MIGI KIITAHAY 6:3 - Bible en langue guiziga

³ Yo ma na, Israyeley mizligam gwat le ar guva gar na, mizli madiyanay a soko ati Amalekey waɗ mizli maslikiɗam aka aka misi tisi pas ngi miprike, a soko, a zumaka taŋ.

MIGI KIITAHAY 6:3 ပူးပေါင်းရင်းမြစ်များ

ZLI VIRZI 25:6

Amma da ziri ngi mangasl naŋhay na, a vula taŋ zlili ti vul si. Ti naŋ mumuc t'aruŋ si na, a ɓula taŋ kileŋ avu mangal naŋ Izaka, kini ngir tisi pas ngi mipriki.

ZLI VIRZI 29:1

Zakop a zuɓa jiviɗ naŋ, aru kini ngir ti ruwuy ngi mizli misi tisi pas ngi mipriki.

BUYOY MUDUMBUŊ NAŊ 20:27

Buy Akapa kwana, a slufa soje Israyeleye ya, a vula taŋ gwat ngi zumo, a ram nga ji hirnga ti soje ngi buy Siriheye ɓa ngi kiɗa vu. Soje Israyeleye, taŋ ti ngay taŋ taˀ taˀ cuw, kaɓa gezleŋ meciɗek ngi away. A pam, taŋ hiri tataˀ ati soje ngi Siriheye. Amma soje Siriheye, taŋ a nahaka hirwuyo le ɗǝŋ ɗǝŋ.

BUYOY MUDUMBUŊ NAŊ 5:10

Sinmijileŋ ngi Salomoŋ, a funa ngi mizli misi sinmijileŋ ngi mizli ngi ruwuy Arabiheye le gar, yo a funa sinmijileŋ ngi Ezipteheye le gar ma.

Ɗerewol JOP 1:3

Naŋ ti tumuŋ durmuk tarnaˀ, zlogomo durmuk makir, sla ngi hufoy, gam skat skat zlum, zungu madiya skat skat zlum waɗ gawlahay kweslekwesle. Asi ruwuy Palestin vay ngi si pas ngi miprike, ko mbur mindilaŋ anta.

Ɗerewol JOP 31:8

naɓa gwat ya mazliga na, anja i mbur mekelem mazuma, yo gwat mapuso ar guva ɗu na, anja mizli a muɗaka taŋ avra!

BI NGI ISRAYELEY 17:8

Dar Amalekey a sa lumaka Israyeley ngi kiɗa vu a Refidim.

EZAYI 11:14

A sa jumom, a gidiɗaka Filistiheye ng'asi pas ngi pastaˀa, ng'ar muwã taŋhaya, a sa vaka gwat ngi mizli misi tisi pas ngi miprikeye. A sa waka Edom ati Moˀapaya, dar mizli Amoŋhoy a sa gam cunuˀcunuˀ a mbuŋ taŋ.

EZAYI 62:8

Bumbulvuŋ a hudum ani: «Kaɓa ya hana misi gidaŋ haɗa na, y'anta sa vula alkamari ɗike, ɓa mesene ɗikey a zumaka mata ndiɗaˀ wãˀ, mbaazla ɗik, ka migir vurˀe na, ziri ngi mulakay anta sa saka mata ndiɗaˀ wãˀ.

ZEREMI 49:28

Arap ngi Kedaray waɗ zumabuy vay Hasor, Nabukodonozor buy madiɗa ngi Babiloŋ mipa taŋ hirnga tuwa na, Bumbulvuŋ a ɓi vur taŋ na: Slikiɗam! Akum nga kiɗa vu ati Kedar! Mizli ngi wuzlaɓuhoy na, hiryaka taŋ gwataya cek!

EZEKIYEL 25:3

Ki sa ɓa Amoŋhoyo, ɓa a cinaka mi nga ya Bumbulvuŋ, Buymisemuŋ maɓa taŋ di ani na: Ɓa taŋ: Bumbulvuŋ, Buymisemuŋ a ɓi na, ti di hay ɗu mihiryi, ti taŋ muzumaka hirwuy Israyel, yo ti mijaka mizli Zudahay nga hirwuy mulak na, ki singir le kuɗok kuɗok ar taŋ.

EZEKIYEL 25:4

Vurˀe, y'ani i wuɗ i vuluw taˀ wãˀ asi haŋ ngi mijigin ngi si pas ngi miprikey: a sa paka walahay taŋ muguno ti mohol asi hirwuy ɗike, yo a sa cifam ti hay taŋhay ara. Yi ngi gwat ngi migam ngi si hirwuy ɗike, i taŋ masa zumaka taŋ, yo ɗuwa ngi si hirwuy ɗike, i taŋ masa sakaŋ.

LEVIHEY 26:16

yawwa! gwat ya masa gukum di ani: I sa slino ti gwat ngi gukum zluwun, i jiji makiɗ vu kutum ta waɗ gamba mihimaˀ, matikaka gidaŋ ngi hiri, yo mazizaka siifa ngi mburo zayãˀ zayãˀ. Ki sa zligaka guva kumoyo, amma gar ngataraŋ, asi masa zumaka gwat ngi migam kumoy i mesene kumoy.

MISE 6:15

Ki sa zligam gwata, amma kum anta sa gaka sifi naŋ ta. Ki sa ɗucom mal ngi tutumburo, amma kum anta sa gam slra ti mala ta. Ki sa ɗucom yi ngi gudubuno, amma kum anta sa sam mbaazla nah ta.

Slu cuw 28:51

A sa tiɓaka ginew kumoy ati gwat ngi migam kumoyo, joˀ kumo, kisa micam ti may. Daw kumoy, mbaazla, mal, ko ziri slahay, ziri tumuŋhoy, ziri ˀaway kwana, anta sa pulukum neˀ ta, kisa ngizlam pay wãˀ.

MIGI KIITAHAY 10:12

Sidoŋhoy, Amalekey ati Maˀoŋhey mugukum bonoy na, ki tilikiy mi, i luhukum tisi haŋ taŋ ta kwa?

MIGI KIITAHAY 3:13

Egloŋ tuwa, a jumo Amoŋhoy ati Amalekeye ng'avu naŋ, a bi vurum nga kiɗa vu ati Israyeleye. A tiɓaka walahay Dibinojiheye.

MIGI KIITAHAY 6:2

Madiyanay ara gaka bonoy kuyta wãˀ da Israyeleye. Vurˀe, Israyeley a hinam ar wala muwãhay, ar butumoy malla ar muwã misi li jiɗe tuwaˀ haɗa.

MIGI KIITAHAY 6:33

Mizli Madiyanay, Amalekey waɗ mizli maslikiɗam aka aka ngisi pas ngi miprikeye, a ngiɓam ˀay purla, a cikilam cek, a tuwuɗaka mizaw Zurdeŋ, ara pam ti walahay guɗuko ar li micayya ngi Zizreyel.

MIGI KIITAHAY 6:4

A ra pam ti walahay guɗuko a ciki Israyeleye, a zumaka taŋ gwat ngir guvahaya, hãkal kal ar maakway ngi Gaza, ko t'anta pulam gwat ngi ngir ti naŋ neˀ le asi ruwuy Israyele ta, ko tumuŋ, ko sla, malla ko zungu gar si.

MIGI KIITAHAY 7:12

Mizli Madiyanay, Amalekey waɗ mizli maslikiɗam aka aka, misi tisi pas ngi miprike, t'ada sikinih ar li micaya, kweslekwesle kaɓa jaray, zlogomo taŋhay a slufam ta, taŋ haɗi kaɓa muyuŋ a mi mubuliy.

MIGI KIITAHAY 8:10

Zeba ati Salmuna a roko a Karkor ati soje taŋhay, a gam gwat ngi durmuk ti skat skat zlum gu. Mizli misi tisi pas ngi miprike, soje taŋhay mindirama, i taŋ tewle. Naŋ kine, mizli taŋhay misinaka kiɗa vu le ti maslalama, taŋ durmuk skat ti kukur cuw zleˀe, a kiɗaka taŋ le vagay vagay.