MIKUCUWULOY 10:8 - Bible en langue guiziga

⁸ Mbur misi ti wuluk ngi sinmijileŋ, ɓi miɓa ɗaˀ le na, a tiɓaŋ, amma mbur maɓi ɓi ngi gilaway na, aru nga zizi.

MIKUCUWULOY 10:8 ပူးပေါင်းရင်းမြစ်များ

DIMISEY 119:34

Tiri ti ya mbur misi lesle, ɓa i ja ɓimujuwa ɗik a hirnga, yo ɓa i ja ɓi nah ti mevel purla.

MIKUCUWULOY 1:5

Ko mizli misi sinmijileŋhey, masa slufaka kwana, sin taŋ mijileŋ a sa ru nga mbuŋ, yo mizli misi lesleye, a sa sinaka jigina mizli.

MIKUCUWULOY 10:10

Mbur makuɓuc hiri da mizli na, a so taŋ ti bonoy, yo mbur matiɗi kalaf angi ɓi ta na, aru nga zizi.

MIKUCUWULOY 10:14

Mbur misi sinmijileŋ a wi vu ti sine ɗum, amma mingiɓi ngi gilawa, nga mbuŋ a sa ziza mburo.

MIKUCUWULOY 12:1

Mbur mawuɗ kuti na, a wuɗ di i dubuna sin ngi gi gwat, mbur mapura mbiɗi hirnga hiris le na, i gilaw.

MIKUCUWULOY 12:13

Ngamngam makiɗ vu vagaya, a bo baɗ a balam mbur misi moˀore, amma mbur mijeŋŋe, a lih avu muɗa didaka.

MIKUCUWULOY 13:3

Mbur maji lejeŋ avu mi ngi balam naŋ na, a jigin di i siifa naŋ, mbur maɓi ɓi haɗa na, a hiryi di i vu naŋ.

MIKUCUWULOY 14:23

Slra gar na, a pul gir, amma gi mi kwaliy kwaliy na, a vus vu.

MIKUCUWULOY 14:8

Sinmijileŋ ngi mbur maji lesle, i sli wala ngi gwat ngi gi naŋ, amma gilaw ngi mbur mijinjigwiɗe, i tikina vu.

MIKUCUWULOY 9:8

Ki buca mbur mingila mi ta, naɓa a sa hirsuw, amma da ki ra buca mbur misi sinmijileŋ na, a sa wuɗuw.

MIKUCUWULOY 9:9

Ɓa ɓi da mbur misi sinmijileŋ, naɓa a sa giɗa sin naŋ mijileŋ na ava, dubuna gwat da mbur mijeŋŋe, naɓa a sa ska sin naŋ na ava.

TILA MI 10:12

Mi mabo ti balam mbur misi sinmijileŋ na, i mi mezle, amma mi ngi irne mbur gilawa, a zizaŋ.

Ɗerewol ZAK 3:13

Mbur misi sinmijileŋ, yo misi lesl ada a wuzla kumo kwa? Anja a biga ar joˀ naŋ mimezle, ti slra mezle, naŋ maga ti hina hirnga waɗ ti sinmijileŋ na.