Mark 4:39 - Bible en langue guiziga

³⁹ Yesu mupuɗuk na, a buca himiɗe, a ɓa yama: «Ki wus ta! Cifi teˀ teˀe!» Burkataŋ a kiɗ mi le, li a cici kiŋ.

Mark 4:39 ပူးပေါင်းရင်းမြစ်များ

Ɗerewol JOP 38:11

Dar yi ɓa mubuliye: «Ndilo weˀ aka tewle, ki tuwuɗ kileŋ ta, diɓel ɗik mazuɓ fuyõh fuyõh na, a kiɗ mi aka si.»

DIMISEY 107:29

Buymisemuŋ a cica burkataŋ kiŋ, dar yam a ngi diɓele mata.

DIMISEY 148:8

Vu ati yam mapo buk buk, kutuɓ ati mulbuɗ, burkataŋ gambara, kum macinakaŋ mi na, hunumakaŋ.

DIMISEY 29:10

Bumbulvuŋ a ro ar mekepel, ara zum buy. Bumbulvuŋ a ro ar janga naŋ, i buy madiɗa ngi sete.

DIMISEY 65:7

Ki tikaˀay da muwãhaya, ɓa a ndiram nga taŋ nga taŋ, gwat ngi vurum ɗike, i gidaŋ ɗik mihaɗa na.

DIMISEY 89:9

Bumbulvuŋ, ka Buymisemuŋ miwa si gazlavay kurzluˀ gar, Bumbulvuŋ misi kaɓa ka i waka? Ka gidaŋ, yo ka teŋteŋ ar gwat ngi gi ɗikeye ndrehhe.

BI NGI ISRAYELEY 14:16

Amma ka, zuɓa ganday a muŋ, zuɓa haŋ ng'ar mubuliye, wuɗuka kpah a wuzla cuw, ɓa Israyeley a tuwuɗaka ti sar njiraŋ njiraŋ.

BI NGI ISRAYELEY 14:22

Israyeley a tuwuɗaka mubuliye ti sar njiraŋ njiraŋ. Yam a gi toŋ toŋ tir hazum taŋ, toŋ toŋ tir gula taŋ kaɓa mohol.

MIKUCUWULOY 8:29

ti naŋ ɓi micica maakway da mubuliy, anja ɓa yam a tuwuɗa ta, waɗ ti naŋ muɗuva si virzi ngi hirwuyo na,

ZEREMI 5:22

Bumbulvuŋ a ɓi na: Ki zluwunam ti ya ta mbrike? Ki jijikam a mbuŋ ɗu ta mbrike? Mipa muyuŋ ar deɗe ngi maakway da mubuliy, maakway naŋ ngi set, ɓa a tuwuɗ ta na, i ya takwa? Yam a slikiɗ jirif jirif, amma naŋ anta lum gidaŋ ta, naŋ mangi diɓel na, a hurum cufuyoh cufuyoh, amma ko a tuwuɗa ta.

TUWUY 3:31

Asi Bumbulvuŋ naŋ anta pula mburo fuk ngi wãˀ ta.

NAHUM 1:4

A mbura himaˀ da mubuliye, a hisik ngbatataŋ, a hisika yam ngi mizawaya cek. Ɓuh ngi Basaŋ ati Karmele, a vus ti vus, gwat tukuzo ngi ruwuy Libaŋhay a ɓutom.

Matiye 8:26

Yesu a ɓa taŋ: «Ki zluwunam vur mike? Kum mizli misi tiɓi keɗeccehey.» Dar a slikiɗ deŋ, a buca burkataŋ ati yama, li a cici kiŋ.

Mark 4:38

Yesu naŋ tup ti dirba, hirnga ɓaˀ ar gwat ngi taha hirnga, ara hinje zleˀe. Dar mizli ngi seˀehey a puɗkakaŋ, a ɓakaŋ: «Kumani, ndra mazizam na, a cuw ka ta wãˀ kwa?»

Mark 9:25

Yesu a pura na, zigiduw ara kus ng'avi taŋ, a buca setene mihirya vu tuwaŋ, a ɓaŋ: «Setene midigizla maɓi ɓi gu ta, yi ɓuw: bi tivi mangal hana, anja ki ci ava mata!»

Ɓimezle ngi Yesu Kristu LUK mitil di mi 4:35

Yesu a mbura himaˀ da setene tuwa, a ɓaŋ: «Taˀa mi, bi ti vu mbur hana.» Setene a hizigiɗa mbur tuwa pararah a wuzla taŋ, a bi, ko a gaŋ gwat neˀ ta.

Ɓimezle ngi Yesu Kristu LUK mitil di mi 4:39

Yesu a guɓ ng'ar naŋ guɓ, a mbura himaˀ da jiji tuwa. Jiji a pulaŋ. A haŋhaŋ si na, ngwas a slikiɗ, a ga taŋ gwat ngi zum.

Ɓimezle ngi Yesu Kristu LUK mitil di mi 8:24

Mizli ngisi Yesuhoy a kiraham ng'ava, a puɗkakaŋ, dar a ɓakaŋ: «Buy, Buy, i ra zizam.» Yesu a puɗuk, a buca himiɗ tuwa ati diɓel ngi yama. Himiɗ a cici, diɓel ngi yam a mbizli kip, waɗ li a cici kiŋ.