MIKUCUWULOY 15:9 - Bible en langue guiziga

⁹ Gi gwat ngi misi moˀoreheye, a ga Bumbulvuŋ kuyta wãˀ, amma a wuɗ di i mbur maɓi ɓi mijeŋŋe.

MIKUCUWULOY 15:9 ပူးပေါင်းရင်းမြစ်များ

DIMISEY 1:6

Asi Bumbulvuŋ a si na gi gwat ngi mizli mijeŋŋeheye le. Amma gi gwat ngi misi moˀoreheye, a zizi vu.

DIMISEY 139:24

Da ya ar jiviɗ nga zizi kwani, pura kuy kuy takwa, yo kisiy ng'ar jiviɗ ɗik mupurla misi zleˀe.

DIMISEY 5:5

Ka Bumbulvuŋ, k'antakaɓa kuli mahĩyã malambaˀ na ta, k'anta tiɓa mbur misi moˀore a hay ɗike ta.

MIKUCUWULOY 15:10

Mbur mapula jiviɗ mezle na, a kutakaŋ ti bonoy kuyta wãˀ, mbur mapura mbiɗi hirnga hiris le na, a sa mucu.

MIKUCUWULOY 21:21

Mbur masipi gi mezle ati gi teŋteŋ na, a lum siifa, gi jeŋŋe waɗ ɗuva hirnga.

MIKUCUWULOY 21:4

Pura vu hiris le ati wuluk ngi huhumo vu na, mabiga mbur misi moˀore i nah: nah gar i mungra.

MIKUCUWULOY 21:8

Gi gwat ngi mbur magi mungra madiɗa na, i jiviɗ musloh sloh, amma slra ngi mbur mijeŋŋe na, i jiviɗ micirre.

MIKUCUWULOY 4:19

Na jiviɗ ngi misi moˀoreheye, i luvuŋ timbiɗim, t'anta sinaka gwat masa ba taŋ sara ta.

MIKUCUWULOY 8:13

Zluwun ti Bumbulvuŋ na, i hirsa gi malambaˀa. Huhumo vu, njuro vu, jiviɗ ngi gi malambaˀ ati ɓi ɓi muslurkoɗ gar na, yi pura taŋ hiris le.

EZAYI 26:7

Buymisemuŋ, jiviɗ ngi mbur mijeŋŋe aru cirre, ki sinira jiviɗ micirre ngi mbur mijeŋŋe.

EZAYI 51:1

Ya Buymisemuŋ i ɓi na: «Kum mizli miteŋteŋ ɗuwoy, kum masipam jiviɗ ngi lih na, cinaka mingiɓi ɗu. Puraka mandazlay, ya mubuslokum ava na, yo poporo muwã, ya muɗuɗokum ti raˀa na.

EZAYI 51:7

Kum mizli misinaka ɓi mijeŋŋe le, yo kum mizli mijaka ɓimujuwa ɗu le a mevel kum na, cinaka mingiɓi ɗu ani. Ki zluwunam ti singir ngi mizli ar kum na ta, yo anja ko taŋ mazukum na, a hiryukum lesl ta.

ZEREMI 44:4

Yi slinukum gawla ɗu mijiviɗeye ko mbak le anta, ɓa a ɓukum na: ‹Gwat malambaˀ mukuy ta muwãˀ, ya mapura hiris le na, ki gaka ta!›

Ɗerewol OZE 6:3

Tumukum vu ngi si na Bumbulvuŋ, so naŋ na, i gisiŋ kaɓa pas mabo ti miprik priki, a sa so ng'avi ndra kaɓa vuŋ masawa, yo kaɓa vuŋ ngi dirba wãˀ magujaˀa li.»

HABAKUK 1:13

Pura hiri ɗike, malambaˀ anta ara ta, ki ɓusa pura malambaˀa gu ta, maguzuvraka mizli na, k'anta wuɗ pur naŋ ta, k'anta ngum pura bonoy ngi mizli ti hiri ta. Na, mitikina vuhoyo ki pura taŋ ti hiri na vur mike? Da mbur misi moˀore ara njirsla mbur mijeŋ fineˀ naŋ na, ka lek lek vur mike?

Matiye 7:13

«Cam tir mizlingre muɓucco! Asi mizlingre mifiw ati jiviɗ misliprike, aru ti mburo nga zizi. Mizli haɗa a zuɓam di i nah.

Slu cuw 7:13

A sa wuɗukum, a sa ɗuwulukum mi, a sa sukukum haɗa. Da kum mindilam le a hirwuy naŋ miɓa ti hudum da dideˀ kumoy, a sa vulukum di tuwa na, a sa ɗuwula mi da ziri kumoy, da gwat ngi migam kumoy, alkamari kumoy, mbaazla kumoy ati mal kumoyo. A sa ɗuwula mi da madiya sla ati madiya tumuŋ kumoyo, ɓa a sikam haɗa.

TIMOTE MUDUMBUŊ NAŊ 6:11

Amma ka, mbur ngi Buymisemuŋ, kil kileŋ avu gwat tayna. Pur jiviɗ ngi gi gwat mijeŋŋe, ngi sipi jiviɗ ngi Buymisemuŋ, ngi tiɓi, ngi wuɗavu, ngi cici zlak gidaŋ gidaŋ, ngi cifi teˀteˀe.

TIMOTE MUCUW NAŊ 2:22

Kil kileŋ avu may gwat ngi mbur zuŋ zuŋ aruŋ na. Pur jiviɗ ngi gi gwat mijeŋŋe, ngi tiɓi, ngi wuɗavu, ngi cifi zuy zuy ati mizli misi mevel mezlehey mazilaka slimiɗ ngi Bumbulvuŋ.