MIGI KIITAHAY 16:2 - Bible en langue guiziga

² Mizli Gazahay a cinam na, Samsoŋ naŋ da a diga. Dar a zlaka a mbiɗam vu, a jiginaka mizlingre kap ngi duvuɗo. Ngi duvuɗo taŋ teˀ teˀ, a ɓam ti kwacay taŋ na: «I kutukoko naŋ masa bawa ti miprik na, ɓa i sa kiɗakaŋ.»

MIGI KIITAHAY 16:2 ပူးပေါင်းရင်းမြစ်များ

Matiye 21:38

Amma migi slraˀahaya mupuraka mangal naŋ tuwa, a ɓam ar wala taŋ na: «Puraka, ngi diga na, i muzuma hay vuna. Akum, kuɗukum di vagay ɓa masa zumaka haya i ndra!»

Matiye 27:1

Ngi miprik prik naŋ na, masay madiɗahay ati mizli micawwa ngi Yudehey a ngilam wuy ar Yesu, ɓa a gakaŋ kiita ngi mucu.

Ɓimezle ngi Yesu Kristu LUK mitil di mi 21:20

Da ki puraka le, sojehey a gunoko Zeruzaleme le gun na, sinaka sin le, naɓa pas ngi wuh naŋ a ndilo le.

SLRA 23:15

Ani so na, kumo, jumom ati mingila wuy ngir kus madiɗahaya, ɓaka buy ngi sojeheye, ɓa a sukum ti Polo, kaɓa ngi ka virzi naŋ kuy kuy. Ndra kwana, naɓa i wam vu le weˀ, ɓa hã a sa ndilo tikeˀe avu kum na, i kiɗaka le vagay.»

SLRA 9:24

Sawul a si na gidiɓi taŋ na le, hã a jiginaka mizlingre ngi walahaya duvuɗ ti papas gar, ɓa a kiɗaka Sawulo vagay.

MIGI KIITAHAY 15:18

Yam a wuɗ a kiɗa Samsoŋ. A zila Bumbulvuŋ, a ɓaŋ: «Muvula bugawla madiɗa hana da gawla ɗik i ka. Na wurenna mbak i muc ti madalyam, ɓa i ci ng'asi haŋ ngi mizli manja ci mizaw tayna sukwa?»

MIGI KIITAHAY 16:3

Amma Samsoŋ a wursla duvuɗo wurasl, ngi wuzla duvuɗ na, a slikiɗi, a ja palalam ngi gica mizlingreŋ, a muɗa nduroɓ jom ti dum naŋhay misi tika tika avu dalama, waɗ magandaŋ naŋ. A hila taŋ ar pepesl, a jijira taŋ hã sesẽŋ a hirnga muwã mupuɗak ar walahay Hebroŋ.

SAMUYEL MUDUMBUŊ NAŊ 19:11

Sawul a slin mijigina lihey ngi hay Davite, nga jiɗakaŋ ɓa a sa kiɗakaŋ put li naŋ muwun le. Mikal ngwas ngi Davite, a fa ɓi nah da Davite, a ɓaŋ: «Da ki laha hirnga ɗike ti duvuɗ hana ta na, a sa kiɗukuw vagay tiprike.»

SAMUYEL MUDUMBUŊ NAŊ 23:26

Sawul ati mizli naŋhaya, ara sipaka Davite ti ciki muwã vay ka, yo Davit ati mizli naŋhaya kwana, taŋ ti ciki muwã vay diga. Davit ara wus vu ngi ru kutum kutum ɓa a lih avu Sawulo. Sawul ati mizli naŋhaya, a ndir mata, ɓa ara jaka is da Davit ati mizli naŋhaya, yo ɓa a gunoko taŋ ɓa a jaka taŋ.