MIGI KIITAHAY 16:4 - Bible en langue guiziga

⁴ A dirba nah na, Samsoŋ a hiyĩ ngwasa ada, a zilaka Dalila, hay taŋ naŋ ar sozo ngi Sorek.

MIGI KIITAHAY 16:4 ပူးပေါင်းရင်းမြစ်များ

BUYOY MUDUMBUŊ NAŊ 11:1

Buy Salomoŋ, mbak naŋ muzuɓa zuŋ ngi buy Ezipte tuwa le ma na, a zuɓ ngwas mulak mekelemey le haɗa ma. A zuɓ ziri Moˀapay, ziri Amoŋhoy, Edomoy ati ziri Sidonihey waɗ ziri Hitihey.

NEHEMI 13:26

«Salomoŋ, buy Israyel migi mungra na, asi ɓi misi kahana vuna takwa? A wuzla sukwi miwal wal haɗa ar duniya gar na, ko buy misi kaɓa naŋ na, anta. Buymisemuŋ naŋ ara wuɗaŋ haɗa teˀe. Buymisemuŋ a cifaŋ i buy ngi Israyeley gar. Gar ti nah kwana, mipakaŋ haŋ ɓa a gi mungra na, i ngwas mulakay vuna.

MIKUCUWULOY 22:14

Mi ngi balam misi may zile, i vigiɗ mijileŋ, mbur Bumbulvuŋ mupula le fuk na, a sa diɗ ng'araŋ.

MIKUCUWULOY 23:27

Haˀaw, ngwas sulome na, naŋ ka vigiɗ mijileŋ, yo ngwas burvula i vigiɗ ngi yam miselele.

MIKUCUWULOY 26:11

Mbur gilawa, a mahiri ngi gilaw naŋ a muŋ, kaɓa kiri muvunuh le, masliɓa vunuh naŋ a muŋ na ya.

MIKUCUWULOY 27:22

Mbur gilawa, da ko ki ɗugo ar jijiŋ jom ati mengeleleŋ ngi gwata tekeɗe kwana, gilaw naŋ na, anta kurut avra ta na si.

KORENTIHEY MUDUMBUŊ 10:6

Gwat tayna a gam na, a bigam ndra di i gwat, ɓa i hĩyãm gwatay lambaˀ lambaˀ ka taŋ na ta.

MIGI KIITAHAY 16:3

Amma Samsoŋ a wursla duvuɗo wurasl, ngi wuzla duvuɗ na, a slikiɗi, a ja palalam ngi gica mizlingreŋ, a muɗa nduroɓ jom ti dum naŋhay misi tika tika avu dalama, waɗ magandaŋ naŋ. A hila taŋ ar pepesl, a jijira taŋ hã sesẽŋ a hirnga muwã mupuɗak ar walahay Hebroŋ.

MIGI KIITAHAY 16:5

Buy Filistihey a sa lumakaŋ, a ɓaka Dalila na: «Inga ka mi ngi Samsoŋ ti sek vu, ɓa ki sinaŋ naŋ migidaŋ haɗa na vur mike, ɓa i funakaŋ ti gidaŋ, yo ɓa i tikakaŋ ˀay. Mbur gar a sa vuluw gabal ti suloy skat.»