Mark 6:11 - Bible en langue guiziga

¹¹ Ar li mekeleme, da mizli a tuɓukum ta, yo da t'anta cinaka mingiɓi kumo ta na, ti kum masa bam ti kẽh na, tukoko lagwada ngi vi sar kumoyo: a sa gi i sedewo avu taŋ.»

Mark 6:11 ပူးပေါင်းရင်းမြစ်များ

NEHEMI 5:13

A dirba nah na, yi ja mi ngi zana ɗu kaw, yi hira har har, i ɓa taŋ na: «Mbur macici ar mingiɓi hana ta na, Buymisemuŋ a sa hira har har avra kileŋ avu mizli ngi hay naŋhaya, yo kileŋ avu zlili naŋhaya! Naŋ kahana, a sa hiraka avra, a pulakaŋ ɗoɗok manja gwat neˀ le ava!» Zigiduw gar a zil mi: ‹Anja kine!› Dar a hunumaka Bumbulvuŋ. Ar nah na, mizli a gaka kaɓa taŋ miɓam tuwa so.

Matiye 12:36

Yi ɓukum na: tapas gi kiita na, ɓi malambaˀ mizli miɓaka le gar zleˀe na, a sa slufakaŋ.

Mark 6:10

A ɓa taŋ: «Da kum mindilam le ar li numuŋ, kum micam le a hay mbur na, ndiram anga, hã kum masa pulaka li nah.

Ɓimezle ngi Yesu Kristu LUK mitil di mi 9:5

Da mizli a tuɓukum ta na, ti kum masa bam tir walahay nah na, tukoko lagwada ngi vu sar kumoy avra. A sa tiri i sedewo avu taŋ.»

SLRA 18:6

Yudehey a tikakaŋ mi, yo a zakaŋ, dar Pol a hira lagwada ngi vu zana naŋ, a ɓa taŋ: «Anja pumbus kum a mbiɗi nga hirnga kum. Y'ara ta, zle wurenna, i sa ru sey ng'avi mizli Yudehey ta na.»

ROMAHAY 2:16

Gwat ngi gi muɗum ngi mizli gar, Buymisemuŋ mupula ɓa masa ga kiita nah, i Yesu Kristu na, a sa njik gar ti hin nah. Ɓimezle ya matil di mi na, i ɓi nah vuna.

ROMAHAY 2:5

Amma hirnga ɗike gidaŋ, k'anta ngum mbiɗa mevel ɗike ta. Hana ki cikil di i bonoy madiɗa wãˀ ngi kutuko hin Buymisemuŋ masa njuyo himaˀ naŋ ati kiita, naŋ masa ga ti jiviɗ naŋ kaslsla na.

PIYER MUCUW NAŊ 2:6

Waɗ ma na, Buymisemuŋ a ga kiita da walahay Sodom ati Gomoro, a zlizlira taŋ le kap, ɓa mizli mazirɗa mihey na, a biga taŋ di i gwat masa ndilo avu taŋ tumbuŋ.

PIYER MUCUW NAŊ 2:9

Naŋ kine, mizli mikaslslahay na, Bumbulvuŋ a laha taŋ tir bonoy taŋ gu, yo mizli migi gwat mijeŋŋehey ta na kwana, a wi taŋ vu ngi sa ga taŋ bonoy, tapas naŋ masa ga taŋ kiita.

PIYER MUCUW NAŊ 3:7

Amma muŋ ati hirwuy muwurenna na, Buymisemuŋ a ja taŋ le kaw ti mingiɓi naŋ misi purla nah, ɓa i vu masa zuma taŋ. A wi taŋ vu le weˀ, ngi ndila hin ngi kiita ati hin ngi zizi mizli mizirɗa miheye.

ZAŊ MUDUMBUŊ NAŊ 4:17

Gwat mabiga wuɗavu ngi Buymisemuŋ, a ndila le kaslsla a hur ndra na, n'anihĩ: angi hin ngi Buymisemuŋ masa ga kiita da mizli na, ndr'anta sa zluwunam ko neˀ ta, asi gwat ngi gi ndra ar duniya a bam vu le rak rak ati ngi Yesu Kristu.

ZUDE 1:7

Sodom ati Gomor waɗ prok ngi ciki taŋhay gar ma na, a vulaka vu taŋ ar gi sulome kanah ya, yo a ram ti kil ngi sipi cil taŋhay ngi hin, a sa sam bonoy ar vu ngi sete, yo gi gwat taŋ i ngi ki mumuyuŋ zay sla a slimiɗ mizli gar.