MIGI KIITAHAY 5:9 - Bible en langue guiziga

⁹ Mevel ɗu naŋ ar miwi Israyeley, naŋ ar mizli muvulaka vu taŋ le taˀ wãˀ ngi mongoy taŋ. Gaka sise da Bumbulvuŋ!

MIGI KIITAHAY 5:9 ပူးပေါင်းရင်းမြစ်များ

ƁI NGI HIN GAR MUDUMBUŊ NAŊ 29:9

Joˀ mizli a vulaka gwat taŋhay da Bumbulvuŋ ti mevel purla, a cira taŋ hiri haɗi. A cira hiri da buy Davite haɗa ya.

ƁI NGI HINEY MUCUW NAŊ 17:16

yo Amasiya, mangal ngi Zikri, a vula vu naŋ ngi mongoy naŋ ngi gi slra ngi Bumbulvuŋ, a wi soje miwirwir migi vurumoyo durmuk skat skat cuw.

ƁI NGI HINEY MUCUW NAŊ 31:8

Ezekiyas ati mizli hirnga naŋhay musoko puraka gwatay mizikitiŋ zikitiŋ tuwa na, a gaka sise da Bumbulvuŋ waɗ da Israyel, mizli naŋhaya.

NEHEMI 11:2

Mizli mekelemeye, a vulaka vu taŋ ngi mongoy taŋ, nga cifi a Zeruzaleme. Dar mizli a ɗuwulaka taŋ mi.

DIMISEY 103:2

Yawwa, i wuɗ i ga sise da Bumbulvuŋ ti mevel ɗu wãˀ, gi mezle naŋ mihaɗa na, y'anta puyuk di hirnga ko pal ta.

DIMISEY 110:3

Tapas ka masa kuso soje ɗikey ng'ar vurum na, mizli ɗikeye, t'ada sek asi ka. Ka Buymisemuŋ, gawla ngi vurum ɗikey a sa soko ng'avu ka a muwã ngi ɗik, kaɓa wulngar magi ti li biŋ biŋ.

KORENTIHEY MUCUW NAŊ 8:12

Da wuluk ngi gi gwata, i mezle gisiŋ na, Buymisemuŋ a tuɓuw kuy kuy jom ati gwat ɗike, anta slufa gwat mikic avu ka na ta.

KORENTIHEY MUCUW NAŊ 8:17

Ndra mucufuɗakaŋ na, a ngum le. Mifineˀ nah ma na, a juw vu le wãˀ ngi ru ngi hay kumo, ngi mongoy naŋ.

KORENTIHEY MUCUW NAŊ 9:5

Vurˀe, i pura na, a tiɓaŋ le ngi ga ambuh da sukum ndraˀahaya, ɓa a ram cici ngi hay kumo, yo ɓa ara ɗiyaka gwat ngi vul kum muvulaka ti gula ti ti hazum, kum miɓaka ɓi naŋ zleˀe tuwa. Naŋ kine, hã ya masa ndil na, da ki wam di vu le sina, naɓa a sa gi i gwat kum muvulaka le ti gula ti hazum, anta ti niˀic aseˀe ta.

MIGI KIITAHAY 5:2

«Angi hirwuy Israyele, da mizli a vulaka vu taŋ le taˀ wãˀ, da a pulaka vu taŋ le mbak wãˀ ngi mongoy taŋ na, gaka sise da Bumbulvuŋ.