta da miyi taŋhay.

Slu cuw 28:32

Mulakay a sa jaka ziri kum mizile ati mongosohoyo ng'ar beke, kisa ndiram hiipas ar li hiliɗ taŋ, da a moko kwana, amma ko kum anta sa gam gwat neˀ gu ta.