MIKUCUWULOY 27:18 - Bible en langue guiziga

¹⁸ Mbur makilaha uruf naŋ na, a sa zum yi naŋ, yo mbur maki slimiɗ ar buy naŋ na, a sa ɗuvakaŋ hirnga.

MIKUCUWULOY 27:18 ပူးပေါင်းရင်းမြစ်များ

BUYOY MUCUW NAŊ 18:31

Buy Asiri a ɓukum, anja ki cinaka mingiɓi ngi Ezekiyasa ta. Zuwen jam ngama ati ya, yo soko ng'avi ya jaka. Kanah na, naɓa ko wa gar ar wala kumo a sa lum zuma yi ngi widis ngi gudubun naŋ ati yi ngi ˀuruf naŋ gu, yo a sa si yam ngir vigiɗ ngi yam naŋ gu.

BUYOY MUCUW NAŊ 3:11

Akẽh na, Zozafat a ɓi: «Mijiviɗ ngi Buymisemuŋ anta aka takwa? Anja ɓa zliv i ra cufuɗaka Buymisemuŋ ava.» Mbur purla a wuzla gawla ngi buy Israyel a mbiɗaŋ di: «Mbur ada aka, i Elize, mangal ngi Safat, i gawla ngi si mevel ngi Eli zleˀe.»

BUYOY MUCUW NAŊ 5:25

A dirba nah na, Gehazi a mi nga mbuŋ buy naŋ Elize. Elize a cufuɗaŋ: «Gehazi, ki ro zleˀe a maka?» Gehazi a mbiɗaŋ di: «Ya gawla ɗike, ko yi zuɓ sar paɗ le ng'ar li ta.»

BUYOY MUCUW NAŊ 5:27

Asi ka miga gwat hana na, sey kukula ngi Naˀaman na a tuɓuw, yo a tiɓa dideˀ ɗikeye gar hã ngi sete.» Ɓa hã Gehazi misa pula Elize tikeˀe na, naɓa a ngil kukula le si, a tiri babara ndazl kaɓa yam.

ESTER 6:11

Haman ara zuɓo zana, a jo pilise so. A ka zana da Mardoke, a zuɓaŋ ng'ar pilise, a liˀi di ar jiviɗ madiɗa ngir walahaya bal ti tila mi a mbuŋ naŋ: «Mbur, buy muwuɗ le ɓa a ɗuvaŋ hirnga na, a gakaŋ kahana.»

DIMISEY 123:2

Haˀaw, i roko hiri taˀ ng'avi ka, Bumbulvuŋ, Buymisemuŋ ndra, ɓa ki pura ndrˀircece, kaɓa bekehey muroko hiri taˀ ngi kutuko gwat avu buy taŋhay, kaɓa ngwas migi slra, muro hiri taˀ avu buy naŋ ngwasa.

BI NGI ISRAYELEY 24:13

Moyis a jiɗam nga muwã ngi Buymisemuŋ ati gawla naŋ Zozuwe.

MIKUCUWULOY 17:2

Gawla ngi hay misi lesle, a funa mangal ngi hay magi gwat ngi pi meseme le, yo gawla nah, a sa zumaka haya jom ati mizli sukumuŋhoyo.

MIKUCUWULOY 22:29

Mbur maga slra naŋ kuy kuy na, ki pur le ɗaˀ kwa? Ko a mbuŋ buyoy kwana, naŋ a cici gu, naŋ anta sa cici a wuzla manja sineye ta.

MIKUCUWULOY 27:17

Ɓiri a mbus ɓiri cil naŋ, yo mburo kwana, i jum ati cil naŋ maɗiyaŋ.

MIKUCUWULOY 27:19

Yam i dorogal ngi pura hiri ngi mbur, mevel ngi mburo kwana, i ngi pura hur ngi mbur aya.

DIMIS MIMEZLE 8:12

Guva ngi gudubun inga ya ɗu. Ka Salomoŋ, suloy gabal purla na, da ka, amma suloy skat cuwo ani, da mijigina guvahay.

EZAYI 36:16

Ki cinaka mi da Ezekiyasa ta, asi buy Asiri a ɓi na: jam ngama ti ya, vulaka vu kumo da ya, ɓa mbur gar a sa zum yi ngi gudubun nga naŋ, ngi uruf nga naŋ, waɗ a sa si yam ngir futuŋ naŋ.

Matiye 24:25

Ani yi ɓukum di le daf dumbuŋ.

Matiye 24:46

Da buy naŋ a so luuma le, ara ga na, a mumul!

Mark 10:43

Amma a wuzla kumo, kanah ta. Da mbur a wuzla kumo, a wuɗ le ɓa a tiri madiɗa na, anja a tiri gawla kum jak.

Ɓimezle ngi Yesu Kristu LUK mitil di mi 12:37

Gawla tayna, da buy taŋ a ndilo le, a sa luuma taŋ le titiri na, a mumulom! Gisiŋ, yi ɓukum na: A sa ka zana ngi slra, a sa cifa taŋ jojoˀ ngi zuma gwat, joˀ naŋ a so taŋ ti gwat ngi zumo.

Ɓimezle ngi Yesu Kristu LUK mitil di mi 12:42

Buy Yesu a ɓaŋ: «Gawla miteŋteŋ misi lesl i wana ska? I mbur, buy ngi hay masa pula hay naŋ gar asi haŋ naŋ, ɓa a wunka dawa da mizli ngi hayaya kaslsla angi pas taŋ muwuɗam le gar.

Ɓimezle ngi Yesu Kristu LUK mitil di mi 19:17

Buy a ɓaŋ: ‹Naŋ kuy, gawla mezle. Ki gi slra mikaslsla le ti gwat mineˀkini, zum buy ar walahay kuruˀu.›

Ɓimezle ngi Yesu Kristu ZAŊ mitil di mi 12:26

Da mbur a wuɗ le ɓa a gi gawla ɗu na, anja a sipiy, yo ar li ya misi anga na, gawla ɗu a sa ndir anga ya. Da mbur ara gi gawla ɗu na, Baha a sa ɗuvaŋ hirngaŋ.

SLRA 10:7

A dirba modro miɓaŋ ɓi tuwa, mucuh si na, Korney a zilo mizli cuw a wuzla gawla naŋhay waɗ soje naŋ pal, miteŋteŋ, mizik le ava.

KORENTIHEY MUDUMBUŊ 3:8

Mbur mahirvi ati mbur mapi yam aseˀeŋ, taŋ rak raka. Mbur gar a sa luuma migir naŋ weˀe avu slra naŋ migaŋ.

KORENTIHEY MUDUMBUŊ 9:13

Mizli magam slra ar hay ngi Bumbulvuŋ na, a lumam gwat ngi zum taŋ ara. Yo mizli magam mikuli ar li ngi gi mikuli a mbuŋ Buymisemuŋ kwana, a lumam mi nga taŋ angi useˀ nah vuna ya na, ki sinaka ta kwa?

KORENTIHEY MUDUMBUŊ 9:7

Mbur magi slra ngi soje, ɓa a zum ti hirnga naŋ tehhe a muŋ ta na, ada kwa? Mbur mahirvi gudubun manja a zum yi naŋ na, ada kwa? Malla, mbur majigin ginew manja a si ɗuwa naŋ na, ada kwa?

KOLOSOY 3:22

Kum bekehey, cinam mi ar gwat gar da buy kumoy misi a ruwuy aka. Gaka taŋ slra, anta asi ara juɗukum ta, anta kaɓa ki gam di i gwat ngi cira hiri da mizli ta. Amma gaka ti mevel mezle ngi mizli muzluwun ti Buymisemuŋhoy.

TIMOTE MUCUW NAŊ 2:6

Mbur muhuf migir le kupuyah ti slra naŋ kwana, masa luuma migir ngi migama dumbuŋ i naŋ kwaɗay.

PIYER MUDUMBUŊ NAŊ 2:18

Kum migi slrahay, hinam hirnga a mbuŋ buy kumoyo ti cine taŋ mi kuy kuy wãˀ. Anta da buy kum mezlehey ati miteˀ teˀhey tew ta, amma ko da mukuwahaya ma.

PIYER MUDUMBUŊ NAŊ 2:21

Buymisemuŋ muzulukum na vurˀe. Asi mike na, Kristu a si bonoy le vur kum, a bugukum di i jiviɗ ɓa ki sipaka sar naŋ ya.

SAMUYEL MUDUMBUŊ NAŊ 2:30

Vurˀe, ya Bumbulvuŋ Buymisemuŋ, ngi Israyel a ɓi na, yi ɓuw le zleˀeŋ: «Hay ɗik ati hay ngi dideˀ ɗike, kisa ndiram kum i masayay a mbuŋ ɗu, hã ngi sete. Ani wurenna i ɓuw na, a gi kanah mata. Asi, yi ɗuva hirnga da mizli maduvikiy hirnga, amma mizli mahirsikiy na, a sa hirsaka taŋ ya.