Mark 5:40 - Bible en langue guiziga

⁴⁰ Dar mizli tuwa a singiram angaŋ. Amma Yesu a ɓula taŋ gar ng'avra, a zuɓa cine ngi zuŋ ati mumuŋ, waɗ mizli musoko aseˀe tuwa, a cam ng'ar viŋ zuŋ misi anga na.

Mark 5:40 ပူးပေါင်းရင်းမြစ်များ

ZLI VIRZI 19:14

Lot a bi, aru ng'avi jomo naŋhay mawuɗ a zuɓaka ziri naŋhaya, a ɓa taŋ: «Slikiɗam, bam tir walahay hana, asi Bumbulvuŋ a wuɗ a ziza walahaya.» Amma jomo naŋhay a puraka kaɓa a ɓi di i ɓi ngi singir.

BUYOY MUCUW NAŊ 4:33

Elize a ci nga viŋ, waɗ a gica miviŋ giceˀ ar taŋ ati vagay ngi mangala.

NEHEMI 2:19

Sanebalat, mbur Horoni ati Tobiya, gawla naŋ, mbur Amoŋ, waɗ Gesem, mbur Arapa, taŋ micinaka ɓi nah cin na, a singiram angi ndra, a puram ndra hiris le. A zlaka a ɓam na: «Ki gam di i mi nah vunaka? Ki slikiɗam di i ɓi ti slikiɗ avu buyo takwa?»

Ɗerewol JOP 12:4

Yi tila mi da Buymisemuŋ zleˀe na, ti njaha hiri, a sa mbiɗiy di, yo yi tiri le yi mbur, ngama ɗuwoy masingiram ar ya. Mbur mijeŋŋe, mikaslsla jak na, joˀ mizli a singiram araŋ.

DIMISEY 22:7

Amma ya, yi muzurɗuɗuy, yi mbur mata, mizli ara zikiy, duniya gar ara hirsiy.

Matiye 15:11

Maci ti mbur ar dili i gwat maci nga balam ta, amma maci ti mbur ar dili na, i gwat mabo ti balam jaka.»

Matiye 7:6

«Ki vulaka gwat ngi Buymisemuŋ da kirihey ta, virzle hirnga kumoyo, ki hizigaka taŋ da fedemey ta, vur taŋ makirpaka taŋ asi sar, a mbuɗoko hiri, a nguwukum.

Mark 5:39

a ci, a ɓa taŋ: «Ki wusam haɓar haɓar, yo ki tuwam vur mike? Zuŋ a muc ta, a hinje ti hinje.»

Mark 5:41

A ja zuŋ kaw avu haŋ, a ɓaŋ: «Talita kum!» mbiɗeˀvra: Zuŋ meciɗek, yi ɓuw, puɗuku!

Ɓimezle ngi Yesu Kristu LUK mitil di mi 16:14

Farisahay micinaka ɓi nah gar na, a singiram ar Yesu, asi a wuɗam dala haɗa.

SLRA 17:32

Taŋ micinaka, Pol miɓa ɓi ngi slikiɗ ti wuzla mumucahay na, mizli mekelemey a singiram angaŋ, numuŋhoy a ɓakaŋ: «Ki sa ɓa ndra ɓi hana duwul mekelem aruŋ.»