Mark 8:38 - Bible en langue guiziga

³⁸ Vurˀe, da mbur ara gi mesem ti ya, yo ara gi mesem ngi ɓa ɓi ɗu a wuzla mizli migwenehey, migi mungahay, migi madama hanayna na, naɓa Mangal ngi Mburo kwana, ti naŋ masa sawa angi dudok ngi Cine ati modro naŋhay mipal na, sa gi di mesemaya.»

Mark 8:38 ပူးပေါင်းရင်းမြစ်များ

ROMAHAY 1:16

Y'anta gi mesem ngi tila mi ti Ɓimezle ta, asi i gidaŋ ngi Buymisemuŋ malaha ko wa mitiɓi le gar, Yudehey dumbuŋ waɗ sukwi mekelemey gar.

ZAŊ MUDUMBUŊ NAŊ 2:23

Ko wa gar misina Mangala ta na, kite a si na Cine ta ya si. Mbur matiɓa Mangala na, kite ara tiɓa Cine ya.

Ɗerewol ZAK 4:4

Gwat sulomehey lambaˀ! Ji ngama ti duniya, i gi mesene ti Buymisemuŋ na, ki sinaka takwa? Mbur mawuɗ ji ngama ti duniya na, kite ara gi mesene ti Buymisemuŋ.

Ɓimezle ngi Yesu Kristu LUK mitil di mi 9:26

Asi da mbur ara gi mesem ti ya, yo ti mingiɓi ɗu na, Mangal ngi mburo, tapas naŋ masa mawa angi dudok naŋ, yo angi dudok ngi Cine waɗ ngi modro naŋ muvuku vu taŋ na, a sa gi di mesem aya.

TIMOTE MUCUW NAŊ 1:8

Buy ndra na, anja ki gi mesem ngi ga sedewo naŋ ta so, yo ya mbur dangay aseˀe na kwana, ki gi mesem ti ya ta ma. Amma sukum bonoy cuwa asi Ɓimezle, ti njahha hiri njah asi gidaŋ Buymisemuŋ mavula na.

Matiye 26:64

Yesu a mbiɗaŋ di: «Ki ɓa le. Amma yi ɓukum na: Zle wurenna, kisa puraka Mangal ngi mburo joˀ tir vay hazum ngi Misi gidaŋ wãˀ, yo ara sawa ar gazlavay a muŋ.»

Matiye 16:27

Vurˀe, Mangal ngi mbur a sa sawa ati modro naŋhaya ti dudok ngi Cine. Joˀ a sa wurka mburo gar weˀe avu gwat ngi gi naŋ.

HEBEREY 11:26

A pura hina hirnga ngi Mesi na, i zlili mifineˀ zlili ngi Ezipte, asi a ro hiri taˀ ar migir ngi mbuŋ.

HEBEREY 11:16

Amma taŋ, a hĩyãm di i hirwuy mimezle da taŋ wãˀ, mbiɗeˀvra: li ngi muŋ. Vurˀe, mesem anta ga Buymisemuŋ asi taŋ mazilakaŋ i Buymisemuŋ taŋ na ta, asi mike na, a ɗiya taŋ walahay madiɗa le.

TIMOTE MUCUW NAŊ 1:12

Ya masi bonoy hana na, aseˀeŋ. Amma y'anta gi di mesem ta, asi i si na mbur, ya muɗuva tiɓi ɗu ar naŋ na le, yo i si na le gisiŋ, gwat naŋ mupula asi haŋ ɗu na, a wi di vu gu hã a ndila hin ngi kiita.

Matiye 12:39

Yesu a mbiɗa taŋ di: «Mizli malambaˀ migwenehey, migi madamahay! Ki wuɗam ɓa yi gukum cekene, amma ko cekene mekelem kum masa lumam anta, sey ngi mijiviɗ Zonas na si.

Ɓimezle ngi Yesu Kristu ZAŊ mitil di mi 1:51

A ɓaŋ ma: «Gisiŋ gisiŋ yi ɓukum na: kisa puraka muŋ a sa wucuh wucah, modro ngi Buymisemuŋhoy ara jiɗam, ara poko sar nga hirnga Mangal ngi mburo.»

Matiye 25:31

«Tapas Mangal ngi mbur masa sawa ar dudok naŋ ati modrohoy aseˀe na, a sa cifi ar janga naŋ ngi zumabuy ti dudoko.

Matiye 24:30

Dar gwat mabiga Mangal ngi mburo, a sa bugo vu a muŋ. Sukwi ngi mizli ngi si ruwuyoy gar a sa tuwam, a sa puraka Mangal ngi mbur masa sawa, ar gazlavay a muŋ ti gidaŋ waɗ ti dudok naŋ gar.

Ɓimezle ngi Yesu Kristu LUK mitil di mi 19:26

Buy a mbiɗa taŋ di: ‹Yi ɓukum na: Mbur misi gwat, a sa vulakaŋ ava ma. Yo mbur manja gwata, mineˀ ngi si haŋ naŋ na, a sa tiɓaka ava.

Matiye 13:41

Mangal ngi mbur a sa slino modro naŋhay. Mizli magam gwat ngi hizigiɗa mizli ng'ar mungra ati migi mungrahay gar na, a sa cikilaka taŋ, a sa bam taŋ avra tir Zumabuy naŋ,

DANIYEL 7:13

I ra pur gwat ti kleŋ ngi duvuɗo ni, keɗ na, gwat mibam vu ati Mangal ngi Mbur, ara so, gazlavay gun hirnga naŋ. A ndilo sesẽŋ avu mbur midigila, dar a kirohoko di nga mbuŋ naŋ.

DANIYEL 7:10

Mizaw ngi vu ara ɓulo ti mbuŋ naŋ kaɓa yam maɓul. Mizli milyoŋ mbeˀ mbeˀ, ara gakaŋ slra, milyoŋ kukur mbeˀ mbeˀ, deŋ deŋ a mbuŋ naŋ. Migi kiitahay a cifam jojoˀ, dar mizli a wunaka ɗerewoloyo.

Slu cuw 33:2

A ɓi: «Buymisemuŋ a so ti muwã Sinaya, a slikiɗo ka pas mabawa baɗ tir vay ruwuy Seˀire, vur taŋ, a cuɗuko mizli naŋhaya baɗ a muwã Paraŋ. A so ng'avi mizli naŋhay, modrohoy durmuk mbeˀmbeˀ aseˀe. ɓimujuwa matiɓi njilim njilim kaw a haŋ.

HEBEREY 13:13

Bukum, i ra jam di hirnga a duba gala so, ɓa i ɓusaka hina hirnga ka nga naŋ na.

TIMOTE MUCUW NAŊ 1:16

Anja Bumbulvuŋ a pura ˀircece haɗa da mizli ngi hay Onesiforoyo, asi naŋ a vuliy gidaŋ le is mbeˀmbeˀe. Ko ti ya misi angi dangay na kwana, mesem a gaŋ nga pur ɗu ta.

GALATAY 6:14

Ya na, y'anta wuɗ ɓa slimiɗ ɗu a zil haɗa vur gwat mekelem pal ta ndiɗaˀ wãˀ, sey vur dum mizlira ngi Buy ndra Yesu Kristu tewle. Asi mike na, avu ya, duniya i mumuca le, yo ya kwana, i mumuca le avu duniya, mbele dum mizlira tuwa.

SLRA 5:41

Dar misliney a bam ti mbuŋ mingila wuyoyo, a mumulom haɗi, asi Buymisemuŋ a pura taŋ a ndilaka le, ɓa a sam bonoy asi slimiɗ ngi Yesu.

Ɓimezle ngi Yesu Kristu ZAŊ mitil di mi 12:34

Zigiduw a mbiɗaŋ di: «I cinam ar ɗerewol ngi ɓimujuwa na: Mesi a sa ndir caˀa. Na, ki ɓi: a sa zuɓaka Mangal ngi mburo nga muŋ mbri mbri maka? Mangal ngi mbur vuna i waka?»

Ɓimezle ngi Yesu Kristu ZAŊ mitil di mi 5:27

A vulaŋ gidaŋ ngi gi kiita, asi i Mangal ngi mburu.

Ɓimezle ngi Yesu Kristu ZAŊ mitil di mi 1:14

Yo Mingiɓi tuwa a tiri mbur titra le. A cifi a wuzla ndra ti gimezle ati ɓi ɓi mikaslsla haɗa. I puraka dudok naŋ le. I dudok ngi Mangal kirmalay mulumo di avu Cine.

Mark 14:62

Yesu ɓaŋ: «I ya. Yo kisa puraka Mangal ngi mburo, a cifi le joˀ tir vay hazum ngi Buymisemuŋ misi gidaŋ wãˀ. Yo ara sawa ar gazlavay a muŋ ma.»

Matiye 16:4

Mizli malambaˀ migwenehey, migi madamahay. Ki cufuɗam cekene avu ya, amma kum anta sa lumam cekene ko pal ta, sey ngi Zonas na si.» Yesu a cuh, a pula taŋ hirkim akẽh.

ZAKARI 14:5

Dar kisa kilam tir sozo misi ɓaˀ ar wala muwã ɗuwoyo, vur sozo a sa ndil sesẽŋ a Asal. Ki sa kilam kaɓa kum mikilam zleˀe ti hirwuy muwus ti hin ngi zumabuy ngi Oziyas, buy Zuda. Akẽh na, Bumbulvuŋ, Buymisemuŋ ɗu a sa ndilawa, mizli naŋhay mipal na gar sesek aseˀeŋ.

Matiye 8:20

Yesu a mbiɗaŋ di: «Bigaɗaya, taŋ ti vigiɗ taŋhay, ɗiyuw ngi ɓuhoy kwana, taŋ ti hay taŋhay, amma ya Mangal ngi mburo, ko li ki hirnga kwana, anta.»

Matiye 16:28

Gisiŋ, yi ɓukum na, mizli mekelemey a wuzla kum aka anta sa micam ta, sey da a puraka Mangal ngi mbur masa so ngi zuma buyo le far.»

Mark 8:37

Malla gwat ada, ɓa mbur a vula ngi mbiɗa hirnga ngi siifa naŋ kwa?

Mark 13:26

Ar nah na, a sa puraka Mangal ngi mbur ara sawa, gazlavay gun hirnga naŋ, naŋ ti gidaŋ naŋ wãˀ waɗ dudok naŋ wãˀ.

SLRA 10:22

A mbiɗakaŋ di: «Korney, mbur miwi sojehey skat, mbur mikaslsla, mazluwun ti Bumbulvuŋ, mizli Yudehey keɗeɗe gar mangilam di wuy na, mislino ndra i naŋ. Asi modro ngi Bumbulvuŋ a njikaŋ di, a ɓaŋ ɓa aru ti ka ngi hay naŋ, ɓa a sa cine mingiɓi ɗike.»

TESALONIKEY MUDUMBUŊ NAŊ 2:19

Ndra manjaham hiri, yo ndra mamumulom gar na, asi kum vuna ta kwa? Buy ndra Yesu, ti naŋ masa mawa na, i sa jijaham asi kum kaɓa bugawla mulum migir naŋ le.

TESALONIKEY MUDUMBUŊ NAŊ 3:13

Anja a vulukum gidaŋ a mevele, ɓa ki ndiram pal, manja ɓ ngi mbuɗukum hirnga aseˀe a mbuŋ Cine ndra Buymisemuŋ, hã tapas Buy ndra Yesu masa mawa ati mizli naŋhay gar. Amin.

ZAŊ MUDUMBUŊ NAŊ 2:28

Naŋ kanah so, ziri ɗuwoy, ndiram jom ati naŋ, ɓa ti naŋ misa bugo vu le na, i sa cifam gidaŋ gidaŋ manja zluwun neˀ, yo ti naŋ misa so le na, ndr'anta sa ndiram ti mesem, kileŋ ava mata.

ƁIMUNJUYO 14:10

naŋ vuna kwana, a sa si mbaazla ngi himaˀ ngi Buymisemuŋ ya, mbaazla manja lihiɗ, mipaka sek ng'ar sikiɗ ngi himaˀ ngi Buymisemuŋ. Yo a sa si bonoy angi vu ati baruudu a mbuŋ modro ngi Buymisemuŋhoy waɗ a mbuŋ tumuŋ.