MISE 1:1 - Bible en langue guiziga

¹ Ti hin ngi Yotam ati Ahas waɗ Ezekiyas, buy Zudahaya, Mise, mbur ngi ruwuy Moresete, Bumbulvuŋ a ɓaŋ ɓi. A pur ɓi ani ti kleŋ vur walahay Samari ati Zeruzalem.

MISE 1:1 ပူးပေါင်းရင်းမြစ်များ

BUYOY MUCUW NAŊ 15:32

Yotam, mangal ngi Azariya micifi buy madiɗa Zuda na, naɓa Peka, mangal ngi Remaliya a ɓul di i vi mucuw naŋ angi zuma buyo.

BUYOY MUCUW NAŊ 15:5

Buymisemuŋ a ga buyo a ngil kukula, hã avu hin ngi muc naŋ. A cifi angi hay naŋ baˀ avu mizli. Mangal naŋ Yotam, madiɗa ngi hay buyo a wa mizli ngi si ruwuyo.

BUYOY MUCUW NAŊ 16:1

Peka, mangal ngi Remaliya, angi vi mukuruˀ nga tarnaˀ naŋ ngi zumabuy naŋ na, Ahas, mangal ngi Yotam a ci buy Zuda.

BUYOY MUCUW NAŊ 18:1

Oze, mangal ngi Ela, angi vi mimakir naŋ angi buyo na, Ezekiyas, mangal ngi Ahas, a cakaŋ i buy Zuda.

ƁI NGI HINEY MUCUW NAŊ 28:1

Ahas micifi buy madiɗa, naɓa naŋ ti vi kukur cuw, a zum buy a Zeruzaleme vi kuruˀ nga merkeɗe. A gi gwat mikaslsla a mihiri ngi Bumbulvuŋ kaɓa dideˀ naŋ Davite ta.

ƁI NGI HINEY MUCUW NAŊ 29:1

Ezekiyas micifi buy madiɗa na, naɓa naŋ ti vi kukur cuw nga zlum, yo a zum buy a Zeruzaleme vi kukur cuw nga ngoltir. Mumuŋ naŋ i zuŋ ngi Zakari, a zilaka Abi.

EZAYI 1:1

Izayi mangal ngi Amoto, a pur gwat ti kleŋ, i ɓi ngi zumabuy ngi Zuda ati ɓi ngi walahay Zeruzalem. Naɓa ti Oziyas, Yotam ati Ahas waɗ Ezekiyas, a zumam buy le asi cala asi cala a Zuda.

EZAYI 1:2

Ya Bumbulvuŋ i ɓi na: «Muŋ, cin! Hirwuy, jika slimiɗe! I gil ziri le, i sirka taŋ le, amma taŋ, a slikiɗam ɓi le avu ya.

EZAYI 7:1

Ahas mangal ngi Yotam, dideˀ ngi Oziyasa, ara zum buy a si ruwuy Zuda. Ar hin tayna, Resiŋ, buy madiɗa ngi Siri ati Peka, mangal ngi Remaliya, buy madiɗa ngi Israyele, ara zlaka Zeruzaleme ngi kiɗa vu, amma a kiɗaka gu ta.

EZAYI 7:9

Walahay hirnga ngi Efrayime, i Samari, yo mangal ngi Peka, i buy ngi Samari tewle. Da ki tiɓaka ɓi ɗu hana ta na, kum anta sa ndiram ti siifa ta.›»

ZEREMI 26:18

«Mise, mbur Moreset, ti naŋ miga slra naŋ ngi mijiviɗ ti hin ngi Ezekiyas, buy Zuda na, a ɓa mizli Zudahaya gar: Bumbulvuŋ misi gidaŋ wãˀa, a ɓi na: Walahay Siyoŋ, mesene naŋhay a sa huvakaŋ kaɓa guva, Zeruzaleme kwana, a sa tiri diŋ hoŋ, yo muwã ngir hay Buymisemuŋ, a sa tiri ɓuh misi widis ngiriɗi.

Ɗerewol OZE 1:1

Ti Zoroboˀam, mangal ngi Zoˀas mazum buy a ruwuy Israyel na, Oze mangal ngi Beˀeri, Bumbulvuŋ a ɓaŋ ɓi le. Ti di nah, Oziyas, Yotam, Ahas waɗ Ezekiyas ara zumam buy ar ruwuy Zuda ma.

Ɗerewol OZE 4:15

Kum Israyeley, da ki ra gam sulome na, anja ki caka Zudahay anga ta ɓula! Ki ram nga Gilgal, ar li mipal na ta, ki ram nga Betel, ar li ngi vu na ta, yo ki hudumom, ki ɓam: «Bumbulvuŋ naŋ ti siifa» na, ki ɓam ta.

Ɗerewol OZE 8:14

Israyel a puyuk hirnga ti mbur migi naŋ le, a ndir mugum ngi buyoy. Zuda kwana, a ndir walahay muguno ti moholoy haɗa. Amma yi saka vu da walahay tayna, a sa wura walahay muguno ti moholoyo kap.

AMOS 1:1

Ɗerewol hana, a ɓi di i ɓi ngi Amos mbur misi ginewey a ruwuy Tekoˀa. A ndir vi cuw ɓa ruwuy a jijik na, Buymisemuŋ a ɓaŋ ɓi vur zumabuy ngi Israyel, a ɓaŋ hirak ti Oziyas ma zum buy a ruwuy Zuda, yo Zeroboˀam mangal ngi Yoˀas i buy angi hirwuy Israyel.

AMOS 6:1

Mizli muroko setette a Siyoŋ, yo moroko pulam vu a muwã Samari na, kay, taŋ ar bonoy. A waka kaɓa taŋ i mizli madiɗa ngi wuzla sukwi ngi mizli, joˀ Israyeley ara ram ng'avu kum.

MISE 1:5

Hana a gi gar na, vur dideˀ ngi Zakopoy mislikiɗam ɓi, yo vur Israyeley migam mungra. Slikiɗa ɓi ngi dideˀ ngi Zakopoy vuna i wanaka? I walahay Samari takwa? Li miɗingir ɗingir ngi Zudahay vuna i wanahay ka? I walahay Zeruzalem takwa?

MISE 3:9

Mizli madiɗa ngi dideˀ ngi Zakopoy, yo migi kiita ngi mizli Israyeley, cinaka ɓi ani. Ki puraka ɓi mijeŋŋe hiris le, yo ɓimujuwa na, ki tiram di paraway.

HABAKUK 1:1

Hana i mingiɓi, Bumbulvuŋ minjika da mijiviɗ Habakuk, ɓa ara til di mi.

PIYER MUCUW NAŊ 1:21

Asi mike na, ɓimutoho Buymisemuŋ minjika da mijiviɗey miɓaka gar na, ko ɓi pal magi asi wuɗ ngi mbur na anta ndiɗaˀ wãˀ. Amma mizli miɓam ar deɗe ngi Buymisemuŋ na, i ˀUf Mipal muvula taŋ di.