MIKUCUWULOY 4:7 - Bible en langue guiziga

⁷ Ɓa ki ndir, ki mbur misi ti sinmijileŋ na, sey ki zla ti luuma sinmijileŋ, yo gwat ngi lum ɗik gar na, vula ɓa ki lum lesle.

MIKUCUWULOY 4:7 ပူးပေါင်းရင်းမြစ်များ

ƁI NGI HINEY MUCUW NAŊ 1:10

Wurenna, vuliy sinmijileŋ ati sli wala ngi ɓi, ɓa i si na gi gwat a mbuŋ mizli hanayna. Da kanah ta na, mizli ɗikey, mizli misikinih haɗa hana, majigina taŋ gu i waka?»

DIMISEY 119:104

Ya masla wala ngi ɓi na, mbele ya masipa gwat ka mawuɗ na, yo ya mahirsa ɓi ngi slir gar na, vurˀe ma.

MIKUCUWULOY 16:16

Zuwen mbur malum sinmijileŋ, a fina ɓiri tapasl tapasl mimezle le, zuwen mbur malum lesle, a fina ɓiri bara le.

MIKUCUWULOY 2:4

da ki ra sipa hirdam hirdam kaɓa dala, ki ra gudoho di kaɓa zlili a ruwuy na,

MIKUCUWULOY 21:6

Zlili muluma ti gi gilaw da mizli na, i himiɗ lambaˀ ngi mizli masipam mucu.

MIKUCUWULOY 23:23

Sipi, ɓa ki ɓi ɓi mikaslsla, ki lum sinmijileŋ, ki dubun gwat waɗ ɓa ki ndir ti lesle, da ki luuma taŋ le na, ki hirya taŋ ta.

MIKUCUWULOY 4:5

Anja ki lum sinmijileŋ, anja ki lum lesle. Ki puyuk hirnga ti mingiɓi ɗu ta, yo ki mbiɗi duba ava ta.

MIKUCUWULOY 8:23

Yi mukicuwa zle misi ngadana ta, zle ti zli virzi ngi gwatay, zle ti duniya muɗuv virzi.

TILA MI 4:8

I mbur ani pal naŋ, cil naŋ anta, ko mangal malla sukum naŋ mizile anta. Slra nga naŋ gar na, maakway naŋ anta, yo hiyĩ zlili a mbaŋ ɗaˀ ta. Na, ara ɓi ti kwacay naŋ ngbaŋ: «ya magi slra, yo ya mawuɗ mumul ta na, vur waka?» Nah kwana, i ngatara lambaˀ, yo i gi welele malambaˀa.

TILA MI 7:12

Asi mbur misi ti sinmijileŋ na, kite naŋ a susuɗuk, kaɓa mbur misi ti zlili, sinmijileŋ ara vula siifa da mizli misi ti naŋ na, vurˀe, naŋ kuy ngi si na gi gwata.

Ɓimezle ngi Yesu Kristu LUK mitil di mi 10:42

Gwat mizlir ngi gi na, naŋ purla si. Vay mimezle na, i Mariya muwuna, anta sa tiɓakaŋ di ta.»

Ɓimezle ngi Yesu Kristu LUK mitil di mi 12:20

Amma Buymisemuŋ a ɓaŋ: ‹Gilaw lambaˀ! A sa zuɓaka siifa ɗike ar duvuɗ hana vuna si. Na, gwat ka mukuso taŋ hana, a sa ndir da waka?›»

FILIPIHEY 3:8

Na, ya mapura taŋ kaɓa i zizi ti zizi na, asi i ra pur li lum madiɗa mifineˀ tayna: i si na Buy ɗu Yesu Kristu. I pula gwataya le gar avra aseˀe. I pura taŋ gar kaɓa gwat ngir kitikiley, ɓa ngi luuma Kristu.