MIGI KIITAHAY 1:4 - Bible en langue guiziga

⁴ Sukwi ngi Zuda tuwa, aru nga kiɗa vu so, Bumbulvuŋ a vula taŋ Kanaˀanay ati Perizihey asi haŋ taŋ. A kiɗam asi taŋ, mizli durmuk kuruˀ a Bezeke.

MIGI KIITAHAY 1:4 ပူးပေါင်းရင်းမြစ်များ

BUYOY MUDUMBUŊ NAŊ 22:15

Mise a ndilo avu buyo buy a cufuɗaŋ: «Mise, ani zliv i bam nga gi vurum a Ramot, hirwuy Galaˀat na kwa malla i pulaka ɓi nah teˀ kwa mbrike?» Mise a mbiɗaŋ di: «Aru, kisa lum bugawla, Bumbulvuŋ a sa vula walahaya asi haŋ ɗike, buy!»

BUYOY MUDUMBUŊ NAŊ 22:6

Buy Israyele, a kuso mijiviɗeye, a gam gwat ngi mizli skat skat mufaɗa, a cufuɗa taŋ: «Ani zliv i ra gi vurum a Ramot, hirwuy Galaˀat na kwa malla i pula ɓi nah teˀ kwa mbrike?» Mijiviɗey a mbiɗakaŋ di: «Aru, Bumbulvuŋ a sa vula Ramot asi haŋ ɗike, buy.»

DIMISEY 44:2

Haˀaw Bumbulvuŋ ndra, slra madiɗahay, ka miga taŋ ar hin ngi dideˀ ndrahay, zlezlezleˀe na, a slufam ndra di le, i cinaka ɓi nah le ti slimiɗ ndra.

DIMISEY 78:55

A ɓula sukwi ngi mizli mekelemey avra baɗ a mbuŋ taŋ, a wuɗuka taŋ hirwuyo wuɗak wuɗak, waɗ a cifa Israyeley ar hay ngi Kanaˀanay vuna.

Slu cuw 7:2

Bumbulvuŋ Buymisemuŋ kumo a sa vulukum taŋ asi haŋ kum, kisa tikaka taŋ ˀay, ki ngizlaka taŋ pay. Ki ɗiyam ɓi ar wala kum ati taŋ ta, yo ko ki puraka taŋ ircece ta.

Slu cuw 9:3

Bumbulvuŋ Buymisemuŋ kum, aro ɓaˀ a mbuŋ kumo, kaɓa vu mazuma gwatay gar na, kisa sinaka dana so. I naŋ masa ngizla taŋ, i naŋ masa kiɗa taŋ a mbuŋ kumo. Ki sa ɓulaka taŋ, ki ngizlakataŋ kutum si, kaɓa Bumbulvuŋ muɓukum di ɗaˀ le zleˀe na.

MIGI KIITAHAY 1:3

Sukwi ngi Zuda a ɓa dideˀ ngi Simeyoŋ, sukum naŋhaya na: «Soko asi ya nga hirwuy muvulikiy di, ɓa i ra kiɗaka Kanaˀanaya. A dirba nah, ya kwana, i sa ru asi ka nga hirwuy muvulukuw di.» Dar dideˀ ngi Simeyoŋhoy tuwa, a ram aseˀeˀ.

MIGI KIITAHAY 1:5

Naŋ kine, ara lumaka buy Adoni-Bezek ar walahay Bezeke. A zlaka kiɗa vu, a lumam bugawla ar Kanaˀanay ati Periziheye.

MIGI KIITAHAY 11:32

Zefte a tuwuɗa maakway ngi Amoŋhoy nga gi vurum ati taŋ, Bumbulvuŋ a vulaŋ taŋ asi haŋ naŋ.

MIGI KIITAHAY 3:5

Israyeley a cifam a wuzla Kanaˀanay, Hitihey, Amorihey, Perizihey, Hivihey waɗ a wuzla Zebusiheye.

SAMUYEL MUDUMBUŊ NAŊ 11:8

Sawul a slufa taŋ a Bezek: Sukwi ngi mizli vay ngi muŋhoyo, taŋ durmuk skat skat makir, yo sukwi ngi Zudahaya, taŋ durmuk kukur makir.

SAMUYEL MUDUMBUŊ NAŊ 14:10

Amma da a sa ɓam le: Soko ng'avu ndra› na, i sa ram ɓula. Nah na, kite Buymisemuŋ a vula taŋ le asi haŋ ndra si. Gwat masa biga ndra di i nah.»

SAMUYEL MUDUMBUŊ NAŊ 14:6

Zonataŋ a ɓa gawla naŋ majijiraŋ gwat ngi vurumoyo, sawa akum sesẽŋ ng'avu Filistihey, manja ci mizaw tayna. Asinta Buymisemuŋ a sa jina ndra kwani. Naŋ kine, ko da ndra haɗa malla haɗa ta gar na, da Buymisemuŋ a ɓi le ɓa a jina ndra, i lumam bugawla na, ko gwat matikaŋ anta.