MIKUCUWULOY 17:7 - Bible en langue guiziga

⁷ Mingiɓi majini vu na, avu mbur gilawa, naŋ kuy ta, na mingiɓi ngi slire, mbur madiɗa ngi buyo, a pura kuy mbri jak ka?

MIKUCUWULOY 17:7 ပူးပေါင်းရင်းမြစ်များ

SAMUYEL MUCUW NAŊ 23:3

Buymisemuŋ ngi Israyel a ɓa le, yo Gidigil muwã ngi Israyel a njikiy di le, a ɓi: Mbur mazum buy ti cika hirnga da Buymisemuŋ na, kite, ara zum buy ar mizli ti jiviɗ naŋ jeŋŋe.

Ɗerewol JOP 34:12

Naŋ kanah gisiŋ, Buymisemuŋ anta ga gwata ti moˀore ta, ɓi mikaslsla na, Misi Gidaŋ wãˀa, naŋ anta ngila ɓi nah ta.

DIMISEY 31:18

Bumbulvuŋ ɗu, ya muziluw na, ki puliy mesem mesem ta! Amma anja misi moˀoreheye, a ndiram mesem mesem ɓula, yo a ndiram siriw ka mumucahay.

MIKUCUWULOY 12:19

Mbur maɓi ɓi kaslsla na, naŋ da ko ti vunaka gar, amma mbur misi moˀore, a zik kaɓa hiri kiɓic tewle.

MIKUCUWULOY 12:22

Irne maɓi ɓi ngi slir na, a ga Bumbulvuŋ kuyta wãˀ, a ngil wuy ti mizli magam slra ti ɓi mikaslsla.

MIKUCUWULOY 19:10

A tiɓaŋ ɓa mbur gilawa, a ndir ar wuya ta, mbur beke, ɓa a wa yarmahay na, gaˀ gaˀ le.

MIKUCUWULOY 24:7

Sinmijileŋ, naŋ kaɓa muwã musubur, gilaw a luuma gu ta, ar li ngila wuy ngi mizli gara, naŋ anta wuna mi gu ta.

MIKUCUWULOY 26:1

Gi dudok a zlir avu mbur gilawa ta, kaɓa yam mapo buk buk mizlir ti hin pas ta malla vuŋ ti sifi ta na ya.

MIKUCUWULOY 26:7

Mbur jegwere, sara galaɓ galaɓa, mikicuwulo, a balam gilawa kwana, naŋ kanah ya.

MIKUCUWULOY 29:12

Buyo, da ara ji lesl asi ɓi ngi slir wanaka gar na, naɓa gawla naŋhay gar, a sa tiram misi moˀorehey.

MIKUCUWULOY 6:17

Pura vu ɗik fineˀ mizli, irneˀ magi slir, pi pumbus ngi mbur migi gwat ta,

Matiye 7:5

Mbur miɓi mi cuw cuw, zuɓa mbal misi a hiri ɗik na ɗagay, ɓa kisa pur kweŋ kweŋ ngi zuɓa giziŋ meciɗek misi a hiri sukum ɗik na ya.