Mark 5:7 - Bible en langue guiziga

⁷ Dar a widi ti gidaŋ, a ɓi: «Ka Yesu, Mangal ngi Buymisemuŋ Mimadiɗaŋ, ki wuɗ mi avu ya ka? Ambuh, ti slimiɗ ngi Buymisemuŋ, ki giy bonoy ta.»

Mark 5:7 ပူးပေါင်းရင်းမြစ်များ

ZLI VIRZI 3:15

I sa ga, ɓa ka ati ngwasa, ki gam mesene, ɓa dideˀ naŋhay ati dideˀ ɗikey a gam mesene. Naŋ a sa njirsluw hirnga, yo ka kwana, kisa humbuɗaŋ avu duɓuk sar.

BUYOY MUDUMBUŊ NAŊ 22:16

Amma buy a mbiɗaŋ di: «I sa hudumuw sar kite ɓa ki ɓiy kaslsla ti slimiɗ ngi Bumbulvuŋ ka?»

Ɗerewol OZE 14:8

Mizli mipam zleˀe a susuɗuk naŋ, a sa moko a muŋ, a sa hufam alkamari, a sa sikam kaɓa gudubun, yo slimiɗ naŋ a sa zil ti mezle kaɓa slimiɗ ngi mbaazla ngi Libaŋ.

Matiye 16:16

Simoŋ Piyer a slaŋ di: «Ki Kristu, Mangal ngi Buymisemuŋ misi ti siifa.»

Matiye 26:63

Amma Yesu naŋ teˀteˀe. Joˀ masay madiɗa a ɓaŋ: «I cufuɗuw ti slimiɗ ngi Buymisemuŋ misi ti siifa, ɓa ndra di njah si: Ki Kristu, Mangal ngi Buymisemuŋ kwa?»

Matiye 4:3

Mitikina vu a kirih ng'avaŋ, a ɓaŋ: «Da ki Mangal ngi Buymisemuŋ na, ɓa ɗugur hanayna, ɓa a tiram ɗafahay sini.»

Matiye 8:29

Joˀ a zlaka a wudam: «Ki wuɗ mi avu ndra ka, Mangal ngi Buymisemuŋ? Ki so aka ngi ga ndra bonoy daf manja hin naŋ a ndilo si kwa?»

Mark 1:24

«Ki wuɗ mi avu ndra ka, Yesu mbur Nazarete? Ki so ɓa ngi ziza ndra kwa? Yi sinuw le, ki mbur Mipal ngi Buymisemuŋ.»

Mark 14:61

Amma Yesu aro lek lek, a mbiɗa ko neˀ ta. Masay madiɗa a cufuɗa ma, a ɓaŋ: «Ki Kristu, Mangal ngi Bumbulvuŋ ndra maɗuwulakaŋ mi na kwa?»

Mark 3:11

Da setenehey mupuraka Yesu le keɗ na, a ndilam a mbuŋ naŋ, a wudam, a ɓam: «Ki Mangal ngi Buymisemuŋ!»

Mark 5:6

Amma naŋ mupura Yesu kileŋ a diga na, a kilo, a huruk huruk a mbuŋ naŋ.

Mark 5:8

A ɓi kahana vur Yesu a ɓaŋ zleˀe na: «Setene mihirya vu, bi ti vu mbur hana!»

Ɓimezle ngi Yesu Kristu LUK mitil di mi 1:32

A sa tiri mbur madiɗa, a sa zilaka Mangal ngi Buymisemuŋ Mimadiɗa. Bumbulvuŋ Buymisemuŋ a sa caŋ ar buy ngi dideˀ naŋ Daviti.

Ɓimezle ngi Yesu Kristu LUK mitil di mi 4:34

«Yooho! Ki wuɗ mi avu ndra ka, Yesu mbur Nazarete? Ki so ɓa ngi ziza ndra kwa? Yi sunuw le, ki mbur mipal ngi Buymisemuŋ!»

Ɓimezle ngi Yesu Kristu LUK mitil di mi 6:35

Kumo so na, wuɗam mesene kumoy. Gam mezle, yo mizli midindilam gwat le avu kum na, ki wulkaka mata. Naŋ kine, kisa lumam migir kumo haɗi, kisa tiram ziri ngi Buymisemuŋ Mimadiɗa. Asi naŋ, naŋ i mezle avu mizli manja si na gi sisehey waɗ avu mizli misi moˀorehey gar.

Ɓimezle ngi Yesu Kristu LUK mitil di mi 8:28

Naŋ mupura Yesu keɗ na, a diɗ asi sar naŋ ti widi, a ɓi ˀay paɗ a muŋ: «Yesu, Mangal ngi Buymisemuŋ Mimadiɗa, ki wuɗ mi avu ya ka? Ambuh, anja ki giy bonoy ta!»

Ɓimezle ngi Yesu Kristu ZAŊ mitil di mi 20:31

Amma ɓi mutohoko misi ani hana gar na, ɓa ki tiɓam: Yesu i Mesi, i Mangal ngi Buymisemuŋ, yo ɓa kum mira tiɓam na, ki lumam siifa ngi sete ti slimiɗ naŋ.

SLRA 16:17

A ra sipa Pol ati ndra ti widi, a ɓi: «Mizli tayna i gawla ngi Bumbulvuŋ Mimadiɗaŋ. A ra tulukum mi ti ɓi ngi lahavu!»

SLRA 19:13

Yudehey ada, maram ti liˀi ngi ɓula setenehey. A tutumaka ngi gi kanah ti zila slimiɗ ngi Buy Yesu ya, a ɓaka taŋ: «Yi ɓukum ti slimiɗ ngi Yesu, Pol matil di mi hana, bam.»

SLRA 8:36

A zuɓaka jiviɗe, ara ndilam kasl a mi futuŋ, joˀ mbur Etiyopi a ɓa Filipe: «Yam anihĩ, matikiy ɓa ngi ci ar yam i mi maka?»

ROMAHAY 16:20

Buymisemuŋ mavul zuyo, a sa njirsla Satana asi sar kumo gweˀe. Anja gimezle ngi Buy ndra Yesu a ndir ati kum.

HEBEREY 2:14

Ani so na, ziri, kaɓa Yesu mazila taŋ vuna na, taŋ ti dumvu ati pumbusu. Naŋ vuna kanah ya, naŋ ti kpak ngi vu, rak rak ka taŋ vuna ya. Vurˀe, a muc na, ɓa ngi ziza mbur misi gidaŋ ngi muc asi haŋ naŋ na, mbiɗeˀvra milyam,

HEBEREY 7:1

Melkisedek nah na, i buy madiɗa ngi Salem, i masay ngi Buymisemuŋ Mimadiɗa. Ti Abraham mamawa tir vurum, a dirba naŋ mitika ˀay da buy madiɗahay na, Melkisedek a bi, ara ji di hirnga, dar a ɗuwulaŋ mi.

Ɗerewol ZAK 2:19

Buymisemuŋ naŋ purla, ki tiɓa le takwa? Kuy haɗa! Na, ko setenehey kwana, a tiɓaka le ya, a zluwunam di kir kir ma.

PIYER MUCUW NAŊ 2:4

Asi Buymisemuŋ naŋhay migam mungra na, a pula taŋ manja zuma dangay ta. Amma a zliɗa taŋ le ng'ar luvuŋ titra, ar heleleŋ mijileŋ a ruwuy. A wi taŋ vu le weˀ vur hin ngi kiita.

ZAŊ MUDUMBUŊ NAŊ 3:8

Mbur magi mungra na, i mbur ngi milyam, asi zle angi zli virzi naŋ na, milyam i migi mungra. Mangal ngi Buymisemuŋ mubugo vu na, ɓa ngi hirya slra ngi maliyam avra.

ZUDE 1:6

Modro ngi Buymisemuŋhoy micifam ar li naŋ muvula taŋ di na ta, yo mupulaka li cifi taŋ na, a juwa taŋ le kaŋ kaŋ ti celelu hã ngi set, a wi taŋ vu le weˀ angi luvuŋ, ngi kutuko hin madiɗa ngi kiita.

ƁIMUNJUYO 12:12

Vurˀe, ka muŋ ati kum mizli micifam anga, mumulom. Amma ka hirwuy, mubuliy, kay! Kum ar bonoy, asi Satan a pi sar le ng'avu kum akẽh. A slikiɗ himaˀ le haɗi, asi a si na le, a ndiraŋ hin neˀkini.»