Mark 9:43 - Bible en langue guiziga

⁴³ Da i haŋ ɗik macuw ng'ar mungra na, buko avra, zuwen ka maci ng'ar li ngi siifa ti haŋ sluloŋ purla, a funa ka maru ng'ar li ngi bonoy, ng'ar vu mamuc ta wãˀ, ti haŋ ɗikey cuw taŋ na le.

Mark 9:43 ပူးပေါင်းရင်းမြစ်များ

Ɗerewol JOP 20:13

ara suɓoŋ, mbak le ta, a ndir di kulaˀ a balama kwana,

EZAYI 1:31

Mbur migidaŋ, a sa tiri giziŋ muˀulo, yo slra naŋ a sa tiri kaɓa ndisl ngi vu. A sa wuram cuw taŋ, ko mbur ngi muc naŋ anta.

ZEREMI 4:4

Kum mizli Zudahay ati Zeruzalemey, cam mizaw vur Bumbulvuŋ, cam vur ya. Da kanah ta na, naɓa himaˀ ɗu a sa tiɓi njilim njilim ka vu, a sa zlizlira gwataya, ko mbur mamuca gu anta, asi gwat ngi gi kum i ngi moˀore.

Matiye 17:27

Amma anja i gaka taŋ gwat ngi ji mevel ta. Aru nga miyam madiɗa, ka kunayele. Kilif ka masa ja dumbuŋ na, ɗuɗo di, wuna mi naŋ, kisa lum suloy pal a balama. Zuɓo di ngi wurka buutu ɗu ati ngi ɗike.»

Matiye 25:41

«A dirba nah na, Buy a sa ɓa mizli ngir vay gula naŋhaya: ‹Kum mizli minisahay, kiraham kileŋ avu ya ng'ar vu ngi sete, miɗiya vur Satan ati modro naŋhay!

Matiye 3:12

Naŋ kaw ti gungwa ngi kufa daw a haŋ, a sa kufa dawa kaf kaf. A sa pa daw naŋ nga dirgwaɗ, cekwesl naŋ kwana, a sa pa ng'ar vu mamuc ta wãˀ, ɓa a wur.»

Matiye 5:22

Amma ya i ɓukum na: ko wa gar miji mevel le ar sukum naŋ na, a sa ram di nga mbuŋ mbur migi kiita. Ko wa gar miɓa sukum naŋ le: ‹gilaw› na, a sa ram di nga mbuŋ mizli madiɗa migi kiitahay, ko wa gar miɓa sukum naŋ le: ‹mibirnga› na, a ndila le ngi hizigaŋ ng'ar vu.

Mark 9:44

[Adiga, mumuyuŋ anta muc ta, vu kwana anta muc ta wãˀ.]

Ɓimezle ngi Yesu Kristu LUK mitil di mi 14:13

Amma da ki gi gwat ngi zum ngi muguzlum le na, zil misi murgahay, misi haŋ malla sar mumucahay, jegwerey ati dangaray.

Ɓimezle ngi Yesu Kristu LUK mitil di mi 14:21

Yo gawla tuwa mumo na, a slufa ɓi nah gar da buy naŋ. Dar buy naŋ tuwa a ji mevel, a ɓa gawla naŋ: «Aru kutum ng'ar li ngi luuma waɗ a jiviɗ ngir walahayay, zilo misi murgahay, mumuca haŋ malla saray, dangaray ati jegwerey, so taŋ.»

Ɓimezle ngi Yesu Kristu LUK mitil di mi 3:17

Naŋ kaw ti gungwa ngi kufa daw a haŋ ɓa ngi wunka mayam ati cekwesl naŋ. A sa hila mayam ngi dawa nga dirgwaɗ, amma cekwesl naŋ na, a sa wura ar vu mamuc ta.»

ROMAHAY 8:13

Asi mike na, da ki ra sipam gi gwat kpak ngi vu kum mawuɗ na, kisa micam. Amma da ˀUf Mipal ara jinukum ɓa ki kiɗaka gwat kpak ngi vu kum mawuɗo vagay na, kisa ndiram ti siifa.

KORENTIHEY MUDUMBUŊ 9:27

I ra ga bonoy da dumvu ɗu ti gidaŋ, yo i ra sirkaŋ. Anja a dirba, ya mbur mitil mi le ti Ɓimezle da mizli mekelemey na, ɓa a ɓulikiy ya vuna avra ta.

GALATAY 5:24

Mizli ngi Kristuhoyo, dumvu taŋ ati hiyĩ gwat ngi dumvu taŋ waɗ may gwat naŋ gar na, a kiɗaka taŋ le vagay vagay ar dum mizlira.

KOLOSOY 3:5

Gwat ngi ruwuyoy misi a hur kum gar na, kiɗaka taŋ vagay vagay avra so, kaɓa ani: gi sulome, dili, may gwat, waɗ may zlili. Asi may zlili na, i huruk huruk a mbuŋ kulihey.

Ɗerewol TIT 2:12

Gi mezle naŋ nah, ara dubuna ndra sipa jiviɗi, yo ɓa i pulaka may gwat ngi duniya hana, ɓa i gam gwat weˀe, jeŋŋe, yo ɓa i sipaka jiviɗ ngi Buymisemuŋ ar hin misi wurenna,

HEBEREY 12:1

Naŋ kine so, ndra kwana, migi sedewohoy haɗi a gunom ndra hirnga le gun. Gwat ndra majijiraka gar ati mungra maja ndra kutum kutom kutom na, hizigukum taŋ avra. Kulukum mi humbaɗ, i kiɗaka mi ngi pi mi ndra.

PIYER MUDUMBUŊ NAŊ 2:1

Vurˀe, moˀore gar, wer malambaˀ, ɓi mi cuw cuw, may gwat waɗ kuw gar na, pulaka taŋ avra so.