MISE 1:3 - Bible en langue guiziga

³ Bumbulvuŋ n'ani ara bo tir hay naŋ. A ra po sar, ara ru ar li miɗingir ɗingirey ngi si ruwuyo.

MISE 1:3 ပူးပေါင်းရင်းမြစ်များ

Ɗerewol JOP 40:12

Pura mizli tayna muwuɗa dudokoy na, ɓa a hurukom a ruwuy, njirsla misi moˀoreheye daˀ arleˀe.

DIMISEY 115:3

Buymisemuŋ ndra, naŋ da a muŋ, gwat naŋ muwuɗ gar na, a ga le.

EZAYI 25:10

Gidaŋ ngi Bumbulvuŋ a ro ar muwã hana. Amma Moˀapa, a sa njirslaka daˀ arleˀe, kaɓa mahumusom giziŋ ar vigiɗ misi zay ngi ginewey.

EZAYI 26:21

Ani Bumbulvuŋ ara bo tir hay naŋ, ɓa a cufuɗa ɓi ngi mungra taŋ madiɗahay na, avu mizli ngisi ruwuyoy, ɓa a slufakaŋ di. Joˀ ruwuy a sa ngulo pumbusu, a sa pula sumbuto mizli mikiɗahaya.

EZEKIYEL 3:12

Akẽh na, ˀUf ngi Buymisemuŋ a zuɓiy faw nga muŋ, i cin widi ngirzliŋŋe ti dirba ɗu, a ɓam: «Sise da Bumbulvuŋ angi li misi dudok naŋ anga na!»

AMOS 4:13

Pura Mbur miga muwãhaya n'ani, miga himiɗi, gwat, naŋ maga gar na, a njika da mizli, a tiri ti luvuŋ njahha, maru di gi ar li ɗigar ngi si ruwuyoy, a zilaka Bumbulvuŋ, Buymisemuŋ misi gidaŋ wãˀ.

AMOS 9:5

Bumbulvuŋ Buymisemuŋ misi gidaŋ waˀa, a wusa hirwuyo le duk na, hirwuy a jijik, joˀ mizli ngi raˀahay gar a tuwam tuwuy ngi vagay. Hirwuyo a slikiɗ hogokko cek kaɓa mizaw mazuɓu, yo a mi kip nga ruwuy kaɓa mizaw Ezipte.

HABAKUK 3:19

Bumbulvuŋ i Buymisemuŋ ɗu, i gidaŋ ɗu, a giy saraya kufaˀ kufaˀ kaɓa ngi muuni, aru tigi ti ya ar li miɗigir ɗigirey.

ZAKARI 14:4

Tapas nah na, a sa ɗuva saraya taˀ ar muwã tutumbur mupuɗak ar Zeruzalem, kini tisi pas ngi miprik na. Muwã tutumbur a sa cir puɗak a wuzla cuw, zle tisi pas ngi miprik, hã tisi pas ngi pastaˀa, a sa tiri sozo madiɗa ndah ndah. Muwã micah mekeleme, a sa kirih ngir tir vay muŋ, yo numuŋ kwana ngir tir vay ruwuy.

Slu cuw 32:13

A pi taŋ sar ar li vay muwãhay. A vula taŋ gwat ngi zumo, i gwat ngi migamay. A vulo taŋ mam ng'ar pulayay, ɓa a zumam, a puso taŋ tutumburoy ar cecesle.

Slu cuw 33:29

Kum Israyeley mumulom! Kum sukwi ngi Bumbulvuŋ muluhukum le, Bumbulvuŋi mbarayngi tika hiri kum, yo i maslalam kum ngi luuma bugawla. Ti mesene kumoy masa cufuɗam ti mi ngi gukum gilaw na, kisa kirpaka huhumo vu taŋ na asi sar.»