MIKUCUWULOY 22:4 - Bible en langue guiziga

⁴ Mbur mahin hirnga na, i mbur mazluwun ti Bumbulvuŋ, migir naŋ i zlili, ɗuva hirnga waɗ siifa.

MIKUCUWULOY 22:4 ပူးပေါင်းရင်းမြစ်များ

MIKUCUWULOY 19:23

Zluwun ti Bumbulvuŋ, aru ti mburo ng'ar siifa, yo mbur a mbi, a gi hin mbeˀmbeˀ, ko hiryi anta.

MIKUCUWULOY 21:20

A hay mbur misi sinmijileŋ, zlili mupuɗaw ati lum ada, amma mbur gilawa, a kiɗa mi taŋ pay.

MIKUCUWULOY 21:21

Mbur masipi gi mezle ati gi teŋteŋ na, a lum siifa, gi jeŋŋe waɗ ɗuva hirnga.

MIKUCUWULOY 22:3

Mbur misi lesle, a pura mendere le ara ndilawa na, a ɗum, amma manja si na ɓiheye, a cohom a cikeˀe, a sam bonoy.

MIKUCUWULOY 22:5

Jiviɗ ngi mbur musloh sloh na, hadaw ati mazaɓ saɓaɓa anga, mbur muwuɗ jigina siifa naŋ le na, a kirih kileŋ ava.

MIKUCUWULOY 29:23

Huhumo vu a hin ˀay da mbur, amma wuluk ngi hina hirnga na, a cika hirnga da mburo.

MIKUCUWULOY 3:16

A jina mburo ɓa a ndir hutuŋ subur, yo a gaŋ zlili, a gaŋ ɗongor.

MIKUCUWULOY 31:30

Gi mezle a gi gilaw, kuy ngi hiri anta zik ta, amma ngwas muzluwun ti Bumbulvuŋ na, ngi hunumo i naŋ pal naŋ.

EZAYI 33:6

Kum mizli ngi Buymisemuŋhoy, kisa cifam setette. Sinmijileŋ ati si na Buymisemuŋ, i kum milaham wãˀ na. Yo zluwun ti Bumbulvuŋ, zlili kum i nah.

EZAYI 57:15

Ya mbur madiɗa, mifineˀ gwatay gar, mandir ngi set, yo slimiɗ ɗu mipala, i ɓi na: «Ya Buymisemuŋ, mua muŋ, ya mipal, ya misi ati mizli muroko ar bonoy, waɗ misi membezleŋ ngi vu taŋ anta mata. I wuɗ i vula siifa da mizli misi membezleŋ ngi vu taŋ anta mata, waɗ da mizli muroko ar bonoyo.

Matiye 6:33

Zuwen kam slimiɗ ar Zumabuy ngi muŋ ati gwat mijeŋŋe Buymisemuŋ mawuɗo ɗagay. Gwat tayna gar, Buymisemuŋ a sa pukum di ameˀe ma.

TIMOTE MUDUMBUŊ NAŊ 4:8

Asi mike na, sirka dumvu ti gi gwat na, naŋ kuy vur gwat neˀkini si. Amma sipa jiviɗ ngi Buymisemuŋ na, naŋ kuy vur gwat gar, asi a biga ndra ɓi miɓa ɗaˀ le ngi luuma siifa wurenna waɗ nga mbuŋ ma.

Ɗerewol ZAK 4:10

Hinam hirnga a mbuŋ Bumbulvuŋ, ɓa a sa gukum ɗongor.

Ɗerewol ZAK 4:6

Amma Buymisemuŋ ara ga ndra mezle haɗa ava ma jaka. Vurˀe, Ɓimutoho a ɓi na: «Buymisemuŋ a sli himaˀ avu mizli muhuhumvuhoyo, amma a ga mezle da mizli mahinam hirngahaya.»