MIKUCUWULOY 24:1 - Bible en langue guiziga

¹ Ki gi suloŋ ti mizli misi moˀoreheye ta, ki hĩyã jum ati taŋ ta.

MIKUCUWULOY 24:1 ပူးပေါင်းရင်းမြစ်များ

DIMISEY 1:1

Mamumulo, i mbur masipa ɓi ngi mizli misi moˀorehey ta, macici zar avu jiviɗ ngi mizli migi malambaˀhay, yo mizli masingiram angi Buymisemuŋ na, a cifi a wuzla taŋ ta.

DIMISEY 26:9

Ki gi ti yakaɓa ka magi ti migi malambaˀhay na ta, ki kiɗiy vagay jom ati migi mungra madiɗahay na ta.

DIMISEY 37:1

Dimis ngi wuzla dimis ngi Davitey. Ki ji mevel angi mbur misi moˀore ta, ki gi suloŋ ti mbur migi gwat malambaˀa ta.

DIMISEY 37:7

Cifi teˀ teˀ a mbuŋ Bumbulvuŋ, ɗuva wuluko taˀ angaŋ. Mbur migi gwat le gu na, ki gi fõh fõh anga ta, mbur magi gwat ti wer na, ki gi fõh fõh anga ta.

MIKUCUWULOY 13:20

Mbur malaˀam ati misi sinmijileŋhey na, a sa lum sinmijileŋ, yo mbur malaˀam ati gilaway kwana, a saŋ ti mendere.

MIKUCUWULOY 23:17

A kwacay ɗike, anja ki gi suloŋ ti migi mungraˀahaya ta, amma ar ka mavi hiipas gar na, zluwun ti Bumbulvuŋ.

MIKUCUWULOY 24:19

Ki ji mevel ar migi gwat malambaˀhaya ta, ki gi suloŋ ti misi moˀoreheye ta.

MIKUCUWULOY 3:31

Ki gi suloŋ ti mbur misi moˀore ta, ko ki sipa jiviɗ naŋ neˀ le ta.

MIKUCUWULOY 4:14

Ki ci sar kulaˀ le ar jiviɗ ngi misi moˀoreheye ta, ki sipa sar ngi migi gwat malambaˀahaya ta.

MIKUCUWULOY 4:15

Pula jiviɗ taŋ mbak ti mi teˀ teˀe, ki cuh ti raˀa ta, mbiɗi duba, cuh tir li mekelem.