MIKUCUWULOY 30:12 - Bible en langue guiziga

¹² Mizli ada mapuraka vu taŋ, ka gwat malambaˀ anta avu taŋ ta, dambalaka a bunaka dili taŋ avra ta ngbaŋ.

MIKUCUWULOY 30:12 ပူးပေါင်းရင်းမြစ်များ

Ɓimezle ngi Yesu Kristu LUK mitil di mi 18:11

Mbur Farisa a cici, a dir dibiɗ a mevele, a ɓi: ‹Aw Buymisemuŋ ɗu, yi guw sise, asi y'anta kaɓa mizli mekelemey ta, taŋ i muhuloy, i malambaˀhay, i migi madamahay, yo y'anta ka mbur micikila buutu hana ta ma.

MIKUCUWULOY 16:2

Mburo, gwat ngi gi naŋ gar na, a pura kuy, amma mapura mevel ngi mbur i Bumbulvuŋ.

TIMOTE MUCUW NAŊ 3:5

Deŋ taŋ na, i mizli misipi jiviɗ ngi Buymisemuŋhoy, amma a sa hizigaka gidaŋ ngi tiɓi avra. Mbiɗi duba avu mizli tayna ma.

ZEREMI 2:35

Amma ti nah gar na, ki ɓam: «Ko i cam ar ɓi ta, i sinaka le, himaˀ ngi Buymisemuŋ anta sa po ng'ar ndra ta zleˀe si.» Na yi ra gukum kiita, asi kum maɓam: «I gam malambaˀa ta» na.

Ɗerewol TIT 3:5

a laha ndra le, anta asi i gam gwat mijeŋŋe le ti haŋ ndra ta, amma asi naŋ mapura ndra ˀircece tewle. A laha ndra ti taŋ mubunam ndra, ɓa ngi ya ndra sar mucuw naŋ, yo waɗ tisi ˀUf Mipal matiri ti ndra mizli nawayahay na.

Ɓimezle ngi Yesu Kristu LUK mitil di mi 16:15

Yesu a ɓa taŋ: «Ki gaka vu kum a mbuŋ mizli ka kum jeŋŋe, amma Buymisemuŋ a si na mevel kumo le. Gwat mizli mapuraka, i gwat hirnga na, avu Buymisemuŋ, i gwat mukuy ta wãˀa.

EZEKIYEL 36:25

I sa kicukum yam miɗelelle, ɓa kisa ndiram manja dili. Dili kumoy ati ɓi ngi huruk huruk kum a mbuŋ kuli kumoy na, i sa zuɓukum taŋ avra.

EZAYI 65:5

A ɓaka mburo: «Cici deŋ akẽh, ki wusiy ta, ki wusiy manja mendere a lumuw na, a gi ta.» Ya mapura gwat ngi gi taŋ tayna gar na, a jiy mevel, a tiɓi ka vu, cunju sẽwwe, mbak le anta.

MIKUCUWULOY 21:2

Mburo, gwat ngi gi naŋ gar na, a pura ava kuy, amma maɗumburo ɓi ngir mevel ngi mburo gar i Bumbulvuŋ.

KORENTIHEY MUDUMBUŊ 6:11

Mekelemey a wuzla kumo taŋ zleˀe kanah vuna. Amma Buymisemuŋ a bunukum mungra kumoyo le avra, a pukum le sek pal da naŋ, a ɗiyukum le jeŋŋe a mbuŋ naŋ ti slimiɗ ngi Buy Yesu Kristu waɗ ti ˀUf ngi Buymisemuŋ ndra.

ZAKARI 13:1

«Tapasa, yam a sa bo vilvil ar deɗe ngi slalak ngi buna dili ati mungra ngi mizli ngi hay Davitey ati ngi Zeruzalemeye.»

ZEREMI 4:14

Zeruzalem, da ki wuɗ lih na, sey ki pula moˀore ɗik na wãˀ. Wuluk malambaˀɗikey na, kisa pula taŋ avra ti vunaka?

EZAYI 1:16

Bunam, zuɓaka dili kumoy avra. Gwat malambaˀ kumoyo, zuɓaka taŋ ti mihiri ɗu avra, pulaka gi gwat malambaˀa.

DIMISEY 51:7

Pura, a yikiy cak ar gi gwat malambaˀa, ya guzluv ar mungra, diga ya misi a kwacay maha.

DIMISEY 51:2

A ɓi ɓi ngi mijiviɗ Nataŋ mira pura Davit, a dirba Davit vuna migam madama ati Batseba.

DIMISEY 36:2

Mingiɓi malambaˀ ngi mbur misi moˀore, ara so keŋ a hirnga ɗu, avu naŋ na, ɓi ngi zluwun ti Buymisemuŋ anta.

ƁIMUNJUYO 1:5

Waɗ tivu Yesu Kristu, mbur migi sedewo mikaslsla, modogom mislikiɗ dumbuŋ ti wuzla mumucahay, yo Buy miwi buy madiɗa ngi ruwuyoy. Kristu ara wuɗ ndra, a tuɓo ndra le tivu mungra ndraˀahaya ti pumbus naŋ.

Ɗerewol JOP 33:9

«Ya manja dili, mungra anta avu ya ta, ya kaslsla, cimak ar ɓi malambaˀa.

MIGI KIITAHAY 17:13

Akẽh Mika a ɓi: «Wurenna, i si na le gisiŋ Bumbulvuŋ a sa giy mezle, asi mbur levi hana mitiri masay ɗu migi mikuli na.»

MIGI KIITAHAY 17:5

Dambalaka mbur Mika nah vuna, naŋ da ti kuli ɗugur kaˀ a haya. A ɓi ɓa a tufakaŋ jampa waɗ a ɗiyakaŋ kuli memeɗe naŋhaya ma. Dar a ga mezegwel ngi vula slra da pal asi ziri naŋ mizileheye, a tiri di masay naŋ.

Ɗerewol OZE 12:9

Joˀ Efrayimey a ɓam: «I gi zlili le si, i lum zlili le, ko anta sa lumam mungra neˀ le ar gwat ngi gi ɗu ta.»