MIKUCUWULOY 3:7 - Bible en langue guiziga

⁷ Mapura vu ɗike ki mbur misi sinmijileŋ na, i ka tehhe a muŋ ta, zuwen zluwun ti Bumbulvuŋ, mbiɗa duba da ɓi malambaˀa jaka.

MIKUCUWULOY 3:7 ပူးပေါင်းရင်းမြစ်များ

SAMUYEL MUCUW NAŊ 12:20

Akẽh na, Davit a slikiɗ ti ruwuyo, a bun, a pi urdi avu vu, a mbiɗa zanahaya, yo a ci ng'ar hay ngi Buymisemuŋ, a tumbulo Buymisemuŋ. Naŋ mumo ngi hay naŋ na, a cufuɗ ɓa a vulakaŋ ɗaf, a zum ɗafa.

NEHEMI 5:15

Buy miwi lihey dumbuŋ ar ya na, a guzuvuraka sukwi Yudeheye le. Mbak suloy kukur mufaɗ taŋ mawurkaka na le ma na, hin gar na, a cufuɗaka taŋ ɓa a vulaka taŋ gwat ngi zum ati gwat ngi si ma gar. Ko gawla taŋhay kwana, a zumam buy le ar sukwi Yudeheye. Amma ya, yi ga kaɓa taŋ na ta, asi yi ra zluwun ti Buymisemuŋ.

Ɗerewol JOP 1:1

Mbur ada asi ruwuy Us, a zilaka Jop. I mbur mikaslsla, miteŋteŋ, a zluwun ti Buymisemuŋ, a kirih kileŋ avu gwat malambaˀa.

Ɗerewol JOP 28:28

Dar a ɓa mburo: «Sinmijileŋ i zluwun ti ya Bumbulvuŋ. Lesle kwana, i kirih kileŋ avu gi malambaˀa!»

BI NGI ISRAYELEY 20:20

Moyis a ɓa mizli: «Ki zluwunam ta! Buymisemuŋ muso ng'avu kum na, ɓa a ci a kwacay kum, a wuɗ ɓa ki sinakaŋ, naŋ i mbur madiɗaŋ, yo ɓa ki gam mungra ta.»

MIKUCUWULOY 14:16

Mbur misi sinmijileŋ a zluwun ti gi malambaˀa, a mbiɗaŋ duba, amma gilawa, a ga kutumo si, asi a ɗuva wuluko le taˀ, naŋ kuy.

MIKUCUWULOY 14:27

Zluwun ti Bumbulvuŋ i miviɗiviɗi ngi siifa! A kiraha mburo kileŋ avu mazaɓ ngi muco.

MIKUCUWULOY 16:6

Da ji ngama ada, gi teŋteŋ ada na, naɓa wereke ada ya, yo da mbur ara zluwun ti Bumbulvuŋ na, a mbiɗa duba da malambaˀa.

MIKUCUWULOY 23:4

Ki gir vu ɗik ngi luuma zlili ta, pula ɓi ngi wuluk angi zlili.

MIKUCUWULOY 26:12

Mbur mapura vu naŋ ka naŋ ti sinmijileŋ na, keɗ keɗ na, zuwen njaha hiri haɗa asi mbur gilawa, a funa le.

MIKUCUWULOY 26:5

Mbiɗa mi da gilawa weˀe avu gilaw naŋ vuna, vur naŋ masa pura vu naŋ kaɓa naŋ ti sinmijileŋ.

MIKUCUWULOY 28:11

Mbur misi zlili na, a pura vu naŋ ka mbur misi sinmijileŋ, amma mbur misi murga misi lesl na, a ci a kwacay naŋ gu.

MIKUCUWULOY 28:26

Mbur mapula vu naŋ mbak da mevele tehhe na, i gilaw, amma mbur maga gwat ti sinmijileŋ na, ko gwat masa gaŋ anta.

MIKUCUWULOY 8:13

Zluwun ti Bumbulvuŋ na, i hirsa gi malambaˀa. Huhumo vu, njuro vu, jiviɗ ngi gi malambaˀ ati ɓi ɓi muslurkoɗ gar na, yi pura taŋ hiris le.

TILA MI 12:13

Mingiɓi gar na, a kiɗ mi le, n'ani: Zluwun ti Buymisemuŋ, ɓimuɗuva naŋhaya, ja taŋ a hirnga, asi gwat mizlir ngi gi ngi mbur gar na, i nah.

EZAYI 5:21

Mizli mapuraka vu taŋ kaɓa taŋ ti sinmijileŋ, yo mawulkam kaɓa taŋ ti lesl haɗa na, kay, taŋ ar bonoy.

ROMAHAY 11:25

Sukum ɗuwoy, ɓi mikaslsla muɗum zleˀe ani, ya mawuɗ i bugukum di ɓa ki sinakaŋ, vur kum masa puraka vu kum kaɓa i misi sinmijileŋhey. Mizli mekelemey cah a wuzla Israyeleye, hirnga taŋ gidaŋ, amma a zik hã da Buymisemuŋ milaha sukwi ngi mizli mekelemeye le gar.

ROMAHAY 12:16

Nguɓam ˀay kuy kuy ar wala kumo. Anja ki huhumom vu kum ta, ko gwat ngi gi mupuɗaw ta kwana, tiɓaka, gaka si. Anja ki gam kaɓa kum i misi si na mijileŋhey ta.