MIKUCUWULOY 2:9 - Bible en langue guiziga

⁹ Akẽh so na, kisa sla wala ngi ɓi mijeŋŋe, ɓi mizlir le ati ɓi mikaslsla: i jiviɗ maru ti mbur ng'ar wuya.

MIKUCUWULOY 2:9 ပူးပေါင်းရင်းမြစ်များ

DIMISEY 119:105

Mingiɓi ɗike, i daliivu a mbuŋ ɗu, i li minjahha ar jiviɗ ya maru.

DIMISEY 119:99

Yi dubun le fineˀ metir ɗuwoyo, asi i ra wuluk ar ɓimuɗuva ɗike.

DIMISEY 25:12

Da mbur ara zluwun ti Bumbulvuŋ na, Bumbulvuŋ a bigaŋ jiviɗ ngi zuɓo.

DIMISEY 32:8

Bumbulvuŋ a ɓi: «I dubunuw gwata, i buguw jiviɗ ɓa ki sipa, yo i vuluw kuti jom ti ki slimiɗ ar ka.»

MIKUCUWULOY 28:5

Gwat mizlir le na, mizli malambaˀ hay anta slaka wala nah neˀ ta, amma mizli masipaka Bumbulvuŋ na, a slaka wala ngi gwat gar.

MIKUCUWULOY 4:12

Kanah na, kisa ru nga mbuŋ gu, ko gwat masa guw ngaˀ anta, yo kisa kil kpaŋ kpaŋ, ko gwat mabuw sar anta.

MIKUCUWULOY 4:18

Amma jiviɗ ngi mizli mijeŋŋeheye, naŋ njahha ka li mawun, a gi njahha ti vendeke, hã wuzla papasa.

MIKUCUWULOY 8:20

Yi zuɓ di i jiviɗ maru ng'ar ɓi mijeŋŋe, ya ar jiviɗ maru ng'ar ɓi mikaslsla.

EZAYI 35:8

Ar li nana, a sa kam jiviɗi, a sa zilaka ‹jiviɗ mubaˀ pal›. Mbur misi dili anta sa ru ti raˀa ta asi i Bumbulvuŋ vuna ti haŋ naŋ masa ka mbuŋ, mizli manja lesley anta sa zizoko hirnga ng'ara ta.

EZAYI 48:17

Ya Bumbulvuŋ, mimbiɗi hirnga kum, ya Buymisemuŋ mipal ngi Israyele, i ɓukum na: «Bumbulvuŋ Buymisemuŋ kumo i ya. I ya madubunukum gwat mupuɗaw vur kumo, i ya makusukum a jiviɗ kum marama.

ZEREMI 6:16

Bumbulvuŋ a ɓi na: Kum mira ram ar buwal na, cicam, wulkam kwaɗay, cufuɗam vu ar ɓi ngi jiviɗ kum misi zleˀe. Ɓam: Jiviɗ mezle ngi sipi i wanaka? Dar ki ram ti raˀa so, naɓa kisa lumam musuka vu vur siifa kumo. Amma taŋ a mbiɗaka: «Ndr'anta ram ti raˀa ta!»

Ɓimezle ngi Yesu Kristu ZAŊ mitil di mi 14:6

Yesu a ɓaŋ: «Yi jiviɗ, yi ɓi mikaslsla, yo yi siifa. Ko mbur maru ng'avi Baha gu anta, sey a bi ti vi ya.