MIKUCUWULOY 15:11 - Bible en langue guiziga

¹¹ Li cifi ngi mizli mumucahay ati li mijileŋ ngi ruwuyo, taŋ a mbuŋ Bumbulvuŋ, na sokkota mevel ngi mizli titrahay jak kwa!

MIKUCUWULOY 15:11 ပူးပေါင်းရင်းမြစ်များ

ƁI NGI HINEY MUCUW NAŊ 6:30

ka na, Buymisemuŋ, cino di zle a muŋ, ar li cifi ɗik ka misi ara. Pula mungra ngi mbur gar, yo gi ti mburo gar weˀe avu gwat ngi gi naŋ, asi misina mevel ngi mbur gar na, i ka pal ɗiki, na zle, ki si na mevel ngi mizli le gar.

Ɗerewol JOP 26:6

Avu Buymisemuŋ, li cifi ngi mizli mumucahaya, naŋ ngurɗaɗ ar li babaraŋ, yo ko gwat mitikaŋ hiri ngi pura butum mijileŋhey anta.

DIMISEY 139:8

Da i jiɗ ng'ama muŋ, k'ada a diga! Da i hin nga wuzla mumucahay, k'ani!

DIMISEY 44:21

Ka Buymisemuŋ ndra na, da i puykom hirnga le zleˀe ti ka, yo da i ra cufuɗam jini zleˀe avu kulihey, mbak ka le na,

DIMISEY 7:9

Bumbulvuŋ a ga kiita da mizli ngi si ruwuyoy gar. Bumbulvuŋ, giy kiita ɗu weˀe avu gi gwat ɗu mijeŋŋe, yo avu ya mici ar ɓi ta na.

MIKUCUWULOY 15:10

Mbur mapula jiviɗ mezle na, a kutakaŋ ti bonoy kuyta wãˀ, mbur mapura mbiɗi hirnga hiris le na, a sa mucu.

MIKUCUWULOY 17:3

Ɓiri bara ati ɓiri tapasl tapasl, a paka taŋ ti pi ar vu, amma ɓi ngir mevele, mapura i Bumbulvuŋ.

MIKUCUWULOY 27:20

Li cifi ngi mizli mumucahay ati li mijileŋ ngi ruwuyo, t'anta mbam ta wãˀ, hiri ngi mburo kwana, anta mbi ti pura gwataya ta ya.

ZEREMI 17:10

Ya Bumbulvuŋ, i ɗumburo ɓi ngir wuluk ngi mburo, i pura mevel ngi mburo, i wurka mburo gar weˀe avu gwat ngi gi naŋ, yo weˀe avu migir ngi slra naŋ.

Ɓimezle ngi Yesu Kristu ZAŊ mitil di mi 21:17

A ɓaŋ sar mimakir naŋ ma: «Simoŋ, mangal ngi Zaŋ, k'ada wuɗiy kwa?» Yesu miɓa Piyere sar mimakir naŋ: «Kˀada wuɗiy kwa?» na, a gaŋ kuy ta, a slaŋ di, a ɓaŋ: «Buy, ki si na gwataya le gar, ki si na le, i ra wuɗuw ngbaŋ!» Joˀ Yesu a ɓaŋ: «Jigina tumuŋ ɗuwoy.

SLRA 1:24

Dar a zlaka diradibiɗ, a ɓam: «Bumbulvuuŋ, ka misina mevel ngi mizli gar. Biga ndra mbur ka muwuna a wuzla mizli mucuw hanayna,

HEBEREY 4:13

Ko gwat pal maɗum a mihiri ngi Buymisemuŋ gu, anta. Gwatay, naŋ miga taŋ gar na, taŋ ngurɗaɗ, cikislaɓ a mihiri naŋ. Gwat ndra migaka gar na, i sa slufaka da Buymisemuŋ cummo.

ƁIMUNJUYO 1:18

yo ya ti siifa. Yi muc le zleˀe, amma pura, y'ani ti siifa hã ngi sete. Lakle ngi muc ati ngi li cifi ngi mizli mumucahaya, naŋ asi haŋ ɗu.

ƁIMUNJUYO 2:23

I sa kiɗa zir naŋhaya vagay vagay, ɓa kahana na, cikil ngi misikristuhoy gar a sa sinaka, ya, yi misina wuluk ngi mizli ati gwat taŋ mawuɗam a mevel taŋ. Yo ko wa gar a wuzla kumo, yi sa vulaŋ migir naŋ weˀe avu slra naŋ.

ƁIMUNJUYO 9:11

Taŋ ti buy taŋ madiɗa, i modro ngi vigiɗ mijileŋ ngi ruwuy. Slimiɗ naŋ ti mi Hebere: «Abadoŋ», ti mi Greke: «Apoliyoŋ», mbiɗeˀvra: «Mingizla gwat.»

SAMUYEL MUDUMBUŊ NAŊ 16:7

Amma Buymisemuŋ a ɓa Samuyele na: «Ki pur di i mihiri naŋ ati gil naŋ ta, asi yi wini di i naŋ ta. Y'anta pura gwata kaɓa ngi mizli mapuraka ta. Mizli a puram di i gwat misi hiri taŋ mapuraŋ, amma ya, yi pur hã sesẽŋ a hur mevel.»