MIGI KIITAHAY 18:7 - Bible en langue guiziga

⁷ Mizli muzlumoy tuwa, a zuɓam jiviɗ, ara ndilam a Layis. A puraka keɗ keɗ na, mizli ngi digahay, ara pulam vu, taŋ ti mevel mezleŋ kaɓa mizli Sidoŋhoy. Gwat ngi mbiɗa hirnga da buy mazuma hirwuy nah, anta neˀ ta. A pam kileŋ avu mizli Sidoŋhoyo, yo anta vulam haŋ nga ruwuy mekelem ta.

MIGI KIITAHAY 18:7 ပူးပေါင်းရင်းမြစ်များ

BUYOY MUDUMBUŊ NAŊ 1:6

Dambalaka, zle angi gil naŋ vuna si na, ko cine a bucaŋ ɗaˀ ta wãˀ si, ɓa a ɓaŋ ki gi di i gwat mi nah ka na, ko a ɓaŋ ɗaˀ ta. Yo ma na, naŋ vuna, naŋ kuy haɗa teˀe, mumuŋ a yaŋ i mijingaˀ ngi Absalom.

BUYOY MUDUMBUŊ NAŊ 16:31

Zeroboˀam, mangal ngi Nebata, Omri a sipi di i sar naŋ tewle ta, amma hã ara zuɓ ngwasa i Zezabel, zuŋ ngi Etbal, buy ngi Sidonihey, yo hã ara huruk huruk a mbuŋ Baˀal, ɓa a gaŋ mezegwel.

ƁI NGI HIN GAR MUDUMBUŊ NAŊ 4:40

A lumam li zum mezle da ginew taŋhay a diga, li mufuk fuk, yo a cifam jam jam, a pulam vu. Mipam zleˀe a diga i dideˀ ngi Kamay.

ZEREMI 49:31

Slikiɗam! A ra kiɗam vu ati sukwi ngi mizli malikam ta wãˀ, yo misi t'anta zluwunam neˀ ta tayna. Asi t'anta ti miviŋ ta, t'anta ti magandaŋ ta ma, a pam le baˀ pal taŋ! I ya Bumbulvuŋ maɓi.

ROMAHAY 13:3

Naŋ kine, da mbur ara gimezle na, a zluwun ti mizli madiɗa miwi hirwuyoyo ta, sey da mbur ara gi gwat malambaˀa. Da ki wuɗ le ɓa ki zluwun ti mizli miwi hirwuyoyo ta na, gimezle, dar a sa hunumukuw.

ZOZUWE 19:47

Mizli a tiɓaka hirwuyo le avu sukwi ngi Daŋ. Akẽh na, a bam, ara gam vurum ati hirwuy Lesem. A tiɓaka hirwuyo le avu mizli Lesemeye. A kiɗaka mizli ngisi ruwuy tayna vagay vagay ti maslalam, a pam angi hirwuy taŋ. Taŋ mipam anga tuwa na, a zilaka hirwuy nah vuna Daŋ. Daŋ ti slimiɗ ngi dideˀ taŋ zleˀe.

PIYER MUDUMBUŊ NAŊ 2:14

Hinam hirnga a mbuŋ buy miwi lihey, i mizli, buy madiɗa mislina taŋ, ɓa ngi kuta mizli magam gwat malambaˀhay, yo ɓa a ɗuvaka hirnga da mizli migi gwat mezleheye.

ƁIMUNJUYO 18:7

Gakaŋ bonoy, yo gakaŋ ɓa a tuwuy ngi vagay, weˀe avu naŋ mulum dudok ati wuya zleˀe na ya. Vur a ɓi a mevele na: «Yi maˀãy, y'ani ani. Yi wudiga ta wãˀ. Y'anta sa tuwuy tuwuy ngi vagaya ta ndiɗaˀ wãˀ»

MIGI KIITAHAY 18:29

Walahay mazilaka zleˀe Layise, a mbiɗakaŋ slimiɗe, a zilaka Daŋ ti slimiɗ ngi dideˀ taŋ miyakaŋ a ruwuy Israyel.

MIGI KIITAHAY 18:6

Migi mikuli tuwa, a ɓa taŋ: «A ram kuy kuy! Bumbulvuŋ a ro hiri taˀ avu mulak kum mazuɓaka hana!»

MIGI KIITAHAY 18:8

Mizli muzlumoy tuwa, a moko ng'avu sukum taŋhay a Sora ati Esetaol. Dar sukum taŋhay a ɓaka taŋ: «Ki wulkam mbri vur hirwuyo ska?»

SAMUYEL MUDUMBUŊ NAŊ 3:13

Yi ra ɓaŋ di, yi sa ga kiita da hay naŋ hã ngi sete, asi malambaˀ naŋ. Zir naŋhay ara zaka Bumbulvuŋ, a si na le ngbaŋ, amma ko a buca taŋ ta.