MIKUCUWULOY 27:8 - Bible en langue guiziga

⁸ Mbur maru ti liˀi kiŋkiŋ kileŋ avu hirwuy naŋ na, naŋ kaɓa mecẽecet maliˀi kileŋ avu hay naŋ.

MIKUCUWULOY 27:8 ပူးပေါင်းရင်းမြစ်များ

ZLI VIRZI 21:14

Abraham a slikiɗ cẽẽt, a hil ɗaf waɗ yam zlor zlor ar kwenekwene, a vula taŋ da Agara, a lupaŋ mangala lup nga duba, a ɓulaŋ. Agar a ru, ara liˀi kiŋkiŋ a wuzlaɓuh mikirɗak kirɗak ngi Berseba.

ZLI VIRZI 4:16

Dar Kayẽ a cuh kileŋ a mihiri ngi Buymisemuŋ, ara cifi a hirwuy Nodi, kini tisi pas ngi miprik ngi guva ngi Eden.

BUYOY MUDUMBUŊ NAŊ 11:22

Buy madiɗa ngi Ezipte a cufuɗaŋ: «Ki pur jiviɗ gurjik kine ɓa ki mi le ng'asi ruwuy ɗik na, ka misi avu ya aka na, gwat mukicuw ada kwa mbrike?» Genubat a ɓaŋ: «Ko gwat mikiciy neˀ anta, amma puliy i mi le ng'asi ruwuy ɗu si.»

BUYOY MUDUMBUŊ NAŊ 19:9

Eli mindil a muwã Horep tuwa na, a ci ng'ar butum, a hin a diga. Bumbulvuŋ a ɓaŋ: «Ki gi mi aka ka Eli?»

MIKUCUWULOY 21:16

Ko wa gar mabuˀ avu jiviɗ mezle na, a sa ra hin a wuzla mizli mumucahay.

MIKUCUWULOY 26:2

Nisa vu migbiŋ ngatara kine na, anta ja mburo ta, kaɓa mecẽecet ati mezlezleŋ ngi pilis makam makapal na ya.

MIKUCUWULOY 27:7

Mbur mimbi le na, a pura mam mumuɗa wureˀ aruŋ hiris le, amma mbur may majaŋ na, gwat miɗalaka, a pura deɗek.

EZAYI 16:2

Ngwas Moˀapay a ndiram ar li tuwuɗa mizaw Arnoŋ kaɓa ɗiyuwoy makilam aka aka, asi a ɓulaka taŋ le tir hay taŋhaya.

ZONAS 1:3

Amma Zonas a slikiɗ nga naŋ, ɓa a kil nga Tarsis, kileŋ avu Bumbulvuŋ. A pi sar nga Zafa, a lum palalam a diga maru nga Tarsis. A wurka dala ngi palalama, a ci asi migi slra ngir palalamaya, ɓa aru nga Tarsis, kileŋ avu Bumbulvuŋ.

KORENTIHEY MUDUMBUŊ 7:20

Anja ko wa gar a ndir nga naŋ nga naŋ ar li naŋ Buymisemuŋ muzulo di ti ra.

ZUDE 1:13

Gi gwat taŋ ngi mesem na, a vunohoko di kaɓa diɓel ngi yam mangi a mizaw, mago mongofok jiv jiv, taŋ kaɓa wurzlaŋ ngi muŋhoy mizizam le. Buymisemuŋ a ɗiya taŋ li le angi luvuŋ titra mukuy ta wãˀ.

SAMUYEL MUDUMBUŊ NAŊ 22:5

Amma mijiviɗ Gad a ɓa Davite: «Ki ndir ar li ɗum ta. Mi nga hirwuy Zuda.» Davit a bi, aru ng'ar ɓuh mikip ngi Heret.