MIKUCUWULOY 7:7 - Bible en langue guiziga

⁷ I pur gawla manja lesley, keɗ a wuzla gawlahay na, mangal menjeɓele manja lesle.

MIKUCUWULOY 7:7 ပူးပေါင်းရင်းမြစ်များ

Ɗerewol JOP 24:15

Mbur migi madama kwana, a wuɗ anja pas a diɗ kutum. A ɓi: «I sa ru, ko mbur a puriy ta.» Joˀ a sirit zana sirit a mihiri.

DIMISEY 119:130

Mbur misla wala ngi ɓi ɗike le na, a lum li minjahha, mizli miteˀteˀhey na, ɓi ɗik a vula taŋ sli wala ngi ɓi.

MIKUCUWULOY 1:22

a ɓi: «Gilaway, kisa ndiram ti gi gilaw kum na, hã ti vunaka? Kum misingir ar yahay na, kisa ndiram ti singir kum ar ya na, hã ti vunaka? Yo kum manja lesley, kisa ndiram ar li burɗa sine hã ti vunaka?

MIKUCUWULOY 1:32

Asi maziza misi hirnga midigizlahaya, i taŋ mangumam tiɓa sinmijileŋ ta na, yo maziza gilawaya, i taŋ mawulkam neˀ ta na.

MIKUCUWULOY 1:4

ngi vula wer mezle da mizli manja si na ɓihey, yo ngi vula sin ati wuluk ngi sli wala ngi ɓi da ziri ziri aruŋ.

MIKUCUWULOY 10:13

A lumam sinmijileŋ angi mingiɓi ngi mbur misi lesle, amma mbur gilaw a, a kiɗaka ti ganday a duba.

MIKUCUWULOY 12:11

Mbur mahufa guva naŋ na, a sa mbi ti gwat ngi zumo, amma mbur magi welele ti gwat midar ta na, i gilaw lambaˀa.

MIKUCUWULOY 14:15

Mbur misin ɓi ta na, a tiɓa ɓi maɓaka gar, amma mbur maji lesle, a ga gwat naŋ gar ti wuluku.

MIKUCUWULOY 14:18

Mbur misin ɓi ta na, mi nga naŋ, i gwat ngi gilaway, sin ngi gi gwata, i loppol ngi mizli misam ɓi le.

MIKUCUWULOY 19:2

May gwat manja wuluk kuy kuy na, gwat mezle anta ara ta. kil katakata a lum ɓi.

MIKUCUWULOY 19:25

Mbur masingir ar mbur na, kiɗaŋ, ɓa mbur gilaw a so ti lesl a hirnga, mbiɗa hirnga da mbur misi lesle, ɓa a sa sla wala ngi sine.

MIKUCUWULOY 22:3

Mbur misi lesle, a pura mendere le ara ndilawa na, a ɗum, amma manja si na ɓiheye, a cohom a cikeˀe, a sam bonoy.

MIKUCUWULOY 24:30

Ngi pas numuŋ ada na, i ra cuh gweˀ avu guva ngi masafaya, gweˀ avu guva ngi gudubun ngi mbur hĩhĩyaŋ.

MIKUCUWULOY 27:12

Mbur misi lesle, naŋ mupura le, mendere ara ndilawa na, a ɗum, amma gilawaya, a cohom a cikeˀe, a humbuɗam haŋ.

MIKUCUWULOY 5:1

Mangal ɗu, ji lesl avu sin ɗu mijileŋ, yo jika slimiɗe jak asi mi ngi kuti ɗuwoyo.

MIKUCUWULOY 6:20

Mangal ɗu, ɓi ngi bunuk maɓuw di ɗaˀ le na, ja a hirnga, yo ɓi ngi munuk madubunuw di na, ki pura ka sefel ta.

MIKUCUWULOY 6:32

Mbur magam madama ati ngwas na, hirnga anta ava ta, a gi kanah ngi ziza siifa naŋ.

MIKUCUWULOY 8:5

Kum manja lesley, dubunam ji lesl, gilaway, dubunam wuluk mezle.

MIKUCUWULOY 9:16

a ɓa taŋ: «Mbur kesef ada kwa? Anja a so kini ti ka» A ɓa mbur manja lesle:

MIKUCUWULOY 9:4

a ɓi: «Mbur kesef ada kwa? Anja a so kini ti ka!» A ɓa mbur manja lesle:

ZEREMI 4:22

Haˀaw, mizli ɗuwoy i gilaway, a sinikiy ta. I ziri manja lesley, anta slaka wala ngi ɓi ko neˀ le ta. A sinaka wala ngi gi malambaˀa le wãˀ ɓula, amma a sinaka gi mezle ta.

Matiye 15:16

Yesu a ɓi: «Hã wurenna, kumo kwana, kum i manja lesley aya kwa?