Mark 9:41 - Bible en langue guiziga

⁴¹ Ko wa gar muvulukum yam ngisi le ti zuŋ sikiɗ, asi kum i mizli ngi Kristuhoy na, gisiŋ, yi ɓu kum na: a sa luuma migir naŋ.

Mark 9:41 ပူးပေါင်းရင်းမြစ်များ

Matiye 10:42

Gisiŋ, yi ɓukum na: mizli ngi si ya hanayna, da mbur muvul yam miyaɓyaɓ le da mbur pal asi taŋ, ko ti zuŋ sikiɗ tekeɗe, asi naŋ i mbur ngi si ya na, anta sa ziza migir naŋ na ta ndiɗaˀ.»

Matiye 25:40

Joˀ Buy a sa mbiɗa taŋ di: «Gisiŋ, yi ɓukum na: gwat kum migaka le, ko ngi vunaka gar da mbur pal a wuzla sukum ɗu mizlew muwãˀ tayna na, kite ki gikiy di da ya vuna si.›

Mark 4:10

Ti Yesu mubuˀ baˀ pal naŋ na, mizli mugun hirnga naŋ ati mizli mukuruˀnga cuw ngi seˀeheye, a zlaka a cufuɗakaŋ ar ɓi naŋ mawa taŋ di ti wi na.

ROMAHAY 14:15

Da gwat ka mazuma anta ga sukum ɗike kuy ta na, kite k'anta ki wuɗaŋ ta. Mbur Kristu mumuc vurˀe na, anja ki zizaŋ ti gwat ka mazuma na ta.

ROMAHAY 8:9

Kumo, kum anta luɓ luɓ avu kpak ngi vu kumo ta, amma kum luɓ luɓ avu ˀUf Mipal, asi ˀUf ngi Buymisemuŋ nah na, naŋ da a hur kumo. Da ˀUf ngi Kristu anta a hur mburo ta na, naɓa i mbur ngi Kristu ta.

KORENTIHEY MUDUMBUŊ 15:23

Amma ko wa gar ti li nga naŋ nga naŋ. Mislikiɗ cikiɗeffe dumbuŋ, i Kristu. Yo ti naŋ masa mawa na, i mizli naŋhay aya.

KORENTIHEY MUDUMBUŊ 3:23

Amma Kumo, kum i ngi Kristuhoy, yo Kristu kwana, i ngi Buymisemuŋ.

KORENTIHEY MUCUW NAŊ 10:7

Kumo, ki puram di i deŋ ngi gwata. Da mbur a tiɓa le gisiŋ, naŋ i mbur ngi Kristu na, anja a wuluk ani kuy kuy ava: Da naŋ i ngi Kristu na, ndra kwana, i ngi Kristuhoy ka naŋ vuna ya.

GALATAY 3:29

Da kum i ngi Kristuhoy na, naɓa kum i dideˀ ngi Abrahamay, yo ki lumam gwat Buymisemuŋ miɓa ɗaˀ le na le.

GALATAY 5:24

Mizli ngi Kristuhoyo, dumvu taŋ ati hiyĩ gwat ngi dumvu taŋ waɗ may gwat naŋ gar na, a kiɗaka taŋ le vagay vagay ar dum mizlira.