Mark 9:20 - Bible en langue guiziga

²⁰ Joˀ a sakaŋ di. Setene tuwa mupura Yesu keɗ na, a wusa mangala ti gidaŋ, a murɗoŋ gwic gwic, mangal a diɗ a ruwuy, a putukul, mongofok kokof kokof avu mi.

Mark 9:20 ပူးပေါင်းရင်းမြစ်များ

Mark 1:26

Setene a wusa mbur tuwa ti gidaŋ gwic gwic, a widi ti gidaŋ, a bi ti vaˀa.

Mark 9:18

Ko amaka gar na, setene a jaŋ, a zlumburaŋ parara a ruwuy, yo mangal a gi mongofok kokof kokof avu mi, a humbuɗ sliŋ, a mbur mbar mbar cucurok. Yi ɓa mizli ngisi kahaya le ɓa a ɓulaka setene nah avra, amma a lumam gidaŋ nah ta.»

Mark 9:19

Yesu zla a ɓa taŋ: «Kayya, kum mizli misi hirnga gidaŋhay! I sa ndir ati kumo hã ti vunaka? I sa ɓusukum hã ti vunaka? Sikiy ti mangal vuna.»

Mark 9:21

Yesu a cufuɗa cine ngi mangala: «A zlaŋ ngi vunaka?» Cine a ɓaŋ: «Zle ti naŋ meciɗeke.

Mark 9:26

Setene a widi, a murɗo mangala gwic gwic, a bi avra. Mangal a tiri ka mumuca, hã mizli gar a ɓam: «A muc le.»

Ɓimezle ngi Yesu Kristu LUK mitil di mi 4:35

Yesu a mbura himaˀ da setene tuwa, a ɓaŋ: «Taˀa mi, bi ti vu mbur hana.» Setene a hizigiɗa mbur tuwa pararah a wuzla taŋ, a bi, ko a gaŋ gwat neˀ ta.

Ɓimezle ngi Yesu Kristu LUK mitil di mi 8:29

Yesu a ɓa setene tuwa ɗaˀ, ɓa a bi ti vu mbur nah. Asi setene a hizigiɗaŋ le is mbeˀ mbeˀe. Mizli a juwakaŋ ti celeluhoy ati sesele ɓa a ndir joˀo. Amma a mburca celeluhoyo, setene a bi di nga pala.

Ɓimezle ngi Yesu Kristu LUK mitil di mi 9:39

Setene ada jaŋ, gurjik si na, a widi, a wusaŋ gwic gwic, mbar mbar, yo a gaŋ mongofok kokof kokof avu mi. A sa bi ti vaˀa na, ti tuwaˀ tuwaˀa, a pulaŋ kupuyah ɓaˀ.

Ɓimezle ngi Yesu Kristu LUK mitil di mi 9:42

Mangal maso ti so aruŋ si na, setene a hizigiɗa a ruwuy, a wusaŋ gwic gwic, mbar mbar. Amma Yesu a buca setene tuwa, a ɗiya mangala, a vula da cine a muŋ.

Ɓimezle ngi Yesu Kristu ZAŊ mitil di mi 8:44

Cine kum i Satan, yo ki wuɗam gi di i gwat cine kum mahĩyãŋ. Naŋ i mikiɗa hirnga zle angi zli virzi naŋ. A cici ɗaˀ ar ɓi mikaslsla ta, asi ɓi mikaslsla anta ava ta. Da ara sli slir na, a ɓi di i ɓi ngi kpak nga naŋ, vur naŋ i misli slir, yo i buy ngi slirey vuna.

PIYER MUDUMBUŊ NAŊ 5:8

Jiginaka vu kumo, ki hinjam ta! Satan, mesene kum, ara mbiɗi gun hirnga kumo, ara tuwuy kaɓa mobor maru ti pura mbur ngi humbuɗu.