Mark 9:24 - Bible en langue guiziga

²⁴ Ar nah si na, cine ngi mangal a til mi, a ɓi: «I tiɓa le, amma jiniy ar tiɓi ɗu mutuwaˀtuwaˀ na!»

Mark 9:24 ပူးပေါင်းရင်းမြစ်များ

SAMUYEL MUCUW NAŊ 16:12

Asinta Bumbulvuŋ a sa pura bonoy ɗu. Ar deɗe ngi nis, naŋ misi dana na, a sa ɗuwuliy mi kwani.»

BUYOY MUCUW NAŊ 20:5

«Mi ng'avu Ezekiyas, buy ngi mizli ɗuwoyo ɓaŋ na: Bumbulvuŋ Buymisemuŋ, ngi dunuk Davite, a ɓi: «Yi cine diradibiɗ ɗike le, yo yi pura tuwuy mangalaw ɗike le. Wurenna, yi sa mbuluw tir jiji ɗike, duwul ngi diga na, kisa ru gu ng'ar hay ngi Bumbulvuŋ.

DIMISEY 126:5

Mbur mizligi ti tuwuy a hiri zleˀe, a ga sifi ti mumul.

DIMISEY 39:12

- Da ki ra ga bonoy da mburo vur malambaˀ naŋ na, ki kutaŋ ti kuti. Ki zuma gwat naŋ mawuɗo, hor hor kaɓa mumuyuŋ a hur yi ngi widisi: Haˀaw, mbur gar na, i himiɗ ngataraŋ!

ZEREMI 14:17

Ki sa ɓa taŋ ɓi ani: «Duvuɗ ti papasa, i ro hiri hindrik hindrik ti tuwuy, ko teˀ le anta, asi bonoy madiɗa a luuma mizli ɗuwoyo le, i ɓi ngi muc muluma taŋ.

Mark 9:23

Yesu a ɓaŋ: «Ki ɓi: ‹da zliv ki ga gu.› Amma da mbur a tiɓa gwata le ti mevele wãˀ na, gwat magi ta na, anta.»

Mark 9:25

Yesu a pura na, zigiduw ara kus ng'avi taŋ, a buca setene mihirya vu tuwaŋ, a ɓaŋ: «Setene midigizla maɓi ɓi gu ta, yi ɓuw: bi tivi mangal hana, anja ki ci ava mata!»

Ɓimezle ngi Yesu Kristu LUK mitil di mi 17:5

Misliney a ɓaka Buy Yesu: «Sika ndra tiɓi ndra ava.»

Ɓimezle ngi Yesu Kristu LUK mitil di mi 7:38

A cifi ti dirba, a tuwuy ng'ar sar ngi Yesu, hã a bunaŋ sara ceɗ ceɗ ti tuwuyo. A sumuɗoŋ taŋ ti himac ngi hirnga, a jaŋ saraya paˀ, a pa taŋ urdi tuwa.

Ɓimezle ngi Yesu Kristu LUK mitil di mi 7:44

Dar Yesu a mbiɗi hiri ng'avi ngwas tuwa, a ɓa Simoŋ: «Kˀada pura ngwas hana kwa? Yi co a hay ɗike, ki buniy saraya ta, amma naŋ, a buniy saraya le ti tuwuy naŋ, yo a sumuɗiy taŋ le ti himac ngi hirnga naŋ.

SLRA 10:19

Ti nah na, Piyer ara wuluk ar gwat naŋ mupura ti kleŋ tuwa aruŋ ni. Amma ˀUf Mipal a ɓaŋ: «Mizli cuw ani a cufuɗukuw.

SLRA 10:31

Joˀ a ɓiy: ‹Korney, Buymisemuŋ a cine diradibiɗ ɗike le, yo a ro keŋŋe ti gimezle ɗik da misi murgahay na.

KORENTIHEY MUCUW NAŊ 2:4

Haˀaw, ya mutuhukum ɗerewol nah na, ti bonoy ati lik haɗa a mevele, yo hã ti tuwuy kol kol a hiri ma. Anta ɓa ki ndurɓom hiri ta ɓula, amma ɓa ki sinaka, y'ada wuɗukum haɗi.

EFESEY 2:8

Asi mike, kum milaham na, asi gimezle ngi Buymisemuŋ, yo mbele tiɓi kum na. Kum milaham na, ɓi nah a so ti vu kum ta, i gwat ngi vul ngi Buymisemuŋ.

FILIPIHEY 1:29

Asi Buymisemuŋ a gukum mezle le, ɓa ki gam gwat da Kristu. Anta ki tiɓakaŋ ti tiɓi tew ta, amma sey kisam bonoy aseˀe ma,

TESALONIKEY MUCUW NAŊ 1:11

Vurˀe, i ra diram dibiɗ ndrehhe vur kumo, ɓa Buymisemuŋ ndra a purukum, ki ndilaka le ngi zile. I ra tumbulokoŋ ɓa a jinukum ti gidaŋ naŋ, ɓa ki gam gwat mezle, kum muroko ti may naŋ gar, yo ɓa ki gam slra ti tiɓi kum na.

TESALONIKEY MUCUW NAŊ 1:3

Sukum ndra misikristuhoy, sey i gaka sise da Buymisemuŋ ndrehhe vur kumo. A zlir le kanah gisiŋ, vur tiɓi kumo, ara sik nga mbuŋ nga mbuŋ, yo wuɗavu misi ar wala kum na, ara sik a mevel kumo purla purla gar.

TIMOTE MUCUW NAŊ 1:4

Ya muwulka tuwuy ɗik na le na, i wuɗ pur ɗike haɗa haɗa, ɓa yi mumul wãˀ.

HEBEREY 12:17

Ki sinaka le, a dirba nah, a wuɗ ɓa cine a ɗuwulaŋ mi, amma a bakaŋ le avra. Ɓa a mbiɗa gwat naŋ miga na, ko ti naŋ mutumbulo cine ti tuwuy kwana, a gi mata.

HEBEREY 12:2

Ɗuvukum hiri taˀ angi Yesu, maga ɓa i tiɓam na, zle avu zli virzi naŋ hã vu kiɗa mi naŋ. A ɓusa le ɓa a dirakaŋ angi dum mizliraŋ, manja mesem. Vur a ɗuva dibiɗ naŋ le taˀ angi mumul, muwakaŋ di vu, yo a cifi le joˀ tir vay hazum ngi janga ngi Buymisemuŋ.

HEBEREY 5:7

Ti Yesu misi a ruwuy zleˀe na, a dir dibiɗ, a tumbulo Buymisemuŋ malahaŋ gu tir muco, ti tila mi ti tuwuy a hiri. Buymisemuŋ a cine dira dibiɗ naŋ le, asi naŋ mihin hirnga.