Mark 6:41 - Bible en langue guiziga

⁴¹ Dar Yesu a hila ɗaf muzlum ati kilif cuw tuwa, a zuɓa hiri nga muŋ, a ɗuwul mi, a ngila ɗafahay tuwa, a vula taŋ da mizli ngi seˀeheye, ɓa a vulaka da mizli, yo a wunka kilif mucuw tuwa da mizli gara ma.

Mark 6:41 ပူးပေါင်းရင်းမြစ်များ

Matiye 14:19

A dirba naŋ miɓa zigiduw, ɓa a cifam ar giziŋ misilip silip na, a zuɓa ɗaf muzlum ati kilif mucuw tuwa, a zuɓa hiri nga muŋ, a ɗuwul mi araŋ. Joˀ a ngila ɗafahay tuwa, a vula da mizli ngi seˀeheye, ɓa a wunkaka da zigiduwo.

Matiye 15:36

A dirba nah na, a hila ɗaf mitarnaˀ ati kilif memeɗehey tuwa, a ga sise da Buymisemuŋ, a ngila taŋ, a vula da mizli ngi seˀeheye, joˀ taŋ kwana, a vulaka da zigiduw aya.

Matiye 26:26

Ti taŋ mira zumam ɗaf na, Yesu a zuɓa ɗaf, a ga sise da Buymisemuŋ, a dirba nah, a ngila, a vula da mizli ngi seˀeheye, a ɓa taŋ: «Ani, tiɓaka, zumaka, hana i dumvu ɗu.»

Mark 14:22

Ti taŋ mazumam ɗafa, Yesu a zuɓa ɗaf, a dirba naŋ muɗuwul mi ara na, a ngila, a vula da mizli ngi seˀeheye, a ɓa taŋ: «Ani, tiɓaka, hana i dumvu ɗu.»

Mark 6:40

A cifam ti jobbol, mizli skat skat, yo kukur zlum kukur zlum.

Mark 6:42

Taŋ gar a zumam hã a mbam.

Mark 7:34

Dar a zuɓa hiri nga muŋ, a niˀic, a ɓa mbur tuwa: «Effata!» mbiɗeˀvra: «Wun!»

Mark 8:19

Ti ya mingila ɗaf zlum da mizli durmuk zlum na, ki hilaka is naŋ mubulngus bulnguso, gadagar caɓ caɓ kiteka?» A ɓam: «Kuruˀ nga cuw.»

Ɓimezle ngi Yesu Kristu LUK mitil di mi 24:30

Ti naŋ micifi ɓa a zumam ati taŋ na, a zuɓa ɗaf, a ɗuwul mi anga, a ngila, dar a vula taŋ di.

Ɓimezle ngi Yesu Kristu LUK mitil di mi 9:16

Yesu a hila ɗaf muzlum ati kilif mucuw tuwa, a zuɓa hiri nga muŋ, a ɗuwul mi anga. Joˀ a ngila taŋ, a vula taŋ da mizli ngi seˀeheye, ɓa a wunkaka da zigiduw tuwa.

Ɓimezle ngi Yesu Kristu ZAŊ mitil di mi 11:41

A kirahaka ɗugur tuwa avra so. Dar Yesu a zuɓa hiri nga muŋ, a ɓi: «Aw Baha, i guw sise vur ka mitiɓa mi ɗu na.

Ɓimezle ngi Yesu Kristu ZAŊ mitil di mi 17:1

Yesu, a dirba naŋ miɓi kahana na, a zuɓa hiri nga muŋ, a ɓi: «Baha, pas a ndila le, ga dudok da Mangal ɗike, ɓa Mangal ɗik a guw dudok aya,

Ɓimezle ngi Yesu Kristu ZAŊ mitil di mi 6:11

Yesu a hila ɗafahay tuwa, a ga sise da Buymisemuŋ. A dirba nah, a wuɗkaka da mizli mujoˀjoˀhoy tuwa. A gi ti kilife kanah ma, a vula taŋ di ka taŋ mawuɗam.

Ɓimezle ngi Yesu Kristu ZAŊ mitil di mi 6:23

Amma palalam mekelemey a soko tir walahay Tiberiya, a ndiloko gweˀ avu li taŋ muzumaka ɗaf, Buy Yesu miga sise da Buymisemuŋ vurˀe tuwaŋ.

SLRA 27:35

A dirba naŋ miɓi kahana na, a zuɓa ɗaf, a ga sise da Buymisemuŋ a mbuŋ mizli gar, a ngila, dar a zla a zum.

ROMAHAY 14:6

Mbur mawa hin mekeleme, a funa numuŋ le na, a ɗuf di i hirnga da Bumbulvuŋ. Mbur mazum gwat gar na, a ga ngi ɗuva hirnga da Bumbulvuŋ. Asi mike na, ara ga sise da Buymisemuŋ aseˀe. Yo mbur mazum gwat gar ta na kwana, a ga ɓa ngi ɗuva hirnga da Bumbulvuŋ, yo ara ga sise da Buymisemuŋ aseˀe.

KORENTIHEY MUDUMBUŊ 10:31

Na so na, da ki zumam i mi, da kisam i mi, malla ko da ki gam i mi gar na, gaka ngi ga dudok da Buymisemuŋ.

Slu cuw 8:10

Adiga, kisa zumam hã ki mbam, joˀ kisa gaka sise da Bumbulvuŋ Buymisemuŋ kumo, vur hirwuy mezle, naŋ muvulukum di na.

KOLOSOY 3:17

Gwat zliv kum magaka gu ati ɓi kum maɓaka gu gar na, gaka ti slimiɗ ngi Buy ndra Yesu, ti ga sise da Cine ndra Buymisemuŋ ti seˀeŋ.

SAMUYEL MUDUMBUŊ NAŊ 9:13

Kum mindilam le ndil ar walahay si na, ɓa hã naŋ masa jiɗ tikeˀe nga zuma ɗaf ngi mikuli ar li miɗingir magam mikuli a diga na, naɓa ki lumaka le si. Vur da a so t'aruŋ na, mizli anta zlaka zuma ɗafa ta, asi mike na, sey maɗuwul mi ar ɗaf ngi mikuli i naŋ, ɓa a dirba nah, mizli mizila ti ziley a zumam ɗafa far. Wurenna a ram, asi dana, ki lumakaŋ.»