MIKUCUWULOY 13:7 - Bible en langue guiziga

⁷ Mbur mekeleme, a ga vu naŋ ka misi zlili, dambalaka gwat naŋ anta neˀ ta ngbaŋ, mbur numuŋ a ga vu naŋ ka misi murga, dambalaka naŋ ti zlili haɗa ngbaŋ.

MIKUCUWULOY 13:7 ပူးပေါင်းရင်းမြစ်များ

MIKUCUWULOY 11:24

Mbur mekelem a vul ti gula ti hazum, na a gi zlili ti vendeke jak, mbur numuŋ a kuso gwata hã fineˀ gidaŋ, na a gi murga ti vendeke jaka.

MIKUCUWULOY 12:9

Cifi ka mbur mupuɗaw, dambalaka gwat ngi zum kwana, a kicuw na, zuwen cifi ki mbur miweˀe ti gawla ɗik purla si, a funa le.

MIKUCUWULOY 13:11

Gi zlili a haŋhaŋ na, a kiɗ mi a haŋhaŋ ya, amma mbur magi zlili ti sekvu na, zlili naŋ a siki.

MIKUCUWULOY 13:8

Mambiɗa hirnga ngi mburo, i zlili naŋ, amma mbur misi murga, anta surokoŋ mi ta.

Ɓimezle ngi Yesu Kristu LUK mitil di mi 12:20

Amma Buymisemuŋ a ɓaŋ: ‹Gilaw lambaˀ! A sa zuɓaka siifa ɗike ar duvuɗ hana vuna si. Na, gwat ka mukuso taŋ hana, a sa ndir da waka?›»

Ɓimezle ngi Yesu Kristu LUK mitil di mi 12:21

Dar Yesu a kiɗa mi naŋ, a ɓa taŋ: «Mbur makuso zlili da hirnga naŋ, mbak gi zlili ngi Buymisemuŋ le na, a sa gi avaˀa kanah ya.»

Ɓimezle ngi Yesu Kristu LUK mitil di mi 12:33

Hiɗikaka gwat kumoy avra, vulaka dala nah da misi murgahay. Tufam birtete mangiram tahay, cikilam zlili mahiryi ta wãˀ a muŋ. Ko muhul a ndil a diga gu ta, ko tiler a hirya gu ta.

KORENTIHEY MUDUMBUŊ 4:8

Wuy ta na, ki mbam le si, ki gam zlili le si, kum i buyoy, mbak ndra ndra le so. Haˀaw, i wuɗ le haɗi ɓa ki tiram buyoy vuna gisiŋ, naɓa ndra kwana, i sa zumam buy ati kumo!

KORENTIHEY MUCUW NAŊ 4:7

Amma zlili muɗum nah vuna, ndra majijiraka angi mejejeŋ ngi hohoy na, ɓa mizli a puraka gidaŋ mihaɗa nah na, i ngi Buymisemuŋ, i ngi ndra ta.

KORENTIHEY MUCUW NAŊ 6:10

A gam ndra gwat ngi ndurɓo hiri, amma ndr'i ra mumulom na si. Ka ndr'i misi murgahay, dambalaka i ra gam zlili da mizli haɗi ngbaŋ. Kaɓa ndr'anta ti gwat neˀ le ta, dambalaka gwat gar ada avu ndra.

Ɗerewol ZAK 2:5

Yeme ɗuwoy, cinam! Misi murga ngir duniya hanayna, i Buymisemuŋ muwuna taŋ, ɓa a tiri ti taŋ misi zlilihey ar tiɓi, yo ɓa a zumam buy, naŋ miɓa le ɗaˀ le da mizli mawuɗakaŋ na.

PIYER MUCUW NAŊ 2:19

A ɓaka mizli tayna, a sa lumaka hirnga taŋ, dambalaka taŋ vuna, i beke ngi gwat maziza taŋ. Asi mbur gar na, i beke ngi gwat mufuna gidaŋ le.

ƁIMUNJUYO 2:9

I si na bonoy ɗik waɗ murga ɗike le, amma ki misi zlili. Yo mizli mawaka vu taŋ ka Yudehey, dambalaka i Yudehey ta ma na, i si na le, ara jukuw ɓi. Taŋ i jum ngi mizli ngi Satanay.

ƁIMUNJUYO 3:17

Asi ka maɓi: ‹Yi misi zlili, yi gi zlili le ar gwat gar, gwat makiciy anta.› Dambalaka ki muvuso, ka geˀ ˀircece, ki misi viya, ka gulndiŋ kine, yo ki dangar na, ki si na ta.