MIKUCUWULOY 2:6 - Bible en langue guiziga

⁶ Asi mavula sinmijileŋ i Bumbulvuŋ, yo sin ati sli wala ngi ɓi, a boko ti balam naŋ.

MIKUCUWULOY 2:6 ပူးပေါင်းရင်းမြစ်များ

Ɗerewol ZAK 1:5

Amma da mbur a wuzla kumo, sinmijileŋ a kicaŋ le na, anja a cufuɗ avu Buymisemuŋ masa vulaŋ di. Asi Buymisemuŋ a vul gwat da mizli gar ti gula ti hazum, manja mbiɗi hirnga.

DIMISEY 119:98

Ɓimuɗuva ɗike, a tiri ti ya misi sinmijileŋ, fineˀ mesene ɗuwoyo, i gi di nga ya le, hã ngi sete.

Ɗerewol JOP 32:8

Dambalaka na, mburo, magaŋ ɓa a ndir ti lesl na, i musuwun misi a hur naŋ, i ˀUf ngi Misi Gidaŋ wãˀ.

Ɓimezle ngi Yesu Kristu LUK mitil di mi 21:15

Asi ya, i sa vulukum mingiɓi ati sinmijileŋ, ɓa ko mesene kum pal masa ngilukum mi malla masa mbuɗukum mi gu anta.

EZAYI 54:13

Ziri ɗik mizilehey gar a sa tiram gawla nga ya Bumbulvuŋ, yo a sa ndiram zuy zuy wãˀ.

Ɓimezle ngi Yesu Kristu ZAŊ mitil di mi 6:45

Mijiviɗey a tohoko zleˀe, a ɓam na: Taŋ gar a sa dubunam avu Buymisemuŋ. Ko wa gar micin mingiɓi ngi Baha le, mitiɓa ɓi nah le na, a so ng'avi ya.

BUYOY MUDUMBUŊ NAŊ 3:12

Vurˀe, weˀ avu cufuɗ ɗik na, y'ani vuluw sinmijileŋ ati lesl ngi sli wala ngi ɓi, ko mbur mulum kanah dumbuŋ ar ka, malla masa lum a dirba ɗike, anta.

Ɗerewol ZAK 1:17

Gwat ngi vul mupuɗaw puɗaway ati gwat ngi vul ngatara mikaslsla wãˀ gar na, a poko sar paɗ ti muŋ, tivu Buymisemuŋ, buy ngi gwat mupusluɗa lihey. Naŋ, naŋ anta mbiɗi ta, naŋ anta wus ta, yo naŋ anta gi luvuŋ ta.

DIMISEY 119:104

Ya masla wala ngi ɓi na, mbele ya masipa gwat ka mawuɗ na, yo ya mahirsa ɓi ngi slir gar na, vurˀe ma.

DANIYEL 2:23

Buymisemuŋ ngi dideˀ ɗuwoy, i guw dudok, yo i hunumuw, asi ki vuliy sinmijileŋ le waɗ gidaŋ. Wurenna, gwat ndra mucufuɗaka na, ki bigiy di le, ti ka minjika ndra gwat maga weleleˀ da buy na.»

DANIYEL 1:17

Gawla mumufaɗ tayna tuwa, Buymisemuŋ a vula taŋ sin ngi gi gwat ati sin ar mingiɓi waɗ ar sinmijileŋ. Daniyele, a sla wala ngi gwat gar, gwat mupura ti kleŋ ati musuwuno gu.

EZAYI 8:20

kisa mbiɗaka taŋ di: «Moko ng'ar dubun ati mingiɓi ngi Bumbulvuŋ.» Da a cinaka mingiɓi hana ta na, li anta sa wun ti taŋ ta.

DANIYEL 2:21

I naŋ mambuɗa hiney ati gwat ngi giheye, i naŋ maputukuso buyoyo, i naŋ maca buyoyo, a vul sinmijileŋ da misi sinmijileŋhey, yo a vul sli wala ngi gwat da misina sli wala ngi gwatay.

MIKUCUWULOY 6:23

Asi ɓi maɓukuw di ɗaˀ le na, naŋ ka lampe, yo ɓi madubunukuw di na, i li minjahha, mbur madubunuw gwat ti lesl mijileŋ na, a buguw di i jiviɗ ng'ar siifa.

BUYOY MUDUMBUŊ NAŊ 3:9

Ambuh! Bumbulvuŋ, vuliy lesl mezle da ya gawla ɗike, ɓa ngi zumabuy ar mizli ɗikey, yo ɓa ngi sla wala ngi mezle ati malambaˀa. Da kanah ta na, i wa mazum buy gu ar mizli ɗikey mupuɗaw hanayna ka?»

BI NGI ISRAYELEY 31:3

I nahaŋ le ti ˀUf ɗu, ɓa a tiri misi sinmijileŋ, yo misi lesle. A si na ɗiya gwataya le gar ti jiviɗ naŋ ti jiviɗ naŋ.

ƁI NGI HIN GAR MUDUMBUŊ NAŊ 22:12

Bumbulvuŋ masa cifuw buy ngi Israyel na, anja a vuluw sli wala ngi gwat ati lesl, ɓa ki ja ɓimujuwa ngi Bumbulvuŋ Buymisemuŋ ɗik a hirnga.

NEHEMI 7:5

Akẽh na, Buymisemuŋ ɗu a ciy wuluk keŋ a hirnga ɓa i kuso mizli madiɗa ngi buyoy ati buyoyo waɗ mizli mekelemey gar, ɓa ngi toho slimiɗ ngi mizli gar. I luuma ɗerewol mutohoko slimiɗ ngi mizli dumbuŋ zleˀe mumoko tir li mihilaka taŋ nga diga na. Yo ar ɗerewol nah na, a tohoko mingiɓi ani:

Ɗerewol JOP 22:22

Tuɓa gwat naŋ madubunuw di ti haŋ naŋ na, yo ja mingiɓi naŋ na a mevel ɗike.

DIMISEY 51:6

I guw mungra le, i guw di da ka pal ɗike, gwat ka mapura kuy ta na, i ga le si, vurˀe, ka mira ɓa ɓi na, naŋ jeŋŋe, ka mira ga kiita na, mbur a mbuɗuw hirnga ta.

TILA MI 2:26

Haˀaw, mbur Buymisemuŋ mupura le kuy avu hiri na, a vulaŋ sinmijileŋ, si na gi gwat ati mumul, amma mbur gilaw na, a pulaŋ a gi welele ngi cikila gwat ati ngi kuso gwat, ɓa ngi vul da mbur Buymisemuŋ mapura kuy avu hiri tuwa. Nah gar kwana, a cuh ka cunju lambaˀ, yo i himiɗ ngataraŋ.

BUYOY MUDUMBUŊ NAŊ 10:24

Hirwuy gar ara so ng'avi Salomoŋ, ɓa ngi cine mingiɓi ngi sinmijileŋ, Bumbulvuŋ muvulaŋ di a mevele naŋ na.

ESDRAS 7:25

Ka so na Esdras, wini buyoy ati migi kiitahay ti sinmijileŋ ngi Buymisemuŋ ɗik misi angi ɗerewol mikaw asi haŋ ɗik na, ɓa a gaka kiita da mizli gar misi tisi pas ngi pastaˀ ngi Efrata, mizli misinaka ɓimujuwa taˀ gar ngi Buymisemuŋ ɗike le, yo mizli misinaka ta kwana, kisa dubunaka taŋ di.

Ɗerewol JOP 12:13

Dambalaka na, sinmijileŋ ati gidaŋ, taŋ avu Buymisemuŋ, kuti waɗ lesle, taŋ avu naŋ ma.

Ɗerewol JOP 12:16

Gidaŋ ati si na gi gwata, taŋ avu naŋ, mbur miziza le ati mbur miziza vu gar na, inga naŋhay.

DIMISEY 94:10

Mukuta sukwi mekelemey i naŋ, a kuti vu ti bonoyo gu ta kwa? I naŋ muvula sin naŋ da mburo,

DIMISEY 119:34

Tiri ti ya mbur misi lesle, ɓa i ja ɓimujuwa ɗik a hirnga, yo ɓa i ja ɓi nah ti mevel purla.