MIGI KIITAHAY 7:2 - Bible en langue guiziga

² Bumbulvuŋ a ɓa Zedeyoŋ na: «Mizli ɗikeye taŋ haɗa, y'anta vula Madiyanay asi haŋ taŋ ta. Naɓa Israyeley a sa huhumom vu, a sa ɓam: ‹I laham ti gidaŋ ndra!›

MIGI KIITAHAY 7:2 ပူးပေါင်းရင်းမြစ်များ

ZLI VIRZI 46:2

Ngi duvuɗo, Buymisemuŋ a biga vu da Zakop ar musuwun, a zilaŋ «Zakop, Zakop.» Zakop a zilaŋ mi: «Y'ani.»

ƁI NGI HINEY MUCUW NAŊ 14:11

Bumbulvuŋ a kiɗa Etiyopihey a mbuŋ Asa ati soje Zudahaya. Joˀ Etiyopihey a kilam.

EZAYI 10:13

Asi buy Asiri a ɓi: ‹Ya miga gwatay gar na, ti gidaŋ ngi haŋ ɗu, waɗ ti sin ɗu mijileŋ, asi ya ti lesle. Maakway ngi sukwi ngi mizli, i susuyumo taŋ le, yo gwat taŋ muwam di vu, i va taŋ le pay. Mizli mijoˀ ar janga ngi buyoyo, i putukuso taŋ le a ruwuy kaɓa bugawla.

EZAYI 2:11

Mizli mahuhumom vu na, a sa maka taŋ nga ruwuy, mizli manjurom vu na, a sa maka taŋ a ruwuy: ti hin nah na, a sa hunumam i Bumbulvuŋ pal naŋ.

EZAYI 2:17

Mbur mahuhum vu gar na, sey a huruk huruk, yo mbur majijihi gar na, sey a huruk huruk a ruwuy. ti hin nah, a sa hunumam i Bumbulvuŋ pal naŋ.

ZEREMI 9:23

Da mbur a wuɗ le ɓa a huhum vu na, anja a huhum vu: asi naŋ misi ti wer, yo a siniy le. A si na ma, ya Bumbulvuŋ, gi mezle ɗu ati ɓimujuwa mitaˀ gar waɗ gi jeŋŋe asi ruwuyo y'anta i pula gi naŋ mbak le ta. Yawwa! Maciriy hiri i nah so. I ya Bumbulvuŋ maɓi.

EZEKIYEL 28:17

Kuy ɗik tuwa, a guw a mevele, hã ki njur vu zlokokoko, ki hirya sin ɗik mijileŋ le, ti kuy ɗik mihaɗa haɗa tuwa. I hiziguɗuw nga ruwuy, i puluw mbak da buyoy a purukuw.

EZEKIYEL 28:2

«Ka mburu, ɓa buy Tire na: Ya Bumbulvuŋ, Buymisemuŋ i ɓi na: Ki njur vu njor njor, joˀ ki ɓi: ‹Yi kuli. I cifi le ar janga ngi buy ngi kulihey a wuzla mubuliy!› Ki pura vu ɗike kaɓa ki Buymisemuŋ. Amma na, ka ki mbur titraŋ, ki kuli vuna ta ngbaŋ.

DANIYEL 4:30

Angi ler nah na vuna sina, gwat miɓaka ɓi naŋ tuwa, ara gi avu buy Nabukodonozoro si: a ɓulakaŋ ti wuzla mizli avra. A ra zum giziŋ kaɓa sla, yo a ndir yorororo ar wulngar. Himac ngi hirnga naŋ, a gil kaɓa zlara ngi kurom, yo zleneke, a gil kaɓa ngi ɗiyuw.

HABAKUK 1:16

Akẽh na, a gam mikuli da zuva taŋhay, a wuraka taŋ ˀurdi, asi taŋ mazumam gwat mundum hã a mbam na, mbele taŋ.

ZAKARI 12:7

Bumbulvuŋ a sa lih dumbuŋ i mizli ngi Zudahay, ɓa mizli ngi hay Davitey ati mizli Zeruzalemey a puraka kaɓa taŋ ɗongor ar mizli Zudahaya ta.

ZAKARI 4:6

A mbiɗiy di ma, a ɓiy na: Bumbulvuŋ a ɓa Zorobabel ani: Ɓa kisa ga slra misenna na, anta ti gambara ngi vu ta, anta ti gidaŋ ta, amma ti ˀUf ɗu, maɓi i ya Bumbulvuŋ misi gidaŋ wãˀa.

SLUFA VU 31:4

Hilam mizli durmuk asi sukwi Israyeleye tiɗeˀe.»

ROMAHAY 11:18

Anja ki wa vu ɗike kaɓa ki funa mihaŋ mikilahaka taŋ le avra na ta. Ki huhumvu gu mbri mbrike? Majaha slaslalaka, i ka ta, amma i slaslalak majuhuw ka jaka.

ROMAHAY 3:27

Ɓi ɓa mburo huhumvu naŋ aseˀe, ada anga kwa? Ko anta wãˀ si! Vur mi ska? Asi gi gwat ɓimujuwa maɓa na kwa? Anta aseˀe ta wãˀ, amma asi tiɓi.

KORENTIHEY MUCUW NAŊ 4:7

Amma zlili muɗum nah vuna, ndra majijiraka angi mejejeŋ ngi hohoy na, ɓa mizli a puraka gidaŋ mihaɗa nah na, i ngi Buymisemuŋ, i ngi ndra ta.

EFESEY 2:9

Ɓi nah a so tivi gwat ngi gi kum ta, vurˀe mbur a huhum di vu gu ta.

Slu cuw 32:27

Amma zluwun a giy le ti mesene taŋhay masa singiram ar ya, a sa waka kaɓa i taŋ, a sa ɓam: ‹Miga gwat hana i hirbazla ndra migidaŋ haɗa na, anta i Bumbulvuŋ ta.›

Slu cuw 8:17

Anja ki ɓam ti kwacay kumo: «I gam zlili le ti haŋ ndra, ti gidaŋ ndra na, ki ɓam ta.»

Slu cuw 8:18

Amma wulkaka ɗi, muvulukum gidaŋ ɓa ki gam zlili na, i Bumbulvuŋ Buymisemuŋ kum, yo hã dana kwana, ara ga gwat ngi jumoˀay naŋ miɓa ti hudum da dideˀ kumoy zleˀe na aruŋ.

Ɗerewol ZAK 4:6

Amma Buymisemuŋ ara ga ndra mezle haɗa ava ma jaka. Vurˀe, Ɓimutoho a ɓi na: «Buymisemuŋ a sli himaˀ avu mizli muhuhumvuhoyo, amma a ga mezle da mizli mahinam hirngahaya.»

SAMUYEL MUDUMBUŊ NAŊ 14:6

Zonataŋ a ɓa gawla naŋ majijiraŋ gwat ngi vurumoyo, sawa akum sesẽŋ ng'avu Filistihey, manja ci mizaw tayna. Asinta Buymisemuŋ a sa jina ndra kwani. Naŋ kine, ko da ndra haɗa malla haɗa ta gar na, da Buymisemuŋ a ɓi le ɓa a jina ndra, i lumam bugawla na, ko gwat matikaŋ anta.